كل الترانيم (12961)

1- (أنا عارف إنك أقوى من ضعفي
أنا عارف إنك تقدر ترفعني
أنا لامس حُبَّك ربي بيقبلني
وبرغم شروري وفشلي بتُسترني)2

القرار- (أنا شايفك وانت بتحميني
أنا شايفك حارس حواليَّ
أنا لامسَك وانت بتهدِيني
وإيديك ماسكة بحب إيديَّ)2

2- (أنا عارف إنك مش ممكن تنسى
حتى لو لحظة ضاعت انت ما تقسى
قلبك مليان بالحب والرحمة
ما هو انت أبويا وربي والمَرسى)2
3- (أنا عارف إنك جالس يا شفيعي
بتحامي عني وتسندني في ضيقي
وأنا هافضل صابر ماشي في طريقي
ولحد ما تيجي تاخدني يا حبيبي)2

1-(أنا عارف إنك بتحبني وعينيك في طريقي شايفاني)2
(وفي ظلمة يأسي تضمني وإيديك في الضعف شايلاني)2

القرار - (يكفيني إني غالي عليك وبحب شايلني جوه عينيك)2
ولامس قربك وسندة إيديك ولامس قربك سندة إيديك

2-(أنا عارف إنك بتحبني ووهبت لي حبك لنجاتي)2
(ونقشتني صورة على كفيك أفراح مرسومة لخطواتي)2
3-(أنا عارف إنك بتحبني ورميت الهمّ بعيد عني)2
(وزرعت البهجة والتهليل والفرحة هي شعار عمري)2
4-(أنا عارف إنك بتحبني توهبني في قلبي أغنية)2
(وفي قلب الليل يملاني وعدك أسرار المجد صارت لي)2

١- (أنا عازم وبأمانة
أعيش لك من قلبي
وباكرس ليك حياتي
أنا بين إيديك ربي)٢

القرار- (أنا لذتي فيك يا يسوع
وشبعي فيك يا يسوع)٢
ده حبك ليَّ كافي
حبك أعظم ينبوع

٢- (لا خطية ولا إغراء
ولا شهوة ولا نداء
أنا هاسمع بس صوتك
اللي بيملاني رجاء)٢

٣- (أنا عهدي معك أبدي
وبحبك يا سيدي
وفي الطريق تسندني
وإيديك تمسك إيدي)٢

1- آدي البحـر هايـج وانا مستنـيـك وانت صاحب القوة والسلطان في ايديـك
2 - الأتـون محـمـى إنـزل قـدامـي وبايـدك الحـلـوة طلعـنـي تـانـي
3- الإسـود جوعانـة ارسـل ملاكـك خلي الملك يعـرف إنـي أنـا ملكـك
4- إنت عارف ظروفي قبل انا ما اشكيهـا مهمـا كانـت صعبـة تقـدر عليـهـا
5- الأطبـا احتـاروا وريـهـم إيـدك خليهـم يقولـوا إن مافـيـش زيـك
6- أنت من السما فى أيام الجوع وأنت ماء الصخرة فى العطش يا يسوع
القرار - أنا عايزك انـت يا صاحـب القـوات تشغـل يميـنـك تعـمـل معجـزات

القرار- أنا عايزك أنت يا صاحب القوات
تشغل يمينك تعمل معجزات

١- أنت عارف ظروفي قبل أنا ما أشكيها
مهما كانت صعبة تقدر عليها

٢- آدي البحر هايج وأنا مستنيك
وأنت صاحب القوة والسلطان في إيديك

٣- الأسود جوعانة أرسل ملاكك
خلي الملك يعرف إني أنا ملكك

٤- الأتون محمّى أنزل قدامي
وبيدك الحلوة تطلّعني تاني

٥- الأطباء احتاروا وريهم يديك
خليهم يقولوا إن ما فيش زيك

٦- أنت من السماء في أيام الجوع
وأنت نبع الصخرة في العطش يا يسوع

القرار- (أنا عليَّ حراسة إلهية جيش الله اللي بيعتني بيَّ
هو إلهي وهو راعيَّ وهو معايا يبقي مين عليَّ!)2

1- (مهما إبليس بجنوده حاصرني أو بسهام الشر تعبني)2
أنا عارف إني معايا يسوع اللي حاميني هو يسوع
الجالس على العرش وهو الملك
2- (عايش وسيف الروح في يدي بحق إلهي مُمنطِق ذهني)2
منقوش اسمي في كف يسوع وضمان نَصري ربي يسوع
الجالس على العرش وهو الملك
3- (اسمه برج حصين وأنا ساكنه وهو الهدف اللي أنا عايش له)2
نصرتي دايماً باسم يسوع اللي فداني هو يسوع
الجالس على العرش وهو الملك
4- (علشانه هافضل أكمِّل سعيي وأنده إن يسوع المُحيي)2
ومافيش غيره بيدِّي حياة الحي العالي ابن الله
الجالس على العرش وهو الملك

(أنا عمري ما هُنت عليك ولا مرة سابتني إيديك)2
(وفي عِشرتي بيك أنا عشت معاني محبة أمينة سبتني إيديك)2
(ياما بالحب صبرت على جهلي وقلت ده ابني
ياما فضلت البعد ولما سافرت حنانك جابني)2
والعقل يدور يسأل يحتار : ليه انت حاببني؟!
(تجاوبني بعطف ورحمة وتقولي ده عهد النعمة)2
نعمة بتقبل خاطي مهزوم نعمة بتشبع نفس المحروم
نعمة بتجبر قلب المهموم وترد سلامه بكلمة

١- أنا عندي ربي في قلبي جوه أهتف وأقوله بحبك يا يسوع
القرار - اهتفوا هاي هاي رنموا هاي هاي مجدوا وعظموا يسوع
٢- يسوع هو الطريق والحق والحياة يسوع هو الطريق للنجاة

القرار- (أنا غالب مش مغلوب واثق بدم المصلوب)2
(أنا فيَّ روح الله أنا صرت ابنه المحبوب)2
أنا غالب أنا غالب أنا غالب مش مغلوب.. أنا واثق واثق واثق بدم المصلوب

1- (أنا غالب ونشيد الغلبة على فمي طول الغربة
ده حضوره يزيدني قوة وأفراح في ظروفي الصعبة)2
أنا غالب أنا غالب أنا غالب مش مغلوب.. أنا واثق واثق واثق بدم المصلوب
2- (أنا غالب في صراعي الدامي وإكليلي جاهز قدامي
باسم إلهي أتقدم أبداً لن تُخفض أعلامي)2
أنا غالب أنا غالب أنا غالب مش مغلوب.. أنا واثق واثق واثق بدم المصلوب
3- (أنا غالب رغم جراحي أنا غالب في إيدي سلاحي
والظلمة مهما اشتدت بالتأكيد راح ييجي صباحي)2
أنا غالب أنا غالب أنا غالب مش مغلوب.. أنا واثق واثق واثق بدم المصلوب
4- (أنا غالب والرب معايا دمه عليَّ ليَّ حماية
وباحارب والنصرة ضامنها باحارب وصليبه راية)2
أنا غالب أنا غالب أنا غالب مش مغلوب.. أنا واثق واثق واثق بدم المصلوب
5- (أنا غالب شهوات العالم و كجندي أبداً لا أساوم
وإبليس مش راح يخدعني عنواني يسوع مش آدم)2
أنا غالب أنا غالب أنا غالب مش مغلوب.. أنا واثق واثق واثق بدم المصلوب