كل الترانيم بالكلمات (10847)

١- (ياللي صنعت السما والأرض
والبحار وكل ما فيها
طالبينك بلجاجة يارب
يتمجد ابنك وسطيها)٢

القرار- (ونشوف زمن المعجزات
ما نقولش كان ماضي وفات)٢

٢- (هيرودس يستهزأ بنجاسة
وبيلاطس بيقاوم بشراسة
وإنت مسيج من حوالينا
يملايكة وبأقوى حراسة)٢

٣- (مد يدك للشفاء
وابرئنا من أي داء
باسم فتاك القدوس يسوع
يلمع اسمه فوق الأسماء)٢

٤- (انظر إلى كل تهديد
فنكرز بصليبه بمجاهرة
يتحرر كل العبيد
ويآمنوا ويعيشوا العيد)٢

٥- (بنصلي برجاء وإيمان
قوة روحك تثمر فينا
والروح يملا كل كيان
تعمل بينا بكل مكان)٢

في زمن الأكتئاب في زمن الهَم
دق أبوابنا الفَرح وعَم
وإختار إنه يعيش وإختار إنه يِكبَر
في أرض الإحتلال والدَم

في زمَن كان يشبه الزمَن
سلاطين وملوك لا تؤتَمَن
أحكام بقَتل أطفال
وييجي مُخَلِص يدفع التَمَن

في زمن عَداء الَهِي إنسَاني
السَما صامتة والأرض بتعاني
يرسل كلمة حب كلمة إلهية
مليانة نور وحَق و معاني

في زمن لما الظُلم ساد
و الدين إتخَلط بالفساد
يفتحلي طاقة أمل
على ملكوت ووطن جُداد

طاقة أمل وعُمق جديد
في واقع مش دايما سَعيد
لكنه هايمشي فيه معاك
ووقت الضعف تلاقي إيد

إله عَظيم نزل الأرض وعانَى
خَلصنا ومن الموت نجانا
رحلتنا في الوادي تهون
لأنه عمَّانوئيـل الله معَانا

1- بيتك صلاة وتهليل وشموع بيتك محبة ونور وسلام
2- بيتك مليان من البركات أمنته من كل الشياطين
3- بيتك بنقرا فيه أناجيل ونحفظ فيه أجمل ألحان
4- طوباهم اللي في ديارك اللي بالعيد فيه سالكين
القرار - زي العصفور ما وجد بيته زي اليمامة الفرحانة
بيتك يا رب أنا حبيته بيتك حبيته بأمانة
ثبتني في طريق أنوارك إلى انقضاء الدهر أمين
زي ما حبيت بيتك يا يسوع حبيتك إنت مدى الأيام
ونسمع فيه أقدس تراتيل ونسبحك طول الأزمان
يوماتي فيه القداسات تقام على علشان القديسين

زي الابن الضال اللي ساب أبوه
ساب بيته وعزه رفض حبه
بص على الصليب يسوع عشانك مات
لو رفضت حبه بترفض الحياة
القرار- لما جالك مات بدالك علشان ينقذك من النار
لما حبك قسيت قلبك ومشيت في طريق الأشرار
كل لحظة ويوم هو بيدعيك بيخبط على قلبك ومستنيك
قوم يلا من النوم يسوع على الأبواب
هاييجي لأولاده ويطيروا على السحاب
لما جالك مات بدالك علشان ينقذك من النار
يسوع حبك افتح قلبك وامشي في طريق الأبرار

(ستي بستلي بسبوسة بالسمنة والسكر
دقت منها حتة فحتة طعمها أيوه مسكر)٢
(قلت لنفسي فيها أيه يعني لو آكلها لوحدي
حطيت إيدي كده على خدي كنت حقيقي بفكر)٢
(وافتكرت ساعتها إخواتي ومحبتهم ليا
وإزاي أنا أرضى يكون قلبي مليان بالأنانية)٢
زي ما بابا يسوع علمنا تبقى ما بينا محبة
زرعة ولما إحنا بنرويها تكبر حبة بحبة
ستي بستلي بسبوسة بالسمنة والسكر
وأما أكلتها أنا وإخواتي طلعت زي السكر

القرار – (زي العشار ومش زي الفريسي
أنا قلبي اختار أكون زي العشار)2

1- (وقف العشار في الصف أخير خجلان يترجَّى وبقلب كسير)2
وصرخ بإيمان وبصوته ينادي
ارحمني يا ربي أنا العشار الخاطئ
2- (أما الفريسي وفي أول صف متكبِّر كان واقف يهتف)2
شكراً يا إلهي إني مش جاني
ولا زي التاني ولا زي العشار الخاطئ
3- (الله بمحبة سمع العشار وكتب له نصيبه ويا الأبرار)2
أما الفريسي راح صوته وضاع
مين يوضع نفسه زي العشار؟

القرار - (فارد زي النسر جناحي طاير فوق المرتفعات
غالب بيك أنا كل جراحي أصل الوعد ماليني ثبات)2

1- مش متروك لظروفي لوحدي أو لسهام بتطير حواليَّ
دايرة الحرب وفيها تحدي بس انت مسيج حواليَّ
2- عالي بحبك فوق آلاماتي مش هاتأثر فيَّ أتعاب
أنا ضامن فيك انتصاراتي وإني في إيدك مش متساب
3- يا يسوع انت إله جبار وأنا عايش دايماً في حماك
مش هاحني أنا للأشرار اتعلمت النصرة معاك

القرار –
(حبيبي عطشانة ليك نفسي حبيبي يشتاق إليك جسدي)2
يا أبويا يا فرحة عمري عينيا ناظرة لجلالك
العيشة معاك كل غايتي وبقلب طاهر أحيالك
1- (علمني زي النسر أطير بجناح قوية وحرية
ما أقولش إني عبد أسير محبوس في سجن العبودية)2
أرفعني لمجدك العالي أشبع منك وتكلمني)
مضمونة فيك كل أمالي بجناحك إنت وتحملني)2
2- (مش هاقضي أيامي طفل صغير أحبي في تراب البرية
وإلهي عزه ونصره كبير يعمل مني أمه قوية)2
أنا باعلن بيك أيماني ياللي من الصخرة ترويني)
إن جعت إنتبترعاني من ثمر الصحراء تحييني)2

1- زي النغم الخافت أهمس لما ألاقي في عيونك دموع
ليه يا حبيبي كده متألم؟ كل أنينك فوق مسموع
جربت قبلك وبارثي لضعفك أنا ليك الفادي يسوع
(ده انت عشان تتهنى معايا كان دمي الثمن المدفوع)2
2- يعز عليَّ أشوفك باكي لما تحس إن انت وحيد
تعال احكيلي وعمّق طلبك ياما حافظ لك من مواعيد
كله عشانك حسب إيمانك صدق كلامي وافرد إيد
(بكرة هاعوض كل دموعك فرح لا ينطق به ومجيد)2
3- أسند راسك هنا على صدري واسمع همسة حبي إليك
أنا نسجت خيوط حياتك أنا بحكمة باشكِّل فيك
داعيك باسمك غفرت إثمك بمهارة إيدي أنا باراعيك
(هاخلّي رجلك زى الأيائل ع المرتفع هافضل امشيك)2

القرار- (زي النور يشرق في ضلمة
وبيه أشوف الكون حواليَّ
بعيون جديدة
ده ميلادك لما جيت لي
جيت ومعاك في إيدك جايبلي
أشوف الحقيقة)٢

١- والحقيقة إني أشوف
شفاء من بعد جوع
نور أشرق في ضلمة
ده ميلادك يا يسوع
باسألك تديني نعمة
وتشفيني من كل داء
ومن عيشتك وسطينا
علمني أعيش إزاي

٢- والحقيقة إني ببلاش
أخدت حياة جديدة
أعيشها بشكل تاني
وأرمي خلاص القديمة
بسألك تكسر عنادي
اللي منعني أني أشوفك
وكل رتوش في قلبي
حرمتني إني أعيش في خوفك