كل الترانيم (12961)

١- لما تمد إيديك بالحب وتشفي عيوني
لما لأول مرة النور بيملا جفوني
لما حنانك يغمر قلبي وينهي ظنوني
قلبي يغني حبيبي لحبك أنا مديون

القرار- (أنا مديون.. أنا مديون
يسوع حبيبي لحبك أنا مديون)٢

٢- لما الرحلة تطول وإيدك تفضل سانداني
لما في وادي الموت تحميني وتبقى أماني
لما حياتي تبقى في إيد رب بيرعاني
قلبي يغني حبيبي لحبك أنا مديون

٣- لما أتغير وأرجع وأنسى كل عهودي
لما هابيعك وإنت الغالي وسر وجودي
وإنت بفيض الحب تقابل كل جحودي
قلبي يغني حبيبي لحبك أنا مديون

1- (حبك أطيب من الخمر أشبع من هذا الغمر)2 .. (أنا مريض حباً ..في شخصك)2
(فيض بالنعمة وارويني)2 اسمع لشوقي وحنيني ..أنا عايز أنا عايز أنا عايز ادخل للعمق
2- (مياهي عند الكعبين أصرخ لإلهي الحي)2 .. (أنا أريد قرباً ..من شخصك)2
(قيس ألف ذراع وعديني)2 امسك بيميني واسبيني أنا عايز أنا عايز أنا عايز ادخل للعمق

(ضعف إيمانك خلاك تحتاج وما تلجأليش
لو فاكر إني هاسيبك يبقى ما تعرفنيش)٢
(أنا مش إنسان يوم تلقاني ويوم ما تلاقينيش)٢
(أنا موجود دايماً حتى لو إنت ما بتشوفنيش)٢
(اديتك كلمة وكلماتي ما بابدلهاش
يجي وقت مناسب وأنا تلقاني ما باستناش)٢
(أنا مش إنسان أوعد بوعود وما نفذهاش)٢
(إنت بتنسى بحكم طبيعتك لكن أنا ما أنساش)٢

١- (أنا مش باغامر لما باسلم فكري ليه
ومش باضارب الهوا لما أصرخ ليه
ومش سراب بيجري بعيد مخدوعة نفسي بيه
هو الوحيد يستاهل كل ثقتي فيه)٢

القرار
(هو الطريق والحياة وكمال المشيئة
هو اللي بيدي لموتي مخارج بمية طريقة
هو اللي حلوله فوق العقل وفوق إدراكي
وتاريخه معايا في عمري بيشهد إنه عجيب)٢

٢- (أنا مش ضماني في مال أو شىء مسنود عليه
ومش مشغول ببكرة إيه اللي جايلي بيه
محفوظة حياتي وأوقاتي بوعده اللي ماسك فيه
هو الصديق والصادق كل رجائي فيه)٢

٣- (أنا ماستغربش الضيقة لما باكون وياه
محسومة مسيرها لخيري وف كلماته نجاة
وقصاد شكاية العدو عليَّ لو صرخت بآه
هو تُرسي سندي وحصني ملجأ بالقاه)٢

القرار – (أنا مش عايز من الدنيا دي غيرك ربي يسوع في حياتي
وأعيش عمري كله الآتي هدفي رضاك في كل أوقاتي)2

1- (أنا ياما جريت و فنيت عمري
وراء أهداف كلها أرضية
ما أخذت إلا الحزن في قلبي
مشتاق أحيا حياة سماوية)2
2- (ما منعتش عيني ولا قلبي
علي كل مباهج في الدنيا
ولا شبعت عيني ولا قلبي
أشبعني بجودك يا فاديا)2
3- (ظنيت أن المال فيه سعادتي
أو السلطة ترفع هامتي
لكني حزنت وزاد همي
عندك انت غنايا وكرامتي)2

1- (أنا مش متروك للصدفة أنا مش عايش لليأس
ده إلهي عارف أحوالي وحياتي في إيده وبس )2
يمكن أنا وسط تجارب يمكن بأضعف في النص
لكن بالنعمة أنا غالب أنا بيه جبار البأس
القرار – (تدبيرك صالح لحياتي ومعاك عايش حرية
ومسدد كل احتياجاتي دايماً بتفكر فيَّ )2
وبرغم قساوة قلبي قلبك مليان حنية
ماهو أنت أبويا الغالي ودايماً حاسس بيَّ
2- (أنا مش مخلوق ومُسير وبانفذ بس أوامر
أنا ليَّ إرادة حرة وبافكر مش باتكابر)2
مديني إلهي النعمة وفي حضنه بلاقي الساتر
يرشدني في كل أموري من الأول حتى الأخر

القرار – (أنا معاك ضامن سلامي
أنا معاك ضامن فرحي
أنا معاك ضامن نجاحي
عمر ما يوم يضعف قلبي)2

1- مهما زادت همومي مهما دُقت آلام
حُبك دواء لروحي وبتِملاني بسلام
(ده انت الرب اللي ساندني وماليني بالأمان)2
2- مهما عدوي ضايقني مهما الحروب تزيد
انت إلهي و حارسني ومعاك حياتي أكيد
(ده انت الرب اللي ساندني وبتخليني سعيد)2
3- مهما الأيام تخونّي وتعاندني الظروف
وعدك ليَّ يطمني وبينزع مني الخوف
(ده انت الرب اللي ساندني وانت أبويا العطوف)2
4- واثق فيك تغيرني وبتشكّلني إيديك
وفي ضعفي بتكملني علشان أنا ابن ليك
(ده انت الرب اللي ساندني بتعلمني أخضع ليك)2