مارك إسحق (31 ترنيمة )

(ليه تهتم بعالم فاني؟ بكرة هاييجى اليوم ويزول
ليه في العالم تبني أماني؟ مش راح تنفع ولا ها تدوم)2


القرار - (ارجع و ارضي إلهك وأعرف مهما تطول راح ييجي اليوم
ليه تحتار وتضيع عمرك؟ ليه من الفرح تعيش محروم؟)2


2- (أعرف إن حياتك فترة كل العمر ده مش مضمون
ليه تهتم وترسم بكرة؟ يمكن بكره ده مش هايكون)2
3- (عمر العالم ما هَايرويك عمره في يوم ما هَايشبع جوعك
صوت يسوع بِينادي عليك ارجع ليه مستني رجوعك)2

القرار – (مهما الضيق يزيد يشتد أنا الرب ما بنساش حد)2
لا العصافير ولا الغربان كم بالأحرى أنت يا إنسان

1- (ليه مهتم انت بالغد؟ صدق يا ابني وعيش الوعد)2
محتار ليه دايماً قلقان؟ .. صدَّق و استنى يا إنسان
2- (محني ليه وراسك في الأرض؟ ليه مذلول وكأنك عبد؟)2
ده انت ابني ومدِّيك سلطان .. صدَّق واستنى يا إنسان
3- (مهما ظلام الليل يتمد كل أبواب تُغلق وتُسد)2
بكرة لابد الفجر يبان .. صدَّق واستنى يا إنسان
4- (هانت يا ابني ساعات تتعد تبقى معايا هناك في المجد)2
تنسى الهم والأحزان .. صدَّق واستنى يا إنسان

1- ما يحسن في عينيك أفعل وأنا بين أيديك
يا أب يخاف عليَّ وحنان روحك حواليَّ
القرار - ولا يمكن ها تتركني ده وعدك بيطمني
يا شاريني بالدم الغالي أتاريني على قلبك غالي
2- ماشي في ظلال الموت فرحان وسامع الصوت
مجداً و مبارك اسمك قلبي مرتاح لشخصك
3- سلامي أنا أعطيكم وروحي يشفع فيكم
حملك أرميه يا بُنيَّ خفيف وتقيل عليَّ
4- شكراً للرب راعيَّ كنزي ونور عينيَّ
قلبي فرحان بحبيبي عزي وسعدي ونصيبي

القرار - أنا عايزك أنت يا صاحـب القـوات
تشغِّـل يمينـك تعمــل معجـزات

1- (انت عارف ظروفي قبل أنا ما اشكيها
مهمـا كانـت صعبـة ها تقـدر عليـهـا)2
2- (الأتون مُحـمّى انـزل قـدامـي
و بيـدك الحلــوة طلَّعـنـي تـانـي)2
3- (الأطباء احتاروا ورِّيهم إيـدك
خليهم يقولوا إن مافيـش زيـك)2
4- (شكراً ليك يا ربي يا صاحب السلطان
بيدك تنقذني بمحبة وكل حنان)2

1- (مابتنساش مابتنساش مابتنساش
أبداً يا ربي اللي تُكاله عليك
ولا تنساش ولا تنساش ولا تنساش
أبداً يا ربي اللي بيمسك فيك)2

القرار- (لو نسيت الأم رضيعها أو جفت من العين مدامعها
انت يا ربي مابتنساش اللي اتكاله عليك)2

2- (الخاطي لو خبَّط بابك تفتح له وترَّحب بيه
والعاصي لو جالك تايب تغفر ذنبه و بتهديه)2
حتى إن ضاقت بيه الدنيا واتقفلت كل الأبواب
(بابك دايماً مفتوح ليه)2
3- (رافعين لك يا ربي صلاة بدموعنا يا ابن الله
ارحمنا يارب ارحمنا ملناش غيرك نترجاه)2
انت لوحدك قادر ترفع و توصلنا لبر نجاة
(وسلاحنا ده صوم وصلاة)2

القرار- (يسوع هو أبويا راجع تاني لحضنه
من وسط الخطية من العالم وحزنه)2
1- (حب العالم جذبني مشيت وراه وخدعني
ضيَّع سلامي مني اللي عطاني يسوع )2
2-عشت في كورة بعيدة ضليت وسط دروبها
صارت نفسي وحيدة في جوع والكل سابها )2
(مالقتش هناك مكان للراحة والأمان
واشتقت للحنان والرحمة اللي في يسوع )2
3- (لحنانك يا يسوع قررت إني أرجع
جايلك قلبي في جوع روحي محتاجه تشبع )2
(سامحني لأجل حبك اقبلني يا رب عندك
ماستاهلش أبقى ابنك طهرني يا يسوع )2

1- (أنا جيت لك يا يسوع أنا جيتك بقلبي وروحي أنا حبيتك )2
(بتقول أنا راح أدخل بيتك قُل كلمة فَيبرأ غُلامي )2
القرار- (قُل كلمة فَيبرأ غُلامي ده المرض هدد سلامي)2
(أنا واثق فيك بإيماني قُل كلمة فَيبرأ غُلامي )2
2- (غُلامي مريض و بيتألم مسكين مش قادر يتكلم )2
(من فضلك امُر واتحنن قُل كلمة فَيبرأ غُلامي )2
3- (أنا جيتك يا يسوع يا غالي وضعت فيك كل أمالي)2
(أنا قائد لكني روماني قُل كلمة فَيبرأ غُلامي)2

1- (ادي قلبي اللي اتعود ينسى راجع للأحضان
راجع أنا من الخوف والقسوة قلبي ليك عطشان)2
القرار- (اقبلني ارحمني ارفعني إليك
توبني علمني اسندني بإيديك)2
2- (حبك ليَّ حب حقيقي قلبك بيه مليان
ياما سامحتني وأنا في طريقي مهما بكون غلطان)2
3- (عمري قضيته كتير في مواجع تحكيها الدموع
لكن عُدت لنفسي وراجع محتاج لك يا يسوع)2
4- (وأنا في بعادي تاه المرسى وقلبي ما إرتواش
إيه في العالم ممكن يسوى لحظة معاك تتعاش)2

1- (بتحلِّي المرارة وتحيي الحجارة من كوم التراب
دي ثقتي أكيد في اللي يقدر يعيد آمال اللي خاب)2

القرار - ما انت القدير تؤمر ويصير ليك السلطان على كل الأمم
وانت الأمين طول السنين تشهد بإنك إله النعم

2- (بتجدد قلوب وترجع تتوب وتعيش ع الرجاء
ده صليب النجاة بيحيي اللي مات يشرق بالحياة)2
3- (هاتيجي بصباح وتشفي الجراح اللي مالية السنين
و اشوف الحبيب بعلم الصليب ويزيل الأنين)2

1- (ماتخافشي دي كلمة قالها ليَّ الرب
وسط الخوف والضلمة ساند بيها القلب)2
(راح اشوف بيها النور وأعدّي وسط بحور
ولا يوم القلب يخور ده وعده ماتخافشي)2
2- (ده وعد إلهي بيعزّي في الصعب
إيه في الدنيا يساوي قلبه المليان حب؟)2
(أمشي معاه المشوار وسماه ليَّ الدار
ولا يوم أبداً احتار ده وعده ماتخافشي)2
3- (ده وعد أبويا يسندني في الدرب
أقرب لي من أخويا وليَّ أعظم أب)2
(أسكن معاه بأمان وأنا شاكر للإحسان
وأعيش بالإيمان ده وعده ما تخافشي)2