روماني سليمان (61 ترنيمة )

١- (ياللي بديت الرحلة معايا واثق فيك إنك هاتكمل
إنت الفرح في وقـت بكايا وإنت القلب إللي بيتحمل)٢

القرار - (شكراً ليك ياللي بترعاني ياللي إيديك دايماً رافعاني)٢

٢- (رغم إن أنا بتغـير دايماً إنت أمين ما بتتغيرش
وعـدك صادق لما بتوعد عن وعدك إنت ما ترجعش)٢

٣- (خطة عظيمة مدبرهالي رحلة عمري إنت راسمهالي
ساعدني يارب أعيش لك عالي فوق العالم فوق أحوالي)٢

القرار - (للخير دايماً تعمل يا إلهي مديون دايماً أشكر يا إلهي)٢

١- (للخير اديتني وفيضت كمان ولما منعت لخيري ده كان )٢
٢- (أنا عايز جوه مشيئتك أعيش ماحزنش في يوم لو مادتنيش)٢
٣- (علمني أخضع أنا لإرادتك علمني أشكر على أوقاتك)٢
٤- (دربني يارب أسمع صوتك أطلب برك وملكوتك)٢

1- (مين يقدر يقول مغفوره الخطايا
مين يقدر يقول اليوم هتكونمعايا)2
القرار - (وحدك يا يسوع تقدر يا يسوع)2
(وحدك يا يسوع تقدر على كل شيء)2
2- (مين يقدر يقول متخافش ومين يطمن
ومين لما يشوف اللي انحنى يتحنن)2
3- (مين يقدر بلمسه يشفي الليمالوش طبيب
مين لما يداوي عمر الدواء ما يخيب)2
4- (مين يقدر يخلي أعمى يشوف النور
مين يقدر ينادي ميت من القبور)2

١- (أنا مش مخلوق للخوف ولا يوم هيأثر فيَّ
مش خاضع للظروف هي إللي بتخضع ليَّ)٢

القرار - (أنا حر طليق زي الطير طاير في السماويات
واللي مقوي جناحي يسوع وأنا هايم في البركات)٢

٢- (أنا مش مخلوق للضعف في يسوع أنا من الأبطال
ده انا جوه جيوشه بألف هو اللي وعدني وقال)٢

٣- (أنا مش مخلوق للذات ده الكل معايا متساوي
ده أنا فوق الجسديات أنا ليَّ هدف سماوي)٢

1- (أبداً مش راح تقوى عليكِ أبواب الجحيم
يا كنيسة الرب مغطيكِ بالدم الكريم)2

القرار - (من مجد لمجد يعديكِ في الزمن الصعب يقويكِ)2
ليل ونهار عينه عليكِ.. (أبداً ما بيتخلى)2

2- (كل لسان يقوم عليكِ تحكمي بكرة عليه
وعدوك لو صوَّر ضدك آلة تترد إليه)2
(وسَّعي يلا مكان خيمتك قومي وشددي أوتادك)2
أمتدي وطوِّلي أطنابك.. (والمهدوم ابنيه)2
3- (أنتِ النور للعالم كله نوَّري للي بعيد
خلّي النور ينوَّر قلبه ويعرف معنى العيد)2
(عيشي في مجد إلهك حي ده عريسك وقريب جاي)2
اسهري كوني النور والضي .. (لحد ما ييجي لقاه)2

1- (العدل شاور وقال أجر الخطية موت
صَرخ من جوايا سؤال مين عن خطيتي يموت؟)2

القرار - (محكمة العدل السماوية حكمت على عصياني
خاين كسرت الوصية لكن يسوع نجّاني)2

2- (العدل علي كمان صوته قال مين هيوَّفي الدين؟
ما يغطّي عار الخطية ولا حتى ورق التين)2
3- (الحب أتنازل وأتجسِد وخد صورة إنسان
صُلب ومات قام وأتمجِد مابقاش للعدو سلطان)2

١- (يارب سامحني أنا خنتك كتير
داوي جراحي ورجع الروح للضمير)٢

القرار - (جايلك وواثق يا يسوع فيك ارتياحي
هتعوضني ع اللي راح وسنين جراحي)٢
هاتعوضني ع اللي راح وسنين جراحي

٢- (جايلك ونادم يايسوع ناسي اللي فات
من ماضي كان مليان أنين مليان أهات)٢

٣- (جايلك وحاسس باشتياق مالي الفؤاد
مش لاقي راحة ف بعدي عنك والعناد)٢

1- عشت سنين مسجون وأسير والحاكم صعب وقاسي
وأتمنيت ثورة تحرير تحررني وترفع راسي
يسقط يسقط حكم العالم والجسد اللي ماليني مآسي
وأرفع راسك فوق يا قلبي يسوع خلاصي
القرار
وهايفضل نشيدي جوه في قلبي وعيني أحيا لا أنا بل يحيا الرب فيَ
2- ونويت أختار أنا بإرادتي حاكم ينهي الذل بإيده
يضمن عمري يرد كرامتي ينهي الضعف ونصري يزيده
أخترت يسوع يملك أيامي ويرسم عمري الجاي بإيده

١- (زمن التعويضات أهو جاي متنحنيش يا نفسي
أوعى تخافي إلهك حي أوعى أحزانه تنسي)٢

القرار - (هايعوض عن السنين اللي أكلها الجراد
قومي يا نفسي وعلّي الصوت وقولي المجد عاد)٢
(قولي المجد عاد)٢

٢- (هايعوض الروح اليائسة برداء التسبيح
ويبدل كل الرماد بجمال المسيح )٢

٣- (وعد الرب يرد السبي ويرد المسلوب
ولا نرجع للسبي ما دام في قلوبنا المكتوب)٢

٤- (ما دام الرب أمر بالعز وساكن بين أغانينا
عرش القلب لا يوم يهتز ودهن الفرح مالينا)٢

القرار - (خلي بالك ياللي بتزرع لازم تحصد اللي زرعته
واللي بنيته ليك راح يرجع تشتري أنت اللي في يوم بعته)٢

١- (اللي قلته في يوم على غيرك بكره هايتقال برضه عليك
حتى الي رسمته في تفكيرك غيرك بكره هايرسمه ليك)٢

٢- (ياللي بتزرع حب وخير خير الرب هايملى حياتك
بكره هاتحصد أجر كبير والتعويض يغمر أوقاتك)٢

٣- (ياللي بنيت للعمر مخازن وقلت يا نفسي العمر طويل
مهما نهار الدنيا يطوَّل لازم بكره هايجي الليل)٢

٤- (لو جيت ليسوع الحنان يدي لقلبك أرض جديدة
تكبر في جذور الإيمان تحصدها في أبدية سعيدة)٢