الشاعر مهيب عدلى (75 ترنيمة )

1- (انت إلهنا تحارب عنا لما يزيد الخوف جوانا
وفي ضعفاتنا انت بتعيننا وبنصرة بنرفع أعلامنا)2

القرار - (شدّد أيادينا للخير نبني الأسوار المهدومة
واثقين فيك انت يا قدير نصرتنا في شخصك مضمونة)2

2- (وبترفعنا إيديك الصالحة وتثبِّت أعمال إيدينا
بندوس كل صعابنا الجارحة بالروح اللي مالينا)2
3- (نبِّه أرواحنا وانهضها لشهادة حية مسموعة
كلماتنا بروحك أيّدها احنا عيوننا ليك مرفوعة)2

1- (بتحلِّي المرارة وتحيي الحجارة من كوم التراب
دي ثقتي أكيد في اللي يقدر يعيد آمال اللي خاب)2

القرار - ما انت القدير تؤمر ويصير ليك السلطان على كل الأمم
وانت الأمين طول السنين تشهد بإنك إله النعم

2- (بتجدد قلوب وترجع تتوب وتعيش ع الرجاء
ده صليب النجاة بيحيي اللي مات يشرق بالحياة)2
3- (هاتيجي بصباح وتشفي الجراح اللي مالية السنين
و اشوف الحبيب بعلم الصليب ويزيل الأنين)2

1- (لو ضيقاتنا عدت حدود الاحتمال فاقت أفكارنا
لما إليك ربي نعود تشفينا وتحلّي مرارنا)2

القرار - (قلوبنا تتسكِن قدامك عنوانها يبقى بين إيديك
طريقنا يتنور بكلامك يا إلهنا يرجع المجد ليك)2

2- (لو شرايين أملنا اتقطعت من جديد تِحيي رجانا
وكل صلوة إليك اترفعت نلقى جوابك بالخير جانا)2
3- (لو في يوم يِبست عظامنا روحك ينادي فينا بحياة
وساعتها نِعلن بيك أفراحنا ونقوم كجيش لمجد الله)2

1- (ماتخافشي دي كلمة قالها ليَّ الرب
وسط الخوف والضلمة ساند بيها القلب)2
(راح اشوف بيها النور وأعدّي وسط بحور
ولا يوم القلب يخور ده وعده ماتخافشي)2
2- (ده وعد إلهي بيعزّي في الصعب
إيه في الدنيا يساوي قلبه المليان حب؟)2
(أمشي معاه المشوار وسماه ليَّ الدار
ولا يوم أبداً احتار ده وعده ماتخافشي)2
3- (ده وعد أبويا يسندني في الدرب
أقرب لي من أخويا وليَّ أعظم أب)2
(أسكن معاه بأمان وأنا شاكر للإحسان
وأعيش بالإيمان ده وعده ما تخافشي)2

1- (الخير جاي ده إلهي حي سواقيه مليانة بالمية
وبأصناف هايكون أضعاف من إحسانه و جوده عليَّ)2

القرار - (فارد إيدي وباخد منه رافع عيني وناظر ليه
قلبي اتطمِّن واثق إنه رب الكون ومِلك إيديه)2
رب الكون ومِلك إيديه

2- (الخير جاي معاه في الضي بنصرة معدي كل بحار
في الأزمات لامس بركات بالهتافات أهدِم أسوار)2
3- (الخير جاي ومافيش زي إني أعيش هنا بالإيمان
ناظر ليه تسندني إيديه لحد ما اشوفه بالعيان)2

المس نعش حياتي يا سيدي نادي عليَّ بكلمة أقوم
ده أنا ميت ولا أمر بإيديَّ وبخطايايا عليَّ اللوم (٢)
ولا يكفيني غير رحمتك ولا يشبعني غير نعمتك (٢)
استرني.. ابرئني.. ارحمني

اغسل قلبي بقوة صلبك احيي رجايا وكل آمالي
اغمر نفسي بحنان قلبك أنا واثق إني أنا فيك غالي (٢)
ولا يكفيني غير رحمتك ولا يشبعني غير نعمتك (٢)
استرني.. ابرئني.. ارحمني

نادي بروحك واحيي عظامي قومني وفك قيودي
عايز أعيش كل أيامي أنشد ليك وأرفع تمجيدي (٢)
ولا يكفيني غير رحمتك ولا يشبعني غير نعمتك (٢)
استرني.. ابرئني.. ارحمني

القرار - (متأيِّد أنا بإلهي ومتعزز بالقوة
أيوه عزي و جاهي أيوه ضماني هو)2

1- (لو أخطار حواليَّ تسود وعواصف ورياح ورعود)2
هاتطمِّني بأحلى وعود وحصون حواليَّ تشيد
وأفضل بيك متأيِّد
2- (لو شكوك جوايا تدور أو وقفت قدامي بحور)2
هاتوصلني لحد النور وعدو الخير متقيد
وأفضل بيك متأيِّد
3- (لو في الغربة شُفت آلام منعتني أمشي لقدام)2
وحدك تملا قلبي سلام وفي أمجادك راح أعيد
وأفضل بيك متأيِّد

لما في يوم النبع يجف ولا زاد ولا مية في إيديَّ -1
والألم لو زاد ولا خف نبع سلامك ساكن فيَّ
وأنا عايش. عايش بالوعد

القرار - وعد إلهي بيملى كياني وبيحيي كل عظامي
وبيخلق من العدم وبيبني اللي اتهدم
وأنا عايش عايش بالوعد

ولو البحر وقف قصادي وحلقي مرار لصعوبة الأمر -2
أسمع صوتك ليَّ ينادي مد عصاك واعبر بالنصر
وأنا عايش. عايش بالوعد
وإن حسيت بالضعف ملاني وإن يوم شفت الموت بعينيَّ -3
مش ممكن يهتز كياني ده إيماني على صخرة قوية
وأنا عايش. عايش بالوعد
لو جت مرة الكل سابوني ما أحسبش عليهم لوم -4
ده إلهي سندي ومعيني ورجايا في إلهي يدوم
وأنا عايش عايش بالوعد

مش بين حي وميت رفعتني كنت فعلاً ميت قومتني -1
في الرحلة معايا أمنتني روحي بعنايتك حفظتني
رفعتني . قومنتني . أمنتني . حفظتني
وبحنان قلبك سكنتني جودك ومراحمك منحتني -2
ومحيت ذنوبي خلصتني من كل قيودي حررتني
سكنتني . منحتني . خلصتني . حررتني
مديت ليَّ إيدك حملتني وبنظرة عينيك طمنتني -3
وفي ضعف قلبي سندتني رعيتني في دربي أحببتني
حملتني . طمنتني . سندتني . أحببتني
من سلطان الظلمة أنقذتني ومن فيض النعمة شملتني -4
فوق صخرة إيماني ثبتني مليتني أغاني فرحتني
أنقذتني . شملتني . ثبتني . فرحتني
صرخت في ضعفي سمعتني ووقفت في صفي أنصفتني -5
وفي غربة حياتي لاحظتني وفي توهتي وبعادي حاوطتني
سمعتني . أنصفتني . لاحظتني . حاوطتني

يا اللي بعيد والرحمة قريبة ليه عايش في أرض غريبة -1
دي أحضان الرب حبيبة وتداوي جراحك بالطيبة

القرار - صوت الرحمة ينادي إله الرحمة يخلص
لأنك ربي الحنان
صوت الرحمة ينادي ولا فيضها راح ينقص
انت تملا القلب أمان

ارجع واتمسك بمكانك وافرح ده الرب أمانك -2
حتى إن يوم ضيّعت مكانك هو أبوك ويعيد سلطانك
قوم قطّع قيد الأحزان قوم افرح بالرب كمان -3
واملا إيديك رحمة وغفران واقبل عمله بالإيمان