ضابط الكل (10 ترنيمة )

1- (كل حاجه ف إيده وفي إيده إحنا في أمان
ومصدقين مواعيده لحد نهاية الزمان)2
عايشين خطط مدروسة محسوبة من زمان
وحياتنا ملك ليه ومش بإيد إنسان
القرار- (ضابط الكل وعالي وقدرته ماليها حدود
حافظ العهد والأمانة وبيوفي بكل الوعود )2
أدور في كياني (ألاقي روحه جوايا)2
2- (كل حاجه ف إيده لكن سايبلي اختيار
باحس بقربه مني ساعة ما أخد قرار)2
وباصليله يرشدني وقت ما أكون محتار
ويبارك لو فيه خيريرفض لو فيه مرار

1- بتقول مَافيش رجاء ولا فيه في الدنيا فرحة
ولا في التجارب عزاء عايشين في الدنيا جرحى
ولا فيه أمل في نجاتنا ولا فيه سلام في آلامنا
ليه في أول لحظة ضعف بننسى اللي خلقنا
القرار- بإيمان جاي وباقول لك في يسوع دايماً رجاء
في يسوع دايماً رجاء في يسوع دايماً عزاء
هو اللي قادر يشفي روحك يشيل حمولك والعناء
في يسوع دايماً سلام في يسوع دايماً أمان
وعنده وحده الراحة ليك ده هو سندك من زمان

2- عالم مليان أوهام بيقول إنك لوحدك
وإنك مهما هاتعمِل مقطوع ف الدنيا أملك
ووصولك مستحيل لو تتعب كل عمرك
وإنك لازم هاتيأس مقهور مغلوب في أمرك

1- (ليك كل الجلال يا إلهنا يا خالق الكون
يا أبرع جمال يا حبيبنا يا حصن الحصون)2

القرار- (بانتوكراطور الله الهنا ضابط الكل
وبناديك تعالى أسكن فينا وحل)2
قلوبنا بتسجد ليك انت إلهنا الحي

2- (يا صخر الدهور يا مسيحنا وحدك تستطيع
تيجي في وسط الضيق وبقوة تفجَّر ينابيع)2
3- (يا رب الأرباب يا قدير يا رئيس السلام
ليك كل البهاء والعظمة المجد والسلطان)2

1- (مجدا لاسمك إنت المهوب إنت القدير شمس البر
إنت القدوس ملك الملوك رب الخليقة ضابط الكل)2
القرار- (مالي الكون بلا حدود عينك علينا وحارسنا
أعظم إله نبع الرجاء لامس قلوبنا وحاسسنا)2
2- (على الكل تقدر وليك سلطان تشفي تحرر تدي فرح
ما في في حنانك ولا رعايتك دايما تداوي اللي أنجرح)2

1- (خليني حر أكون حقيقتي وأكون بسيط
خليني حر حتى في سكوني أكون نشيط
أغسل حواسي بدم حيّ لا يشوبه موت
وأرسم مُناخي بروح طفولي وسط السكوت)2
(فارد جناحي زي النسور فوق المكان
خارج بحكمة برّه قيود هذا الزمان
لا يهمني فيه مين فاهمني أو مش فاهمني
بس هامِمني ماكونش زيف لابس يقين)2
2- (خليني حيّ أخد حياتي من نسمتك
وبروح كلامك أنسج ثياب من رحمتك
تسترني بيها وأقوم أمامك بدون خجل
فاتح عينيَّ شايف بروحي فيك الأمل)2
(عايش في واقع انت اللي فيه مش حد تاني
انت اللي صايغه بحكمتك مخصوص عشاني)2
فوق الزمان بانجز مهمّه موضوع سرورك
جوه المشيئة رايح وجاي أكتب سطورك

(لما الرب وأصل الكل يقول متخافش
أنا ضامن لك بكره الجاي ومتقلقش)2
(يبقي أنا لازم أصدق وعده
ربنا صادق عالي في مجده
هو ضامن لي بكره الجاي وقال متخافش)2
(لما اللي بيرزق فرخ الطير جوه العش
قال أنا مسئول عن أكل العيش ميهمكش)2
(يبقي إزاي هيسبني جعان
أداني الروح يشبعني كمان
هو المسئول عن أكل العيش ميهمكش)2
لما الله اللي في إيده أمر الناس
يقول حبيتك قبل متعرف أنت الإحساس
لما اللي الكون بيسبح اسمه يعليه
يطلب إنك ابن بدالة أنادي عليه
(إزاي قلبي يفضل قاسي قدام كاشف سر خلاصي
لازم أصدق انه راعيا وأبويا وعينه عليَّ)2

1- (أنا مش متروك للصدفة أنا مش عايش لليأس
ده إلهي عارف أحوالي وحياتي في إيده وبس )2
يمكن أنا وسط تجارب يمكن بأضعف في النص
لكن بالنعمة أنا غالب أنا بيه جبار البأس
القرار – (تدبيرك صالح لحياتي ومعاك عايش حرية
ومسدد كل احتياجاتي دايماً بتفكر فيَّ )2
وبرغم قساوة قلبي قلبك مليان حنية
ماهو أنت أبويا الغالي ودايماً حاسس بيَّ
2- (أنا مش مخلوق ومُسير وبانفذ بس أوامر
أنا ليَّ إرادة حرة وبافكر مش باتكابر)2
مديني إلهي النعمة وفي حضنه بلاقي الساتر
يرشدني في كل أموري من الأول حتى الأخر

(جايز أكون مش شايف نورك بس أكيد نورك موجود
جايز أكون مش عايش خيرك لكن خيرك ماله حدود)2
أنت ياربي لوحدك تقدر تفتح عيني تشوف وتنور
قلبي يعيش وياك يتغير يتحرر من كل قيود
تشبع نفسي وتملى سلامي تملى بخيرك كل أيامي
يبقى طريق نور قدامي بيخطي فوق أي سدود
(ربي أنا عارف إن أنا ابنك وإن مكاني معاك في سماك
عارف إني هيكل قدسك اللي بنيته بسفك دماك)2
أمسك سوطك يا يسوع تاني نقي وطهر كل كياني
وأطرد كل شرور منعاني إني أعيش في المجد معاك
وإن كان عاشت فيَّ خطية أفتح قبري ونادي عليَّ
أغلب موت العالم فيَّ بدل كفني بستر فداك
أنت ياربي لوحدك تقدر تفتح عيني تشوف وتنور
قلبي يعيش وياك يتغير يتحرر من كل قيود
وإن كان عاشت فيَّ خطية أفتح قبري ونادي عليَّ
أغلب موت العالم فيَّ بدل كفني بستر فداك

يا من بحضوره نفسي تطيب
ومن يوم ضيقي أدعوه
نهاراً تعزي بالليل رقيب
خلاصي من كل الوجوه
في أي المراعي أربضت الغنم
يا راعي النفوس المريح
لماذا أهيم في وادي الألم
كضال في قفر فسيح
لماذا أطوف كأني غريب
يلتمس عوناً من قفر
أعداؤك شمتوا بي يا حبيب
إذ رأوا دموعي كالنهر
راعيَّ العزيز نفسي تتبعك
ما أعذب صوتُك لي
دربني أرشدني أنت الكُل لي
يا نفسي له هللي

القرار- سبحوه مجدوه زيدوه عُلّواً إلى الأبد رحمته
فهو المُسبَّح والمُمجَّد والمُتعالي على الأدهار وإلى الأبد رحمته

1- قام المسيح والنور في قبره شهادة حية على قيامته طول العصور
قام المسيح وبيه هانقوم هانحيا معاه في الأبدية لأخر الدهور
قام المسيح و انتصر على الموت والألم
قام المسيح من الأموات افرحوا يا كل الأمم
2- قام المسيح ولو ما كان قام من الموت كانت الكرازة باطلة
لكن الآن قام المسيح وصار باكورة الراقدين من أجلنا
قام المسيح وقهر قوة الظلام
قام المسيح من الأموات سبحوه يا كل الأمم
3- قام المسيح وبعد ما لبسنا الفساد هناخد أجسام روحية
هانخلَع صورة التراب ويلبسّنا صورته النورانية السماوية
قام المسيح ولأنه قام هو اللي يدين
جلس في السماء عن اليمين يشفع في كل المؤمنين
4- قام المسيح ونزل أقسام الأرض السفلى أصعد معاه قديسيه
انكسرت شوكة الموت والهاوية وفتح الباب وسبى اللي كانوا منتظريه
قام المسيح وظهر للتلاميذ مجتمعين
قام الأمين شاهد أمين صادق قدوس القديسين
5- مات المسيح وقام وعاش علشان يسود على كل الأحياء والأموات
هَاتجثوا باسمه كل ركبة تحت الأرض وفوق الأرض وفي السماوات
قام المسيح ورفع عنا حكم الموت
قام اللي ليه كل الإكرام والمجد وليه وحده السجود
6- قام المسيح من بعد ما راح و كرز للأرواح المسجونة في الجحيم
لما شافوه القديسين فِرحوا بمجيئه خرجوا فى إيديه للنعيم
قام المسيح وليه هانعيش كل الأيام
لا نحيا بعد لأنفسنا بل للذي من أجلنا مات وقام