يسوع في بيتنا (18 ترنيمة )

١- أفكاري عندك مكشوفة وحياتي عندك معروفة
وساعات كتير بافكر أفكار مش بترضيك
علشان كدة باصلي إنك على طول تخلي
أفكاري حلوة جداً علشان بافكر فيك

القرار
إنت عارف مكاني وعارف أفكاري)
عارف اسمي وشكلي ودقات قلبي وأسراري)٢
ومفيش أبداً شيء في يوم يخفى عليك
من حبك ليَّ ناقشني على كفيك
إنت عارف مكاني

٢- فكَّرني ربي بكلامك واملاني دايماً بسلامك
ومايبقاش كل همي إني أعجِب الأصحاب
أرضيك بكل قلبي ما أخجلش منك ربي
يوم ما تيجي وتاخدني لسماك على السحاب

أنا مستعد للحرب لما تيجي أنا مستعد لحدّ يسوع ما ييجي
أنا مستعد وشايل سلاحي ونصرة يسوع هي سبب نجاحي
أنا مستعد..أنا مستعد..أنا مستعد
١- خوذة الخلاص على راسي بتحميني وسيف الروح كلمة الله بتقويني
ترس الإيمان بصدّ بيه السهام الله معايا مافيش كلام
٢- منطقِة الحق حواليَّ تشددني ودرع البر من الشر بيحفظني
رجليَّ بتمشي بإنجيل السلام صاحي وباصلِّي في كل الأيام

القرار- تعال يا يسوع بيتنا.. واملا حياتنا صلاة
وبــارك عيلتنـــا.. وادينا أحلى حياة

١- (بمحبتك حوالينا.. قربنا من بعضينا
وكل واحد فينا.. تملُك بالحب عليه)٢

٢- (نعبدك يا إلهنا.. في بيتنا إنت ملكنا
وكلمتك في حياتنا.. أساس بنرجع ليه)٢

٣- (حياتنا تبقى شهادة.. كل يوم زيادة
واملا قلوبنا إرادة.. نعرَّف الناس بيك)٢

ربي أنا عايز أرنم ليك
نفسي أسبح وأرفع اسمك
إنت في قلبي مفرحني
فرحي علشان إنت فديتني
جيت من السما لأرضنا وريتنا الطريق
من أرضنا للصليب رفعت كل ضيق
ع الصليب اترفعت لكن للسما ارتفعت
ربي أنا عايز أرنم ليك

شكراً يارب إنت فرَّحتني لما جيت في قلبي
شكراً يارب إنت فرَّحتني لما جيت في قلبي
١- مش ممكن أنسى حبك ليَّ مش ممكن أنسى غفرانك
معاك دلوقتي دايماً فرحان نوَّرت كل الحياة
٢- في وقت ضعفي بتقويني مش ممكن أبداً تنساني
من الخطية أنقذتني حبك بيملى قلبي

فاتت سنة من عمري يا ربي طول السنة وأنا شايفك جنبي
ماشي معاك باجري وراك وإنت في إيدك تحفظ نفسي
ماشي معاك باجري وراك وإنت في إيدك تحفظ نفسي
سنة مليانة بالحب يا ربي رقة قلبك أسرت قلبي
خيرك مالي عليَّ حياتي شكراً ليك من قلبي يا ربي
خيرك مالي عليَّ حياتي شكراً ليك من قلبي يا ربي
من كل كياني باهتف ليك باسبح اسمك وأعليك
سن صغير وفي ناس أكبر لكن أنا قلبي مليان بيك
من كل قلبي باهتف ياربي شكراً يا ربي شكراً ليك
من كل قلبي باهتف ياربي شكراً يا ربي شكراً ليك

لتكن أَقوال فمي وفكر قلبي
مرضية أمامك يا رب صخرتي ووليّ
مزمور ١٩– ١٤

١- لما قلبي يبقى ملكك لما حياتي تبقى ليك كل يوم بيعدّي عليَّ بحبك وبافكر فيك

القرار- (وشوية شوية بشوف جمالك وحبة حبة بدوق حلاوتك)٢

٢- أفكارك عميقة جداً أعلى من عقلي بكتير وحبك قوي وثابت لكل بار وشرير
هاتغيرني رغم سني وتفهمني حاجات كتير
كل يوم من مجد لمجد دي حياتي عايزة تغيير

ممكن نختلف)٢ في الاسم نختلف في الشكل نختلف)
في الطبع نختلف في الرأي نختلف لكن
في عيلة المسيح في كنيسة المسيح
في جسد المسيح كُلُنَا أعضاء ورأسنا المسيح ممكن

(مين اللي حبك أكتر من كل الناس
مين اللي ادالك الحياة والخلاص
مين اللي في حزنك هو حاسس بيك
أوعى تفكَّر إنه في يوم ناسيك)٢
(ده يسوع المسيح.. يشفي كل جريح
ويديله حياة وأمان
بص لقلبه المفتوح.. بص لجنبه المجروح
علشاني وعشانك كمان)٢

يا رب إنت عارف إني أنا لسه صغيَّر
في حاجات ساعات بتخوِّف وحاجات كتيرة بتحيَّر
لكن أنت واعدني زي ما كلامك بيقول
إنك تديني سلام يفضل في قلبي على طول
حتى لو الأرض اتهزِّت تحتيَّ أنا عارف
إن ملايكتك حواليَّ
مكتوب إن اسمي منقوش على كفك ليل ونهار
إنت عينك عليَّ

ياريت كان ليَّ جناح أطير بيه للسما
وأشوف يسوع حبيبي ويملاني هنا
بس يسوع عايش فيَّ في قلبي وفي فكري
وقرَّب جداً ييجي والأيام بتجري
أقرب لي من أخويا وكمان أقرب من نفسي
ايمتى عيني هاتشوفه على طول أكون معاه

١-ربي نوّر بنورك فيَّ وسط الضلمة اللي حواليَّ
إنت نور العالم يا فاديَّ حبك خلصني من الخطيّة نوَّر فيَّ نوَّر فيَّ

القرار- نوَّر يا يسوع خللي النور يملا أرضنا يا روح الله املا قلوبنا
يا نهر الحياة فض بالنعمة على بلدنا انشر كلمتك نوَّر لينا الطريق

٢-ربي دائما وأنا في وجودك باتنقل من ظلامي لنورك
باتغير من صورتي لصورتك زي المراية باعكس مجدك نوَّر فيَّ نوَّر فيَّ

عارف اللي يبص في مرآة
على وشه وبعدين ينساه
لو ماسمعتش صوت الله هاتكون زيه وهاتنسى
زي البذرة ع الحجر الثمر مالوش أثر
حتى لو نزل مطر زي قلبك ما يقسى
تعاليم الله غالية في كلام الكتاب
احفظها وعيش بيها واملا قلبك بيها
ده كلامه في سلطان على حياة الإنسان
قوة تغيير لحياتك للمجد كمان وكمان
افتح قلبك لكلامه صدق إنه ليك إنت
يملا قلبك بسلامه تتغير حتة حتة

القرار- عايشين منورين عايشين منورين
والنور اللي في قلوبنا يسطع على حياتنا
والناس اللي بتشوفنا أكيد هاتمجد يسوع

1- ده يسوع وصانا وقال ده إنتم ملح ونور
للعالم اللي حواليكم لما تسلكوا في النور

2- يسوع إدانا نور وأكيد مش هانخبيه
ويبان وينور أكتر ويسوع هايفرح بيه
ونقول للشر لأ ده إحنا ولاد الله

كنت أتمنى ابني يكون أحسن واحد وولد مطيع
شقاوة مافيش وعقل كبير هادي جدًا وولد وديع
لكن مع مرور الأيام أحلامنا ضاعت في الهوا
صلينا كتير وتعبنا كتير وكنا ليه بنحلم سوا
يظهر إنه مافيش أمل يارب إيه بس العمل
يا ماما وبابا ماتزعلوش لسه الرب بيعمل فيّ
زي المبنى اللي ماخلصهوش بيكملني شوية شوية
حتى لو كنت مش كامل ومش عامل اللي طلبتوه
أنا باوعدكم إني هاحاول أنا هاحاول ومازعلكوش
صدقوني تعب السنين وصلاتكم ليّ كل حين
في يوم في حياتي راح تبان وساعتها تبقوا فرحانين

زي الابن الضال اللي ساب أبوه
ساب بيته وعزه رفض حبه
بص على الصليب يسوع عشانك مات
لو رفضت حبه بترفض الحياة
القرار- لما جالك مات بدالك علشان ينقذك من النار
لما حبك قسيت قلبك ومشيت في طريق الأشرار
كل لحظة ويوم هو بيدعيك بيخبط على قلبك ومستنيك
قوم يلا من النوم يسوع على الأبواب
هاييجي لأولاده ويطيروا على السحاب
لما جالك مات بدالك علشان ينقذك من النار
يسوع حبك افتح قلبك وامشي في طريق الأبرار

أنا لما بازعل أو أتضايق والضحك في وشي مش لايق
ومفيش حد حواليّ والدموع هتملا عينيّ
باجري عليك يا فاديّ عارف إنك حاسس بيّ
وأسمع صوتك بينادي صوت بينادي عليّ
تعال حالاً إليّ
أنا لما باعمل خطية ويبقى قلبي مليان قسية
باعرف إني جرحت قلبك لكن لما بافكر في حبك
باجري عليك يا فاديّ عارف إنك حاسس بيّ
وأسمع صوتك بينادي صوت بينادي عليّ بيقول تعال إليّ