هانشوف العجايب (8 ترنيمة )

القرار - هايوفيها بخير وزيادة لو طلبتنا تكون ملكوته
ده إلهنا ليه السيادة وفايض علينا بجوده

لما عيوننا تشوف النور يبقى هو الكفاية -1
يشبع عمرنا خير وسرور نحسب الكل نفاية
لما نطلب اللي فوق ترخص الدنيا عشانه -2
وقلوبنا يملاها الشوق ونعيش في حماه وأمانه
لما يسوع يبقى غايتنا ع الأرض نعيش بركاته -3
للسما هاتكون سكتنا نتبع آثار خطواته

1- (انت الخير لحياتي وعمري وحدك شبعي في وقت الجوع
وانت الحلو لكل مري باعلنها وبصوت مسموع)2

القرار - (انت الخير لسنيني الجاية وضماني لكل أيامي
ربي إلهي يسوع فاديَّ انت راحتي ونبع سلامي)2

2- (انت الخير طول السنين مهما تجاربي في يوم تحنيني
ولو طال بيَّ الأنين النعمة في ضعفي تكفّيني)2
3- (انت الخير لكل يوم ووعودك ثابتة و أزلية
لو قلوبنا فينا تلوم انت الضامن للأبدية)2

القرار - هانشوف العجايب يا اللي حاضر وغايب
واللي قلبه دايب من الفرح يعود يرنم

هانعاين البركات في الأرض وفي السموات -1
ويعوَّض اللي فات إلهي وعوده يتمم
ويكون قدام عينينا الخير مالي إيدينا -2
والروح اللي مالينا يشفي كل اللي اتألم
هاننادي باسمه وندوق شهده ودسمه -3
نمشي على رسمه وعن أفضاله نتكلم
هانرنم ع العود ومجده لينا يعود -4
سلطانه علينا يسود ومن حبه نتعلم

1- (لو ضيقاتنا عدت حدود الاحتمال فاقت أفكارنا
لما إليك ربي نعود تشفينا وتحلّي مرارنا)2

القرار - (قلوبنا تتسكِن قدامك عنوانها يبقى بين إيديك
طريقنا يتنور بكلامك يا إلهنا يرجع المجد ليك)2

2- (لو شرايين أملنا اتقطعت من جديد تِحيي رجانا
وكل صلوة إليك اترفعت نلقى جوابك بالخير جانا)2
3- (لو في يوم يِبست عظامنا روحك ينادي فينا بحياة
وساعتها نِعلن بيك أفراحنا ونقوم كجيش لمجد الله)2

القرار - (متأيِّد أنا بإلهي ومتعزز بالقوة
أيوه عزي و جاهي أيوه ضماني هو)2

1- (لو أخطار حواليَّ تسود وعواصف ورياح ورعود)2
هاتطمِّني بأحلى وعود وحصون حواليَّ تشيد
وأفضل بيك متأيِّد
2- (لو شكوك جوايا تدور أو وقفت قدامي بحور)2
هاتوصلني لحد النور وعدو الخير متقيد
وأفضل بيك متأيِّد
3- (لو في الغربة شُفت آلام منعتني أمشي لقدام)2
وحدك تملا قلبي سلام وفي أمجادك راح أعيد
وأفضل بيك متأيِّد

لما في يوم النبع يجف ولا زاد ولا مية في إيديَّ -1
والألم لو زاد ولا خف نبع سلامك ساكن فيَّ
وأنا عايش. عايش بالوعد

القرار - وعد إلهي بيملى كياني وبيحيي كل عظامي
وبيخلق من العدم وبيبني اللي اتهدم
وأنا عايش عايش بالوعد

ولو البحر وقف قصادي وحلقي مرار لصعوبة الأمر -2
أسمع صوتك ليَّ ينادي مد عصاك واعبر بالنصر
وأنا عايش. عايش بالوعد
وإن حسيت بالضعف ملاني وإن يوم شفت الموت بعينيَّ -3
مش ممكن يهتز كياني ده إيماني على صخرة قوية
وأنا عايش. عايش بالوعد
لو جت مرة الكل سابوني ما أحسبش عليهم لوم -4
ده إلهي سندي ومعيني ورجايا في إلهي يدوم
وأنا عايش عايش بالوعد

1- (انت إلهنا تحارب عنا لما يزيد الخوف جوانا
وفي ضعفاتنا انت بتعيننا وبنصرة بنرفع أعلامنا)2

القرار - (شدّد أيادينا للخير نبني الأسوار المهدومة
واثقين فيك انت يا قدير نصرتنا في شخصك مضمونة)2

2- (وبترفعنا إيديك الصالحة وتثبِّت أعمال إيدينا
بندوس كل صعابنا الجارحة بالروح اللي مالينا)2
3- (نبِّه أرواحنا وانهضها لشهادة حية مسموعة
كلماتنا بروحك أيّدها احنا عيوننا ليك مرفوعة)2

مش بين حي وميت رفعتني كنت فعلاً ميت قومتني -1
في الرحلة معايا أمنتني روحي بعنايتك حفظتني
رفعتني . قومنتني . أمنتني . حفظتني
وبحنان قلبك سكنتني جودك ومراحمك منحتني -2
ومحيت ذنوبي خلصتني من كل قيودي حررتني
سكنتني . منحتني . خلصتني . حررتني
مديت ليَّ إيدك حملتني وبنظرة عينيك طمنتني -3
وفي ضعف قلبي سندتني رعيتني في دربي أحببتني
حملتني . طمنتني . سندتني . أحببتني
من سلطان الظلمة أنقذتني ومن فيض النعمة شملتني -4
فوق صخرة إيماني ثبتني مليتني أغاني فرحتني
أنقذتني . شملتني . ثبتني . فرحتني
صرخت في ضعفي سمعتني ووقفت في صفي أنصفتني -5
وفي غربة حياتي لاحظتني وفي توهتي وبعادي حاوطتني
سمعتني . أنصفتني . لاحظتني . حاوطتني