مايكل طلعت (9 ترنيمة )

1- (كنت أجول أبحث عنك
فقالوا أنت يا من كنت تصنع خيرًا
فبحثت كثيرًا داخل ذاتي
أهل أنت الآتي أم سأنتظر إلهًا آخر)2

القرار- (ليس لما تعطيني يديك
بل من حبي إليك أتبعك يا سيدي
والآن قد رأيتك ربي عيان
تأخذ شكلي كإنسان لتكون مرشدي)2

2-(فلماذا يا سيدي زحام الناس يبعدك عني)2
(لكني سأقترب إليك واضعًا عجزي لديك)2

(هحكي لكم حكاية حلوة عن ربي يسوع
مرة عالجبل كان قاعد في وسط الجموع)2
(حب يأكلهم لما شافهم جعانين
كانوا خمس آلاف رجالة وولادهم قاعدين)2
(وكان ولد منهم قاعد ومعاه سمكتين)2
وخمس أرغفة صغيرة مايكفوش أتنين
(خدهم شكر وباركهم)4 ببركته ووزع
محدش من اللي بياكلوا قام من غير ما يشبع
2- (هحكي لكم حكاية تانية غير إشباع الجموع
مرة التلاميذ كانوا في مركب وع المية ماشي يسوع)2
(حب يطمنهم لما حس انهم خايفين
كانوا الأتناشر تلميذ في المركب قاعدين)2
(وقام واحد منهم قال له يارب خدني إليك)2
قال له بإيمانك تيجي يا بطرس مد إيديك
(مشي وإيمانة كبير مشي من غير تفكير)2
ولما إيمانه ابتدى يضعف يسوع مدله إيده
قال له شكيت ليه؟
(تيجي نحكي كل حكاية عن يسوع الناس قالوها لنا
نعرف معجزة جديدة كل يوم ونشوفه قدامنا)2

أنا لك ابن يعيش بين أحضان أبيه
واثقٌ ألا يكون غيرك يحميه
فماذا في لكي تحبني
تسهر عيناك علي ياربي
فماذا في لكي تحبني
تعطي حياتك لي ياربي
(أنك أب حنون لا ينعس لا ينام
عيناه تحفظني من الآلام)2
(أسبحك يا من أحببتني
أسبحك يا من خلقتني)2
(ما أبهـــــاك يا الله
مشيئتك على الأرض وفي السماء)2

(ستي بستلي بسبوسة بالسمنة والسكر
دقت منها حتة فحتة طعمها أيوه مسكر)٢
(قلت لنفسي فيها أيه يعني لو آكلها لوحدي
حطيت إيدي كده على خدي كنت حقيقي بفكر)٢
(وافتكرت ساعتها إخواتي ومحبتهم ليا
وإزاي أنا أرضى يكون قلبي مليان بالأنانية)٢
زي ما بابا يسوع علمنا تبقى ما بينا محبة
زرعة ولما إحنا بنرويها تكبر حبة بحبة
ستي بستلي بسبوسة بالسمنة والسكر
وأما أكلتها أنا وإخواتي طلعت زي السكر

١-
ماما زعلانة من أختي والمس قطعت كراستي
وعمو مينا اللي فوقينا ليه مدة قاعد زعلان
وأعرف واحدة صاحبة ماما ليها أكتر من سنة تعبانة
وأنا نفسي يا يسوع تشفيها وتخلي الزعلان فرحان

القرار- (بابا يسوع أرجوك أتصرف أنا نونو جداً مش بعرف
أعمل حاجة غير أصليلك
أشفي وفرح كل الناس والغلطان بقى سامحه خلاص
وأديله تاني فرصة يجيلك)٢

٢-
عارف أني مش فارق سني وأنت ياربي دلوقتي سامعني
فأنا عندي مطالب نفسي تحققها ممكن أقولك نفسي في أيه
نفسي الدنيا تبقى بخير والناس اللي تسامح تبقى كتير
ودي وجهة نظري مش أكتر يعني ودا حلمي حلمت وقلت عليه

١-
حكايات جدو بحبها لازم أسمعها يومياً
فيها حاجات حفظتها وحاجات مش حلوة نسبياً
أجمل قصة أنا عجبتني كانت عن الخير والشر
عن واحد بسهولة أستسلم والتاني على مبادئه أصر

القرار- (أنا مبسوط جا ببرائتي يا يسوع خليني بطبيعتي
أبيض قلبي زي النور
ومزعلش واحد مني وأسامح اللي مزعلني
زي حكاية العصفور)٢
٢-
أنا لفت أنتباهي يوم كان في حكاية نمر خطير
وفي نص القصة لاقيته أتغير مبقاش شرير
وأنا نفسي يسوع نبقى معاه وتعشله بقى كل الناس
منفكرش في يوم ننساه ونحبه ده أجمل إحساس

أمي بخبط على بابك .. وكلي عشم ما ترُديني مكسور قلبي وماليش مكان .. غير حضنك انتي انجديني
أنا جاي واقف قصاد بابك .. محتاج يا أمي تضميني وكلي إيمان تفتحي لابنك .. وتاخدي بإيدي تنشليني
ياما قلوب فيها آلام .. الحمول عنهم شيلتي ياما قلوب مليانة حزن .. عزيتيهم، وطمنتي
وقت الضيفات بتضمينا حاسة بآلام المجروحين كل نفس جاتلك حزينة .. ما رديتيها لو هي مين
أم يسوع، أم الإله .. مين طلبك يوم وبات حزين؟! أم يسوع، أم الإله .. بابك مفتوح للخاطئين

1- لما تحس إن انت بتغرق .. أو نار حواليك تاكل تحرق
وتحس إنك واقف وحدك .. والموت روحك منك يسرق
خليك فاكر ..
القرار - مهما الشر بمكره الغادر .. هجم عليك خلاك مشلول
خليك فاكر ربك قادر .. ولأي مشاكل عنده حلول
ولو أمر تختفي علي طول
2- لما تحس بنفسك عاجزة .. ودموعك من غير أمرك جاهزة
وتحس إنك جوه كابوس .. وتجارب لإيمانك هزة
خليك فاكر ..
3- لما تحس الدنيا اسودت .. فجأة ف عينك قافلة اتسدت
وتحس اليأس اتمكن منك .. وحياتك ف لحظة اتهدت
خليك فاكر ..
4- لما تحس إنك مظلوم .. ومن العدل بعيد محروم
وتحس بمرارة ظلمك .. قايم نايم ف الهموم
خليك فاكر ..

أنا في الحقيقة يا رب مستغرب .. حكاية ميلادك للخيال أقرب !!
معقولة ترضى تييجي وتتولد .. زي البشر كدة عادي، بستغرب !!
يا إلهي انت يا إله الضعفاء/البسطاء .. اخترت بنت يتيمة عظيمة في النقاء
وحليت بروحك فيها من بين النساء .. انت الوحيد المولود من عذراء !!
كنتي أمه يا عدرا كنتي دايماً معاه .. انتي الوحيدة إللي سمح لها إنها ترعاه
بتعلميه وهو إللي أصلاً بيعلِّم!! حيّر شيوخ وكان لسة يادوب في صباه !!
وانتِ يا مريم حيرتي عقول الناس .. بالعفة والطهارة إللي أغلى من الماس
تستاهلي وبجدارة تكوني أم الإله .. وتسمعي في البشارة إنك فخر الأجناس