كل الترانيم (12961)

1- (جايز أكون مش شايف نورك بس أكيد نورك موجود
جايز أكون مش عايش خيرك لكن خيرك ماله حدود)2
انت يا ربي وحدك تقدر تفتح عيني تشوف وتنوَّر
قلبي يعيش وياك يتغيَّر يتحرّر من كل قيود
تشبع نفسي وتروي سلامي تملى بخيرك كل أيامي
يبقى طريقك نور قدامي بيخطّي فوق أي سدود
2- (ربي أنا عارف إن أنا ابنك وإن مكاني معاك في سماك
عارف إني هيكل قدسك اللي بنيته بسفك دماك)2
أمسك سوطك يا يسوع تاني نقي وطهَّر كل كياني
واطرد كل شرور منعاني إني أعيش المجد معاك
وإن كان عاشت فيَّ خطية افتح قبري ونادي عليَّ
أغلب موت العالم فيَّ بدِّل كفني بستر فداك

1- (جايلك وبكل ذنوبي نفسي أتغير يا يسوع
تستر لي كل عيوبي تمسح من عيني الدموع)2

القرار – (راجع من تاني ياربي من بعد عذاب ومرار
تُهت في وادي أحزاني راجع دلوقتي اختار)2
راجع دلوقتي اختار

2- (راجع وفي قلبي شوق تعبت من الحِرمان
شيل عني كل أحمالي جاي أرتمي في الأحضان)2
3- (راجع وفي قلبي إيمان تغيّر كل ما فيَّ
تديني قلب جديد يخدم اسمك يا فاديَّ)2

1- جايلك عشان غيرك ماليش عمري بدونك مايساويش
وإن سبت حضنك مش هاعيش وهاتملي بجراح
أنا قلبي عنك ياما غاب لكن خلاص راجع وتاب
ده البعد عن حضنك عذاب وبين إيديك هارتاح

القرار - جايلك تغير دنيتي جايلك تنور ضلمتي
وتكون طريقي وسكتي من خوفي تنجدني
وتكون دليلي في رحلتي تسمع صراخي وشكوتي
تمسح بإيدك دمعتي يا يسوع وتسندني

2- وفي قلب عتمة ليل طويل عايزك تكون شمسي
عايزك تشيل يأسي عايزك تبدل أي ليل
3- اديني عمر أعيشه ليك واملك على عمري
واملك زمام أمري وضمني وخبيني فيك

1- (جايلك أحمل الصليب اقبلني ياربي الحبيب)2
(جايلك وبكل قلبي أقبل حِمل الصليب)2

القرار- جايلك يا يسوع قابل نيرك اقبلني عايز أتوب
جايلك يا يسوع قابل إيدك اشفيني يا مصلوب
وباصرخ بدموعي اقبل رجوعي يا مصلوب

2- (راجع أقول لك املك فيَّ املا قلبي واملا عينيَّ)2
(راجع مشتاق لحضنك قدِّس أيامي الجاية)2
3- (البعد عنك ده مرار خلّاني أعيش ليل ماله نهار)2
(راجع وباعلن عجزي اسندني انت يا بار)2
4- (اخطأت إليك ربي ارحمني لو كأجير عندك اقبلني)2
(احييني من بعد موتي وحياة جديدة اوهبني)2

1- (جايلك تايب نادم على كل اللي فات
سايب الماضي وقايم ومفيش مُستحيلات)2
لنجاستي أقول لا لقداستك أقول آه
(جايلك تايب نادم لنجاستي أقول لا ...
سايب الماضي وقايم لقداستك أقول آه(2

2- (جايلك وجهك طالب وثبات في الخطوات
وبوعدك أنا غالب سالك بانضباط)2
لنجاستي أقول لا لقداستك أقول آه
(جايلك وجهك طالب لنجاستي أقول لا...
وبوعدك أنا غالب لقداستك أقول آه)2

3- (خلي الرؤية أمامي تلمع باستمرار
بمسيرك قدامي ناجح باقتدار)2
لنجاستي أقول لا لقداستك أقول آه
(طول ما الرؤية أمامي لنجاستي أقول لا ...
بمسيرك قدامي لقداستك أقول آه)2

4- (جايلك أُثقب ودني خاضع للمكتوب
وبروحك ارشدني توِّبني فأتوب)2
لنجاستي أقول لا لقداستك أقول آه
(جايلك أُثقب ودني لنجاستي أقول
لاوبروحك ارشدني لقداستك أقول آه)2

5- (وأمانتك ها راعيها وامشي طريق
البرووصيتك هااخفيها بالقلب وبالفكر)2
لنجاستي أقول لا لقداستك أقول آه
(وأمانتك هاراعيها لنجاستي أقول لا ...
ووصيتك هااخفيها لقداستك أقول آه)2

6- (ومبادئك دي نظامي عيني على
قدام في سنيني وأيامي دايماً للأمام)2
لنجاستي أقول لا لقداستك أقول آه
(ومبادئك دي نظامي لنجاستي أقول لا...
في سنيني وأيامي لقداستك أقول آه)2

القرار- (جايلك ربي أتعلم أصلي
وأخد راحتي معاك أنا وأحكي)٢
جاي أفضفض باللي شاغلني
تمسح دمعي وتشيل عني

١- (وحدك فاهم حتى سكاتي
والروح فيَّ يعين ضعفاتي)٢
يشفع ويترجم أناتي
وأرجع أسجد لك في صلاتي
٢- (بابك دايماً مفتوح ليَّ
باجري عليه أنا كل شوية)٢
تمسك إيدي في البرية
تسندني بوعود إلهية
٣- (وسط آلامي تهمس ليَّ
بتعلمني وتعمل فيَّ)٢
تدي معونة ونعمة غنية
أصل أنت عشتها قبليَّ

1- جاي لك ربي.. بشيلة تقيلة.. وادي حياتي بدون تجميل
خدني اغسلني.. ربي اغفر لي.. مشتاق ربي للتغيير
عندك ربي.. رحمة بتشفي.. وحرية من التفشيل
جاي وأنا عارف.. إن في قلبك.. لي ما فيش أي تعيير

القرار- يسوع الغالي.. قلبي راضي.. كل أشواقه يسلم ليك
امسك إيدي.. ليك قربني.. مشتاق ربي للتغيير

2- جاي لك ربي.. باسلم قلبي.. جاي بضعفي وكلي ذنوب
رغم قساوتي.. رغم عيوبي.. عند صليب جاي أتوب
نهر سلامك.. يغمر قلبي.. يملا حياتي راحة وأمان
حبك يستر .. كل خطية .. يدي نعمة وغفران

1- (جايلك وأنا قلبي فايض بكلام تسبيح
وحُبك غطَّى حُبي وحمايتي في المسيح)2

القرار – (أنا غالي وغالي فيك وفي الصليب أنا مش رخيص
لما يسوع أنا صرت ليك دوست بقوة على إبليس)2

2- (و في كل ظروف حياتي سندي و مرشدي
ولما أضعف ألاقي حنانك صخرتي)2
3- (وسنين عمري اللي جاية مضمونة يا رب فيك
هاعيش رافض الخطية بقداسة أنا هاشهد ليك)2

١- ( جاي لك يا يسوع مشتاق أتغير
في إيدي قيود مهموم متحير )٢
شخصك وحده هو اللي يغير.. ولا يوم إبليس يأسر ويعير

القرار- ( وحدك يا يسوع.. ترفع كل الأتعاب
دمك يا يسوع.. مرشوش على الأعتاب )٢
على الماضي ندوس.. نكسر عندك أطياب

٢- ( أسجد وأركع يا يسوع قدامك
وأنا زي فطيم يجري لأحضانك )٢
طعم الحرية هادوق وسلامك.. حاسس بأمان يرويني حنانك

٣- ( أهتف لاسمه وأرفع له نشيدي
حقه في قلبي سلطانه في إيدي )٢
نلت الحرية اليوم يوم عيدي.. قلبي فرحان مسرور بيغني