روجيه بهو (27 ترنيمة )

1- أنا جاي أسجد لك وأسكب طيبي عندك
ده فرحي وسروري أن أشبع قلبك

القرار - يا يسوع يا غالي يا ساكن المجد العالي
فكري مشغول بيك إنت رجائي وآمالي

2- حياتي باقدمها لك جسدي هو ذبيحة
خدمة وطاعة لجلالك حبك ع لساني تسبيحة
3- ليك يا مليكي حياتي أنا صنعة يديك
ودمك على أعتابي بيشهد إنني ليك
4- جوه الأقداس باسبح ما أحلى جو الأقداس
شايف مجد إلهي ملك الكون والناس
5- باغني وأعظم اسمك اللي مالهوش نظير
باهتف وباعلي صوتي مجداً مجداً يا قدير

1- (لا تتركني بأوهامي لا تتركني لأحلامي)2
بل بروحك قُدني ارفعني وأرسلني

القرار - بعمودٍ من نار بثياب الأبرار
بصرخة ثوار أرسلني
بسحابة في النهار بعزمٍ وإصرار
بروحٍ جبار امسحني

2- (لا تتركني لأفكاري لا تتركني بإصراري)2
بل غيّر فكري جددني وأرسلني
3- (لا تتركني لأعمالي لا تتركني بإهمالي)2
بل اعمل بقلبي المسني غيرني

القرار - أرسل أمطارك واروينا جفت وعطشت أراضينا
أحيينا من بعد جفاف نرجع ونثمر يا فادينا
1- (أرسل سكيب الانتعاش طال انتظارنا وما جاش)2
(عيونا ربي بتترجاك جياع نحن وعطاش)2
2- (اسكب الإخوة والأخوات سكيب عجايب وقوات)2
(شفاء أمراض وحريات نكسر ونبدد الظلمات)2
3- (مد يمينك وأنهضنا رقادنا طوّل ومرضنا)2
(قلوبنا ربي بتترجاك ولا يمكن إنك ترفضنا)2

القرار - مستني مجيئك يا غالي تاخذني للمجد العالي
وأدخل ويــــاك المدينة دي أبدية تحلالي

1- (مستني مجيئك تعــــال عالمنا في أسوأ حالة
أزمنة صعبة ومجنونة ودموع شعبك سيالة)2
ودموع شعبك سيالة
2- (مستني وحافضل استنى القلب اشتاق لك وحنَ
غايتي إنت ورجـــــايا ولقاق هو اللي أتمنى)2
ولقاق هو الاي أتمنى

(يسوع آتٍ ثانيا ونبرح الأرض الفانية)2
القرار - يا نفسي قومي وانهضي.. (إياكِ تبقِي وانية)3

1- يسوع آتٍ لشعبه من قضى عنهم نحبه
يُدخلهم لمجده هكذا قال في كتابه
2- يسوع آتٍ هللوا هيا اخدموا وابذلوا
فيكافئ تاعبيه والمستحق يُكلَّل
3- يسوع آتٍ من علاه من مجده فهو الإله
هذا الختام والمنتهى يا نفسي اصحِ للصلاة

(يا مشبعني بحضورك
يا ماليني بنــــــورك)2
(قلوبنــــا بتترجاك
نفوسنا بتتمناك
بحضورك الفرحة)2

القرار - (حل بريح حل بنار خلي الأضعف كالجبار)2
(نغلب كل ضعف فينا بالمسحة نكسر أنيار)2

1- (حل بقوة حل بقدرة نفك القيد ونطلق أسرى)2
(ونفوس ترجع بعد غياب ونفوس تنهض بعد الكسرى)2
2- (حل بفيض وحل بغمر وأعطي لشعبك أجود خمر)2
(إملى كيانا بملئ الروح فينــا ومنـــا يجري النهر)2
3- (حل بملئك فوق العادي نمشي و نغني في الوادي)2
(وإبليس لو ينصب أفخاخه مغلوب مغلوب باسم الفادي)2

1- (انت النور لعيوني فرحي وسط شجوني)2
(مهما الناس نسيوني أبقى معاك في أمان)2

القرار - (الجلسة معاك يا غالي تنعش نفسي تحلالي
شخصك غاية آمالي بقربك أكون فرحان)2

2- (روحك فيَّ بيشجعني فوق الأزمات يرفعني)2
(وعدك إنك تسمعني لما آجي لك بإيمان)2
3- (بهتاف أدخل أقداسك أرفع اسمك وخلاصك)2
(أسكب طيبي على راسك و أمشي وياك بإيمان)2

القرار - (هلل معي هلل كتر ولا تقلل
فرحتنا في المسيح هاتدوم وهاتطول)2

1- (اعمل بجد اعمل لا ترتخي وتفشل
شدد إيديك وامتد لحد ما توصل)2
2- (سمّع قلوب سمّع مجروحة ما بتدمع
حب المسيح يشفي روح المسيح يرفع)2
3- (نوّر لهم نوّر مهما العدو عيّر
انت رسالة الله والمسحة فيك تظهر)2
4- (جاي لك أنا جاي لك الحزن ليه طايلك
قوم ودوس الهم يا ابني أنا شايلك)2

1- نيجي بخشوع نعبد يسوع نرفع تسابيح وهتاف مسموع
مجداً يا مليك حباً نهديك مستحقٌ أنت أن نعليك

القرار - أنت الأغلى أنت الأعلى أنت الأجمل أنت الأحلى
رب الأرباب ووحيد الآب أنت المعلم بين الأحباب

2- نحني الرؤوس باسم القدوس نسجد فرحين من غير عبوس
عايزين نشوف مجد الخروف بخلاص الناس ألوف ألوف
3- برفع الأيدي حباً نبدي قدام عرشك أطياب نهدي
حبك مطبوع جوى الضلوع وما في غيرك أنت يا يسوع
4- اسكب سكيب وأضرم لهيب جوى النفوس وانهض قلوب
أعطي اختبار الروح والنار يوم الخمسين لينا باستمرار