تحت الشمس ضلة (8 ترنيمة )

1- (سيرته تحلى ... لما يكون عنه يسوع كل الكلام
ومسيرته أحلى ... لما يمشّيني معاه في سلام)2

القرار - (وطريقي يتملي بغُناه راحة قلبي ومشتهاه)2
و أهديه عمري لمنتهاه ليوم ما هاشوفه في سماه
ليوم ما هاشوفه في سماه

2- (هو الحياة... لما أعيش ويبقى ليَّ لذّتي
فيه الرجاء... وتدوم معاه كل الحياة وعِشرتي)2
3- (بيه النجاة ... لما تتوه مني الخطاوي في الدروب
وفي لقاه ... بينتهي حزني وفيه دايماً أدوب)2

القرار - (ببساطة غنواتنا هانقدم أشواقنا)2
(بحروف من كلماتنا راح نعلن أفراحنا)2
(تستحق أجمل ما فينا أبسط حاجة ليك أغانينا)2
أبسط حاجة ليك أغانينا

1- (في كل سنواتنا حبك ده عنواننا .. يا ضامن رحلتنا و محقق أحلامنا)2
2- (في ضي خلوتنا فيك نلقى راحتنا .. وفي عز كربتنا هاتنوَّر أيامنا)2
3- (وهانعلن فرحتنا في كل سكّتنا .. وعارفين غلاوتنا في قلبك يا مسيحنا)2

القرار - لسه تحت الشمس ضلة لو في غربة وتوهة ولا
لو رجلينا فيها زلة فيه سحابة فوقنا طالة

لسه فيه نور في طريقنا لو ظلام الليل خانقنا -1
فيه عمود نار بيرافقنا عمانوئيل هو رفيقنا
لسه بالإيمان هانعيش لو فيه خير أو حتى مافيش -2
كل الكون ده مايساويش جلسة معاه ما تتنسيش
لسه فيه بحور هاندوسها وأراضي جديدة نشوفها -3
ووعود إلهية هانعيشها بالرجا القلب شايفها
لسه فيه شوق في قلوبنا نرفع اسم يسوع حبيبنا -4
لو فيه صعب في دروبنا هو نصيرنا في حروبنا
لسه فيه كمان وكمان خير ورحمة طول الزمان -5
من إلهنا رب الأكوان هايوصلنا لبر الأمان
لسه عايشين بالأماني إنه جاي لينا تاني -6
فايض الفرح الروحاني وفي سماه تحلى الأغاني

1- (حين صار لي حبيباً طاب لي معه السجود
واختاره قلبي نصيباً أبد الدهر يسود)2

القرار - ربي شفائي .. نبع ارتوائي .. سر نقائي
فيه كل ما أريد ومعه شيئاً لا أريد
ومعه شيئاً لا أريد

2- (حين ألمح سناه أعرف أين أسير!
أجري أتبع خطاه و له أنا أسير)2
3- (حين لا يوجد رجاء عنده كل الحلول
وفي الأرض وفي السماء سلطانه لا يزول)2

وأنا باخدم في كرم النعمة إيه فيَّ علشان تختارني -1
كنت العبد وأجري اللقمة لمقام الحب بترفعني

القرار - وتنسل من بين شمايلك وتكون على راسي جمايلك
تشبعني دايماً بخيرك ولا يكفيني يا سيدي غيرك

لما حملت ياربي نيرك لقيته هيّن وخفيف -2
ورعاية كاملة في مسيرك لو عدّى الموت زي الطيف
والروح فيَّ بيشهد إني ابنك وكمان باشهد ليك -3
عايش في الأرض ومستني إمتى هاتيجي يا أغلى مليك

1- (الخير جاي ده إلهي حي سواقيه مليانة بالمية
وبأصناف هايكون أضعاف من إحسانه و جوده عليَّ)2

القرار - (فارد إيدي وباخد منه رافع عيني وناظر ليه
قلبي اتطمِّن واثق إنه رب الكون ومِلك إيديه)2
رب الكون ومِلك إيديه

2- (الخير جاي معاه في الضي بنصرة معدي كل بحار
في الأزمات لامس بركات بالهتافات أهدِم أسوار)2
3- (الخير جاي ومافيش زي إني أعيش هنا بالإيمان
ناظر ليه تسندني إيديه لحد ما اشوفه بالعيان)2

1- (محتاج اقعد معاك وافضفض باللي جوايا
و اشوف ربي بهاك و لضعفي ألقاك شفايا)2

القرار - (محتاج أسكب أمامك نفسي وأشبع بيك
يغمرني نبع سلامك وتفيض بالخير إيديك)2
وتفيض بالخير إيديك

2- (محتاج منك ألاقي أحضان و إيدين تصون
وتعوض لي اشتياقي وتكون لي قلب حنون)2
3- (محتاج أقدم حياتي وطيبي عند رجليك
دا ماضيَّ وكل آتي ضامنه بالنعمة فيك)2

لو في يوم البحر هاج مالقيناش من الضيقة مهرب -1
والظروف فوق الاحتياج ولنجاتنا نحاول ونهرب
لو نقول للموت مخارج كلمتك دي مش ظنون
غالب الأسد اللي خارج ينتصر ومعاه نكون

القرار - إنت أعظم من قلوبنا مهما كان فينا انكسار
روحك فينا بيساندنا يخلق جوانا انتصار

لو بحور شفناها تنشف ومافيش خير في الغيطان -2
والجراد حوالينا ينسف كل زرع أخضر يبان
اتكالنا وفرحنا فيك يسوع رب الوجود
تصبح الدفة لصالحنا حكمتك فوق الحدود
لو تضيع أحلامنا منا يوم ماشفناها بعينينا -3
ولو ليلنا مافاضشي منه غير سواده وحزنه لينا
في الصباح تشرق علينا والأمل يملا صدورنا
وتعمل فينا وبينا ويعلا بيك انتصارنا