كل الترانيم (12961)

١- زمان ومن سنين
كان فرحي أكتر من الأنين
كان أقصى الهموم
لو عندي لعبة مش لعبتين
سمعت إنك جميل
إنك المصدر لكل خير
صالح وأب كامل
كنت في طريقك باجري وأطير
(كنت باشكر قبل ما أنام
ع اليوم الحلو وبابا وماما
وكنت باطلب كل الأحلام
حتى لو حلم كله بساطة)٢

٢- لقيت ويا الأيام
أنواع جديدة من الآلام
واللي كنت باشكر عليه
اتحول ذكرى ويا الأيام
لقيته عالم فسدان
إبليس رئيسه
وفي شره غرقان
الظلم سايد وبيكبر
و الكره شوِّه جمال الإنسان
(لقيت أمواج الحيرة تعلى
هو إنت فين ليه سايبه يحصل
مش إنت صالح وأعلى سلطة
هو إنت فين امتى تتدخل)٢

٣- لكن في ظلمتي
شمس بتدفيلي قلبي
خليقة تعلن وجودك
مع كل خلية جوه جسمي
الغروب راح جاب نجوم
نجمة منهم بتشاور من فوق
على مذود إنت جيته
عشان هاتاخد مكاني وتموت
لقيت في صوت يملا كياني
إزاي فاديك يقسي عليك
ده حبي ليك اللي خلاني
اسيب المجد وأسرع إليك
أنا مفيش فيَّ تغيير
افتح عينيك فتنور وتشوف
إن الخطية شوهت العالم
وجه معاها الموت والخوف
أنا فاديك وفي كل الآلام
بتألم ليك وإيديَّ بترفع
أنا راعيك وفي كل الأيام
عندي سلطان عجايب أصنع

1- (فيكي كنيستي اللي بحبها وأبونا اللي رباني
فيكي صحابي اللي شاركوني أفراحي وأحزاني)2

القرار- (زماني يشهد عليَّ إنك عندي يا بلادي غالية
يا فاديَّ احميها من الشر وخلّيها في مقامها عالية)2

2- (إذا كان ربي حبيبي يسوع قال مبارك شعبي مصر
إزاي ما أحبكيش يا بلادي وأشهد لك في كل عصر؟)2
3- (بشَّر فيكي كاروزك مارمرقس بإيمان صحيح
والمذبح في وسط أرضك باركه بنفسه المسيح)2

١- (زمن افتقادك قرب يا أرض يا محجرة
واللي بعيد هايقرَّب ومجده عليكي يرى)٢

القرار - (وأسوار الشرور تنهار ودم يسوع يغطي الملايين
والليل يطلعله نهار هايشق ظلام الراجعين)٢

٢- (والرؤيا جوه قلوبنا قرب ليها الميعاد
وأمجادك تملى دروبنا وتزيد الأعياد)٢

٣- (وكل ركبة هاتسجد ليسوع ملك الملوك
وكل لسان راح يعلن قوة دمه المسفوك)٢

١- (زمن التعويضات أهو جاي متنحنيش يا نفسي
أوعى تخافي إلهك حي أوعى أحزانه تنسي)٢

القرار - (هايعوض عن السنين اللي أكلها الجراد
قومي يا نفسي وعلّي الصوت وقولي المجد عاد)٢
(قولي المجد عاد)٢

٢- (هايعوض الروح اليائسة برداء التسبيح
ويبدل كل الرماد بجمال المسيح )٢

٣- (وعد الرب يرد السبي ويرد المسلوب
ولا نرجع للسبي ما دام في قلوبنا المكتوب)٢

٤- (ما دام الرب أمر بالعز وساكن بين أغانينا
عرش القلب لا يوم يهتز ودهن الفرح مالينا)٢

لا أنسى يوماً سيدي مررت بي
وقُلت لي: "هوذا زمنك زمن الحب"
(مررت بك ورأيتك وإذا زمنك زمن الحب)2
فبسطت ذيلي عليكِ وبالرحمةِ كللتكِ
مررت بي ورأيتني وإذا زمن الحب زمني
فبسطتَ ذيلكَ عليَّ وبالرحمةِ كَللتني
ورَغم ضعفي ومذلَّتي حلفت لي قد صرتي لي
ودخلتَ معي في عهد الحبِ
أشبعتُ بالخيرِ عمرك بفضائلِ زينتُكِ
أشبعتُ بالخيرِ عمري بفضائلٍ زينتني
فَجمُلتِ جداً جداً وصَلُحتِ لمملكةِ

١- (ياللي صنعت السما والأرض
والبحار وكل ما فيها
طالبينك بلجاجة يارب
يتمجد ابنك وسطيها)٢

القرار- (ونشوف زمن المعجزات
ما نقولش كان ماضي وفات)٢

٢- (هيرودس يستهزأ بنجاسة
وبيلاطس بيقاوم بشراسة
وإنت مسيج من حوالينا
يملايكة وبأقوى حراسة)٢

٣- (مد يدك للشفاء
وابرئنا من أي داء
باسم فتاك القدوس يسوع
يلمع اسمه فوق الأسماء)٢

٤- (انظر إلى كل تهديد
فنكرز بصليبه بمجاهرة
يتحرر كل العبيد
ويآمنوا ويعيشوا العيد)٢

٥- (بنصلي برجاء وإيمان
قوة روحك تثمر فينا
والروح يملا كل كيان
تعمل بينا بكل مكان)٢

في زمن الأكتئاب في زمن الهَم
دق أبوابنا الفَرح وعَم
وإختار إنه يعيش وإختار إنه يِكبَر
في أرض الإحتلال والدَم

في زمَن كان يشبه الزمَن
سلاطين وملوك لا تؤتَمَن
أحكام بقَتل أطفال
وييجي مُخَلِص يدفع التَمَن

في زمن عَداء الَهِي إنسَاني
السَما صامتة والأرض بتعاني
يرسل كلمة حب كلمة إلهية
مليانة نور وحَق و معاني

في زمن لما الظُلم ساد
و الدين إتخَلط بالفساد
يفتحلي طاقة أمل
على ملكوت ووطن جُداد

طاقة أمل وعُمق جديد
في واقع مش دايما سَعيد
لكنه هايمشي فيه معاك
ووقت الضعف تلاقي إيد

إله عَظيم نزل الأرض وعانَى
خَلصنا ومن الموت نجانا
رحلتنا في الوادي تهون
لأنه عمَّانوئيـل الله معَانا

1- بيتك صلاة وتهليل وشموع بيتك محبة ونور وسلام
2- بيتك مليان من البركات أمنته من كل الشياطين
3- بيتك بنقرا فيه أناجيل ونحفظ فيه أجمل ألحان
4- طوباهم اللي في ديارك اللي بالعيد فيه سالكين
القرار - زي العصفور ما وجد بيته زي اليمامة الفرحانة
بيتك يا رب أنا حبيته بيتك حبيته بأمانة
ثبتني في طريق أنوارك إلى انقضاء الدهر أمين
زي ما حبيت بيتك يا يسوع حبيتك إنت مدى الأيام
ونسمع فيه أقدس تراتيل ونسبحك طول الأزمان
يوماتي فيه القداسات تقام على علشان القديسين

زي الابن الضال اللي ساب أبوه
ساب بيته وعزه رفض حبه
بص على الصليب يسوع عشانك مات
لو رفضت حبه بترفض الحياة
القرار- لما جالك مات بدالك علشان ينقذك من النار
لما حبك قسيت قلبك ومشيت في طريق الأشرار
كل لحظة ويوم هو بيدعيك بيخبط على قلبك ومستنيك
قوم يلا من النوم يسوع على الأبواب
هاييجي لأولاده ويطيروا على السحاب
لما جالك مات بدالك علشان ينقذك من النار
يسوع حبك افتح قلبك وامشي في طريق الأبرار

(ستي بستلي بسبوسة بالسمنة والسكر
دقت منها حتة فحتة طعمها أيوه مسكر)٢
(قلت لنفسي فيها أيه يعني لو آكلها لوحدي
حطيت إيدي كده على خدي كنت حقيقي بفكر)٢
(وافتكرت ساعتها إخواتي ومحبتهم ليا
وإزاي أنا أرضى يكون قلبي مليان بالأنانية)٢
زي ما بابا يسوع علمنا تبقى ما بينا محبة
زرعة ولما إحنا بنرويها تكبر حبة بحبة
ستي بستلي بسبوسة بالسمنة والسكر
وأما أكلتها أنا وإخواتي طلعت زي السكر