قصاقيص (14 ترنيمة )

القرار – [(قصاقيص)7.. دي حكاوي جميلة كان حكاها لنا يسوع
يلا تعال وقوم ويانا هات أصحابك يحكوا معانا
قصاقيص نتعلم فيها إن إلهنا يسوع]2

1- يلا تعالى ننط النطة يلا تعالى رحلة عجيبة من غير شنطة يلا تعالى
يلا تعالى ننط النطة رحلة عجيبة من غير شنطة
نلعب ممكن نضحك ممكن ويا تالتنا يسوع
وفي قصقوصة يفتح أعمى ويشوف نور من بعد العتمة
وخروف تايه يرجع تاني لأصحابه الخرفان
2- وأما يونان في بطن الحوت وأما يونان والعشار في أجمل صوت والعشار
وأما يونان في بطن الحوت والعشار في أجمل صوت
لما ينادي ارحمني يا ربي ارحمني يا ملكي يسوع
أو دانيال في جب أسود أو خاطي في مرة يعود
يلقى أبوه فاتح أحضانه يلقى أبوه يسوع

(حتة حاجة حلوة قد البندقة
قلت اروح اخدها أكلها كلها)2
بس ضميري قالي إنها مش بتاعتي
والوصية تقول لا تسرق يا صاحبي
(لا لا لا لا لا تسرق يا صاحبي)4
(قد البندقة .. لكن مش بتاعتي)2

(كان مرة فيه واحد مسافر لبعيد
قابلوه لصوص سرقوه وسابوه وحيد)2
بين ميت أو حي متألم وجريح
مين يقدر يساعده ويمد له إيد؟
(مَر الكاهن عليه .. مَر اللاوي عليه)2
ولا واحد فيهم قال ده قريبي واداويه
ولا واحد فيهم فكر لجراحه يشفيه
(و سامري صالح كان مسافر شاف
المجروح وشاله بكل حنان)2
(راح ضمَّد جراحه وإداله الأمان)2
(رغم إنه كان غريب ساعده ودواه)2

1- (الله وصاني لما أدي المحتاج
صاحبي كان أو جاري مايشفنيش الناس)2
(الله وصاني وحده يشوف أسراري)2
(وماتعرفش يميني كام راح تدي شمالي)2
2- (الله وصاني إني ما كنش مرائي
وأما أجي أصوم بالزيت أدهن راسي)2
(الله وصاني لما أجي أصلي)2
(أقفل بابي وأقدم كل مشاعري وحبي)2
3- (الله وصاني إني أحب عدوي
وأسامح من قلبي حتى اللي بيبغضني)2
(الله وصاني أسامح أخويا وصاحبي)2
(وأفضل أسامح أسامح قد الله ما سامحني)2

القرار – (احنا جنود ويسوعنا قائدنا وبنسلك في طريق النور
وخطاوي رجليه سكتنا خطوة بخطوة وراها طابور)2
(راية مجده هي رايتنا)2
راية غالب مش مغلوب
راية غالب غالب غالب مش مغلوب

1- (احنا جنود ويسوعنا معانا بيعدِّي بينا البحور
لو فرعون بجيوشه ورانا هايعدِّينا لأرض النور)2
أصل قائدنا أصل قائدنا أصل قائدنا
هو يسوع
2- (احنا جنود ويسوعنا إلهنا مهما يكون شكل السور
راح تدخل لأريحا رايتنا مهما يكون السور مغرور)2
أصل قائدنا أصل قائدنا أصل قائدنا
هو يسوع

القرار – (زي العشار ومش زي الفريسي
أنا قلبي اختار أكون زي العشار)2

1- (وقف العشار في الصف أخير خجلان يترجَّى وبقلب كسير)2
وصرخ بإيمان وبصوته ينادي
ارحمني يا ربي أنا العشار الخاطئ
2- (أما الفريسي وفي أول صف متكبِّر كان واقف يهتف)2
شكراً يا إلهي إني مش جاني
ولا زي التاني ولا زي العشار الخاطئ
3- (الله بمحبة سمع العشار وكتب له نصيبه ويا الأبرار)2
أما الفريسي راح صوته وضاع
مين يوضع نفسه زي العشار؟

1- (بسرعه تعالى بسرعه ياربي اسمع قلبي يدق تملي)2
(بيقول بم بم بم بم ولما هاتيجي هايفرح قلبي)2
2- (بسرعه تعالى بسرعه ياربي أسمع ساعتي ترن تملي)2
(بتقول تن تن تن تن ولما هاتيجي هايفرح قلبي)2
3- (بسرعه تعالى بسرعه ياربي أركب قطر يفوت ويعدي)2
(بيقول توت توت توت توت ولما هاتيجي هايفرح قلبي)2
بيقول بم بم بم بم ولما هاتيجي هايفرح قلبي
بتقول تن تن تن تن ولما هاتيجي هايفرح قلبي
بيقول توت توت توت توت توت
ولما هاتيجي هايفرح قلبي

(قطتي مشمشة نونو نونو نونو
قبل ما تاكل أكلها هم هم هم)2
(قبل ما تلعب لعبها
قبل ما تعمل شغلها)2
(دايماً تشكر ربها
نونو نونو نونو)2

(واحد أبيض واحد أسود واحد عكس التاني تمام
واحد ابن النور والتاني قلبه عنيد بيحب المال)2
(كان في واحد أصله كبير كان غني أوي وفلوسه كتير
وواحد تاني اسمه لعازر كان غلبان أوي أوي وفقير)2
(الغني كان بيحب فلوسه ولعازر بيحب الله)2
(لكن بعد ما عاشوا زمانهم خسر الغني خيرات الله
ولعازر من بعد أتعابه فاز بيسوع فاز بسماه)2
(مرة يسوع كان في الهيكل دخلت واحدة فقيرة عليه
شايلة معاها كيس عطاياها كان وياها يا دوب فلسين)2
(ودخل واحد غني للهيكل كان وياه م الفضة كيسين)2
(الغني أعطى من فضلاته كيس بشماله وكيس بيمين
إدت هي من أعوازها رغم حاجتها للفلسين)2
(مرة واحد فكَّر يبني بيت ويخلّيه أجمل بيت
جه على حبة رمل وحط أول طوبة وأول حيط)2
(وواحد جاره فكَّر يبني جه ع الصخر وحط البيت)2
(وفي يوم هَب الريح شديد هد حيطان بيت الرمل
أما الجار الشاطر كان كان يحميه بيته الصخر)2
واحد حط البيت ع الرمل والتاني ثبِّته فوق الصخر
واحدة إدت من أعوازها والغني من فضلاته إدى
واحد كان بيحب فلوسه ولعازر بيحب الله
واحد أبيض واحد أسود واحد عكس التاني تمام

1-كن مستعد (يجي يسوع زي اللصوص
وفي وقت مافهوش انتظار
لو مستعد قدم الكنوز قدم علامة كل بار)2
في ناس هاتخسر وناس تفوز ويكونوا ساعة الانتصار
القرار- كن مستعد
2-كن مستعد (في يوم عظيم يجي العريس
وينادي كل الموجودين
لو مستعد وقت المجيء هاتصير في عرس السهرانين)2
في ناس هاتخسر وناس تفوز ويدخلوا ويا العريس

(يلا هانلعب يالا يلا هانحسب بالأرقام)2
(يلا هانلعب لعبة جميلة يلا هانلعب بالأرقام)2
واحد زائد واحد طبعاً راح يعملوا صليب
يتعلق على صدرك جوه في قلبي وقلبك
لما تنام وتقوم وفي أكلك فوق جرحك هايطيب
واحد جنبه واحد يبقوا أتنين أصحاب ماشيين
بيقولوا في ترنيمة في طريقهم لكنيسة
يبقى يسوع هو تالتهم وف إيده ماسكين
واحد ناقص واحد يبقى الخير جواك موجود
طبعك أو حلفانك كسلك ولا خصامك
لو تطرحهم بره حياتك يفضل بس يسوع

كل الشمس ما تطلع كان في أعمى دايماً يرفع
قلبه ويطلب إن يفتح يلقى يسوع
كان صاحبه عكازه وكان النور أجمل أحلامه
كان شايل جواه أحزانه وكان مستني يسوع
(كان الأعمى يوماتي يستعطى وينادي)2
(ساعدوني يا ولادي ساعدوا فقير محتاج)2
(كان واحد يديله وواحد تاني يسيبه)2
(وواحد ياخد إيده وكتير كانوا ينسوه)2
(بس يسوع لما رآه قلبه أتحنن ليه وشفاه)2
(مد إيديه الأتنين وإداه نور لعيونه)2
(وبقى صاحبنا يوماتي بيسبح وينادي)2
(شكراً ليك يا إلهي شكراً ليك يا يسوع)2
(كل الشمس ما تطلع بقى للأعمى عينين وفتح
يشكر اسم الله ويسبح ويسير ويا يسوع
ويا يسوع يوماتي لا بيستعطى ولا بينادي
مجد الله نور لي حياتي شكراً ليك يا يسوع)2

(كان في الجب نمور ووحوش وأسد كان جعان
كان بيلف يدور ويدور كان من الجوع غضبان)2
(كان صوته بيزعق ويثورأدوني غزالة أو تور)2
كان الجب مكان بيخوف بشر إن كان ولا نسور
ومادام الأسد الصاحي بيشمشم
كان في فريسة عليها الدور
شمال.. يمين.. شمال.. يمين
كان صوت الحراس جايين شمال يمين شمال
بالخطوة كانوا محاذيين شمال يمين شمال
قدام باب الجند اصطفوا وفي لحظة كانوا ثابتين
ووقف جندي في إيده عريضة عن واحد من المساجين
[السجين دانيال لقد خالفت أوامر موالنا الملك
وسجدت لإلهك لذلك فقد حكم عليك موالنا الملك
بالموت في جب الأسود.. نفذوا الحكم]
(دانيال إنسان بيحب الله
فيه روح وحياة من قلب الله البار)2
(أتقدم دانيال بإيمان وسط حوش الجب
أتقدمو معاه يد الله وسط أسود الجب)2
الله بيد عظيم هدى الأسود وحماه
سبح إليه دانيال لما القدير نجاه
(دانيال دانيال إنسان بيحب الله فيه
روح وحياة من قلب الله البار)2
ومع الشجعان صار اسمه
راح قدم نفسه وجسمه
الله علشانه أتقدم وغلب كل الأسود
(إديني من قوة دانيال الجسور
قوة عظيمة تغلب النمور)2

1- (هات رجليك يغسلها يسوع
هات رجليك يمسحها أبوك)2
(بس يا شاطر لسه عليك تغسل إنت رجل أخوك)2
القرار –(في الأمثال علمنا الله
في الأمثال فهمني يسوع
زي أنا ما عملت معاك تعمل إنت ويا أخوك)2
2- (هات خطاياك يغفرها يسوع
هات خطاياك يغفرها أبوك)2
(بس يا شاطر لسه عليك تغفر إنت كمان لآخوك)2