الشاعر مهيب عدلى (75 ترنيمة )

القرار- (جه أراضينا رب المجد جه علشان يفدينا
نلنا فيه حرية ومجد وهبها يسوع فادينا)٢

١- (جيت أراضينا أنت وحليت شلت عنا العار
حررت نفوسنا وحليت في حياتنا المرار)٢

٢- (خدت جسدنا وإحنا خطاة وكسيتنا ببرك
وبصلبك اديتنا نجاة وكشفت لنا سرك)٢

٣- (مت وانشق الحجاب ودخلنا الأقداس
واقفين قدام عرش الآب وبنحيا الخلاص)٢

٤- (غيّرت طبيعة الفساد وصرنا أحبابك
والمسلوب بالنعمة عاد وهايدخل أمجادك)٢

١- (سبحوا الرب بأوتار واهتفوا للرب إلهنا
وأعلنوا بيه الانتصار عمانوئيل الرب قائدنا)٢

القرار- (ده هو أمر بالعز ساكن وسط التسبيحات
ربي إلهي رب المجد تعلى ليه الترنيمات)٢

٢- (سبحوا الرب بهتاف واهتفوا للرب القدوس
ومعاه لا يمكن هانخاف وباسمه قوات بندوس)٢

٣- (سبحوا الرب الإله واهتفوا للرب الأمين
أعطانا رحمة وحياة وعهده للمتقين)٢

٤- (سبحوا الرب لأحكامه واهتفوا للرب العادل
من جعل الرب أمامه يظهر له حقه بالكامل)٢

١- (باصغر أنا قدام إحسانك وأمانتك ليَّ يا رب وعطفك
وشفاء حياتي من بنسانا بلمسة من إيدك وعطفك)٢

القرار- (مديون أنا وأفضل أغني بخلاصك اللي دفعته عني
وأعيش حياتي يبقى التمني نفسي ذبيحة تقبلها مني)٢

٢- (باسجد أنا قدام جلالك ووجودي يحلى بجلسة معاك
تسبيني لما نزور جمالك وأعيش هنا بركات سماك)٢

٣- (باكون أنا في ظل سماه ضماني إني في حمى صليبك
تنور طريقي بحق كلام وأشهد عنك ليوم مجيئك)٢

١- (ساعدني يا ربي إني أكون لك واملاني بنورك
وأقدر أعاين بالروح مجدك يغمرني حضورك)٢

٢- (مهما العالم يغري بنوره اسندني بيدك
أرفض عسله وكل غروره شبعي من عندك)٢

القرار- (عايز أعيش العمر بحاله متهني بقربك
وسط العالم ده وظلامه أنا هاشهد عنك)٢

٣- (اجذبني يا ربي وراك أنا باشتهي ضلك
تشبع عيني من بهاك وأحكي عن حبك)٢

٤- (وحّد قلبي يا ربي لخوفك قدسني في حقك
بيك أتلذذ لما أشوفك وتجيني بطلك)٢

٥- (هاغلب العالم بإيماني وضماني في وعدك
واقف ع الحصن ده إعلاني والنصرة منك)٢

٦- (لو أضعف ألقاك بتقولي كلامي يدلك
وتكون نوري وتفضل خلي وأفضل أنا خلك)٢

١- (باشكرك لأني لسه حي وماسلمتش رجلي للزلل
إنت أبويا إلهي الحي وبتبرئني من كل العلل)٢

القرار- (مرفوعة عينيَّ للسما أنا للبركة مش للفشل
ومانساش رسالتي إنما دايماً هاتقدسني للعمل)٢

٢- (مهما الريح تكون مضادة واتمكن اليأس واكتمل
إيدك للخطر عني صادة بتنجيني وتعيد لي الأمل)٢

٣- (في وسط الغربة هامشي معاك وهاجري كمان من غير كلل
ورجايا يفضل لي في سماك في انتظارك أنا من غير ملل)٢

١- (ما أحلاها سنيني اللي تمر وإنت عزايا وساندني
فيها تحلي كل المر وتبدل نوحي وأغني)٢

القرار- (واليوم اللي أعيشه معاك تملاني بأفراح الروح
وأتهنى بطلة رؤياك وضمان خير والحزن يروح)٢

٢- (ما أحلاها الغنوة اللي بتيجي وسط الليل وبعد بكا
تمسح دمعي وتمسك إيدي وصباحي مليان برجا)٢

٣- (ما أحلاه قلبي لما يرفرف من الفرحة ويرنم لك
ونسايم الرضا لما تهفهف حواليّ يشرق مجدك)٢

١- (قدام كلامك قلبي يدوب وألاقي نفسي في حالة ارتياح
تشفي مشاعري وأبقى يا دوب كطفل يحبي في ساحة براح)٢

القرار- (وبنار قداستك تمس ارتدادي تبدل ضعفي تحميني بسياج
وعلى وعودك يكون اعتمادي وأنا في طريقي كلامك سراج)٢

٢- (في حفظ عهودك كل السرور روحي تهيم في ضي الكتاب
وأخطّي بثبات وأعدي البحور وتجدد فيَّ كنسر الشباب)٢

٣- (ساعدني أعيشلك في عبادة وسجود شبعي في كلامك من بعد جوع
وعلى كياني شريعتك تسود وأعيش كلامك وأمجد يسوع)٢

١- (أنا لما بالقى الكل في لحظة سايبني
حتى الصديق اللي في يوم كان حاببني)٢
(وألقى نفسي في توهة مع جرح مآلمني
ولما أصرخ ليك يا أبويا ألقاك سامعني)٢

٢- (ولما أضعف في الطريق أتاريك شايفني
وإنت الوحيد اللي في جنبي واللي ساندني)٢
(ولا سبتني وكنت الصديق اللي ملازمني
حضن الحنان ده يبقى حضنك اللي سايعني)٢

٣- (ومهما أبعد بعينيك إنت مراقبني
ولما أنوي إني أرجع بتكون قابلني)٢
(ووسط شوك التجربة دايماً رافعني
وأخبّي وجعك جوه قلبك وتكون حاضني)٢

٤- (وفي غربتي تحت ضلك إنت ساترني
بالقرب منك ألقى فرحك على طول ساكني)٢
(وع الصليب كان مكاني كنت سابقني
ياللي فداك كان الدليل إنك حاببني)٢

١- (حلوة الصلوة اللي تكون من قلب العابد
وقت الخلوة مرفوع وإلهه ليه ساند)٢
جواه شهوة قلبه يهيم في الروح الشاهد

القرار- (نفسه تفرح وتغني لرعاية حافظة وسط الموت
بإلهه عايش متهني بيغنيله بعلو الصوت)٢

٢- (حلوة الكلمة اللي تشدد وقت آلام
بفضل النعمة بتقوّي وتملا بسلام)٢
تبقى الخدمة لمجد الله بالتمام

٣- (حلو الغصن في الكرمة مغروس بثبات
مليان حسن بإلهه مليان بركات)٢
وبيعزف لحن بيسبح رب السماوات

١- (دهنة زيت ممكن تكفي مع نفس أمينة ليه صارخة
وبكلمة منه يوفي وبيملى أوانينا الفارغة)٢

القرار- (ليه المجد والفضل منه رب الأرباب والكون ده كله
في البرية مش باعدي عنه ونسير زمن الغربة في ضله)٢

٢- (سمكتين وخبزات قليلة تشبع بيها نفوس كتيرة
من إيده الخيرات جزيلة وبتفرح بيه قلوب مريرة)٢

٣- (حجر صغير بإيد محارب يقدر يهزم جبار عنيد
باسم الرب يغلب تجارب ومعاه يشرق فجر جديد)٢