صوت الرحمة (9 ترنيمة )

يا اللي بعيد والرحمة قريبة ليه عايش في أرض غريبة -1
دي أحضان الرب حبيبة وتداوي جراحك بالطيبة

القرار - صوت الرحمة ينادي إله الرحمة يخلص
لأنك ربي الحنان
صوت الرحمة ينادي ولا فيضها راح ينقص
انت تملا القلب أمان

ارجع واتمسك بمكانك وافرح ده الرب أمانك -2
حتى إن يوم ضيّعت مكانك هو أبوك ويعيد سلطانك
قوم قطّع قيد الأحزان قوم افرح بالرب كمان -3
واملا إيديك رحمة وغفران واقبل عمله بالإيمان

زي طيارة ورق وطارت في السما من غير جناح
غيمة غطت أرضنا وبكرة تضيع مع شمس الصباح
(بقوة الروح اللي عمّر الأرض بعد الخراب
وحدك يا ربي تقدر ترجّع أمان بلدي اللي غاب)2
(ماتزعليش يا بلدي من الجراح ومن اللي صابك
ده بكرة جاي وهاتشوفي نور الصباح يتجمعوا أحبابك)2
(تتشدد من تاني الإيدين ويرجع لقلوبنا الحنين
ونبكي بدموعنا و صارخين طالبين بركة لبلادنا)2
(ويرحل غروبها وتعمر دروبها ويصفى لنا نيلها والفرحة تعود
وتشفي جراحها وتنور صباحها وجناين تطرحها بزهر وورود)2
لما تبارك بلادنا .. لما تبارك بلادنا .. لما تبارك بلادنا

1- (بتحلِّي المرارة وتحيي الحجارة من كوم التراب
دي ثقتي أكيد في اللي يقدر يعيد آمال اللي خاب)2

القرار - ما انت القدير تؤمر ويصير ليك السلطان على كل الأمم
وانت الأمين طول السنين تشهد بإنك إله النعم

2- (بتجدد قلوب وترجع تتوب وتعيش ع الرجاء
ده صليب النجاة بيحيي اللي مات يشرق بالحياة)2
3- (هاتيجي بصباح وتشفي الجراح اللي مالية السنين
و اشوف الحبيب بعلم الصليب ويزيل الأنين)2

فاكر لما ضعت وبعدت كمان وتهت -1
وسبت بيت أبوك حتى أصحابك خانوك
مين اللي دوَّر عليك وبشوق كان مستنيك
وبالأحضان لاقاك وردك ليه بحنان

فاكر لما لاقيت الكل سابوك وحيد -2
وفي ضعفك حسيت يسوع عنك بعيد
مين اللي حس بظروفك ورفعك رغم خوفك
شدّد إيدك قواك وملا قلبك أمان

فاكر لما لاقاك عند المية حيران -3
وأملك في الملاك وعينيك على الإنسان
مين اللي بدل حالك وجدد كل آمالك
رغم أحمالك خلاك رافع راسك فرحان

1- بالتسبيح.. (تتفك القيود تنهار السدود)2.. (ومافيش حدود لمجدك)2
2- بالتسبيح.. (نرفع بيك أعلام و نسير للأمام)2.. (تملك بالتمام لوحدك)2
3- بالتسبيح.. (بنعدي البحار وندوس الأنهار)2.. (تسقط الأسوار باسمك)2
4- بالتسبيح.. (نسلك بالإيمان نترك العيان)2.. (تملانا أمان بوعدك)2
5- بالتسبيح.. (نهتف بانتصار ده انت إله جبار)2.. (ونعيش لك أحرار بحُبك)2

جه أراضينا رب المجد يسوع علشان يفدينا
نلنا فيه حرية ومجد وهبها يسوع فادينا
جيت أراضينا أنت وحليت شلت عنا العار
حررت نفوسنا وحليت في حياتنا المرار (٢)
خدت جسدنا وإحنا خطاة وكسيتنا ببرك
وبصلبك اديتنا نجاة وكشفت لنا سرك (٢)
مت وانشق الحجاب ودخلنا الأقداس
واقفين قدام عرش الآب وبنحيا الخلاص (٢)
غيرت طبيعة الفساد وصرنا أحبابك
والمسلوب بالنعمة عاد هايدخل أمجادك (٢)

المس نعش حياتي يا سيدي نادي عليَّ بكلمة أقوم
ده أنا ميت ولا أمر بإيديَّ وبخطايايا عليَّ اللوم (٢)
ولا يكفيني غير رحمتك ولا يشبعني غير نعمتك (٢)
استرني.. ابرئني.. ارحمني

اغسل قلبي بقوة صلبك احيي رجايا وكل آمالي
اغمر نفسي بحنان قلبك أنا واثق إني أنا فيك غالي (٢)
ولا يكفيني غير رحمتك ولا يشبعني غير نعمتك (٢)
استرني.. ابرئني.. ارحمني

نادي بروحك واحيي عظامي قومني وفك قيودي
عايز أعيش كل أيامي أنشد ليك وأرفع تمجيدي (٢)
ولا يكفيني غير رحمتك ولا يشبعني غير نعمتك (٢)
استرني.. ابرئني.. ارحمني

1- (ماتخافشي دي كلمة قالها ليَّ الرب
وسط الخوف والضلمة ساند بيها القلب)2
(راح اشوف بيها النور وأعدّي وسط بحور
ولا يوم القلب يخور ده وعده ماتخافشي)2
2- (ده وعد إلهي بيعزّي في الصعب
إيه في الدنيا يساوي قلبه المليان حب؟)2
(أمشي معاه المشوار وسماه ليَّ الدار
ولا يوم أبداً احتار ده وعده ماتخافشي)2
3- (ده وعد أبويا يسندني في الدرب
أقرب لي من أخويا وليَّ أعظم أب)2
(أسكن معاه بأمان وأنا شاكر للإحسان
وأعيش بالإيمان ده وعده ما تخافشي)2

1- (مهما يكون الحزن معاك هانلاقي الأفراح
وفرحنا يكمل في سماك دي سمانا الأفراح)2

القرار - (وهانسكن أراضينا والفرح يسود فينا)2
ونعلّي في أغانينا في سمانا الأفراح.. في سمانا الأفراح

2- (مهما تكون الأرض خراب هانعدّي الآلامات
ولا يفضل في القلب ضباب ونعيش انتصارات)2
3- (وهانسكن أرض الأفراح والحزن هايولِّي
ونعاين رب الأفراح ونشوفه تملِّي)2