كل الترانيم (12961)

1- نزلت وسط البحور والشر غاويني
وتهت بين الصخور ولا حد يهديني
شفتك ف وسط الموج بتمديلي إيدك
أتاري عينك على عايز تنجيني

القرار - أنا جاي ليك خاضع وساجد بين إيديك
الليله بافتح قلبي ليك الليله بافتح قلبي ليك
ومن النهارده كلي ليك .. أنا كلي ليك

2- أنا كنت غرقان وموج الشر طاويني
بتشيلني موجه هنا والتانية ترميني
شفتك ف وسط الموج بتمديلي إيدك
أنا جاي ليك يا رب ع البر رسيني

3- أنا كنت فاكر يا رب إن أنت ناسيني
أتاريك بترعاني ف أيامي وسنيني
شفتك ف وسط الموج بتمديلي إيدك
رجعت ليك والفرح من جوة ماليني

القرار – (جاي وأنا مشتاق لحضنك ولجلسه أتمتع فيها معاك
وأما باجيلك تقبلني بضعفي ونفسي وروحي تهيم وياك)2

1- ويااااك ترفع نفسي المنحنية وتخبيني في الأحضان
وتقول لي: أنا أمرت بعزك إلهك حصنك والأمان
ينتهي كل كلامي ويتاخد قلبي في حب الاله

2- ويااااك أرفض كل خطيه وأعيش لك وأكون في خوفك وفي رضاك
وأرفع عيني على الأبدية وأصرخ: أمتى يا رب ألقاك
خليني أعيش بأمانة والعمر الباقي أتبع خطاك

3- ويااااك أدخل نهر سباحه لا يعبر وأتسبى في الأعماق
و أتاخد من نفسي وأهيم وأعبر وتزيد جوايَّ الأشواق
ترويني وأقول لك تاني منك أنا مش شبعان

4- ويااااك تتلاقي روحي بروحك ربي وتهرب الأحزان وألاه
وترد ليَّ بهجة روحي وقلبي يفيض تسبيح وصلاه
ينشد قلبي علي لساني وأغني ليك يا أبرع جمال

القرار – (جاي وأنا مشتاق لحضنك ولجلسة اتمتَّع فيها معاك
وأما باجي لك تقبلني بضعفي ونفسي وروحي تهيم وياك)2

1- وياك .. ترفع نفسي المنحنية وتخبِّيني في الأحضان
وتقول لي: أنا أمرت بعزك إلهك حصنك والأمان
ينتهي كل كلامي ويتاخد قلبي في حب الإله

2- وياك .. أرفض كل خطية وأعيش لك وأكون في خوفك وفي رضاك
وأرفع عيني ع الأبدية وأصرخ: أمتى يارب ألقاك؟
خليني أعيش بأمانة والعمر الباقي أتبع خُطاك

3- وياك .. أدخل نهر سباحة لا يعبر وأتسبى في الأعماق
و أتاخد من نفسي وأهيم وأعبر وتزيد جوايَّ الأشواق
ترويني وأقول لك تاني منك أنا مش شبعان

4- وياك .. تتلاقى روحي بروحك ربي وتهرب الأحزان والآه
وترد ليَّ بهجة روحي وقلبي يفيض تسبيح وصلاه
ينشد قلبي علي لساني وأغني ليك يا أبرع جمال

1-جاي وبسلم قلبى يا ربي تارك كل أموري إليك
باعلن ثقتي و باعلن حبي مهما يكون أنا خاضع ليك

القرار-(أيامي كلها في إيديك مش خايف من بكره معاك)2
(والمستقبل كله لديك مضمون فيه الخير وياك)2

2-ياللي بتدي القلب تملي وعد وراحة في الأيام
وعدك ليّ راح يضمن لي جود ومراحم ويا سلام
3-نفسي حاميها بسور من نار روحك في يا رب ماليني
ولا راح ممكن يوم أحتار علشان انت اللي بتهديني
4-ربي بحبك تحلى حياتي أقضي أيامي ماسك فيك
كل الحاضر كل الآتي زي الماضي مضمون فيك

1- جاي ودموعك تملى عينيك خايف ترجع بيتك تاني
2- أنسى قيدوك قوم واتحرر ارفع راسك تاني وقاوم
3- اوعى تفكر إني في مرة قلت أسيبه لوحده دا سابني
أبداً يا ابني ما سبتك لحظة وياما ندهت عليك ترجع لي
القرار - دا انت ابني اللي غالي علي اللي شايلك جوه عيني
دا انا بصليبي اديتك قوة تقدر تغلب بيها العالم
فاكر قلبي هايقسى عليك أبداً هاخدك بين أحضاني
وبأعمالي أتمجد فيك وبأعمالك تشهد ليَّ

القرار – (جاي وعارف إن أنا محبوب رغم كل عيوب
ده اللي يحط حياته في أيدك أبداً مش مغلوب)2
1- (حبك ليَّ يخلق فيَّ قلب ثابت قلب جديد
روحك فيَّ جدد ليَّ كل حياتي والمواعيد)2
2- (صوتك ليَّ أثر فيَّ كل يوم عن يوم بيزيد
شكل فيَّ أرسم ليَّ خطوات عمري بالتحديد)2

القرار - جاي يا ربي باسجد ليك عند رجليك باقدم طيبي ونارديني
وإن شكرت العمر كله مش هايكفّي ولا الأبدية هاتكفّيني مش هاتكفّيني
1- زي سحابة محيت خطايايَ بدمك دوست آثامي ولاهاتذكرها تاني
روحت أهتف بين الناس وأغني كنت مُذنب جيت خدت مكاني
2- لما رفضت طريقك كنت باقولك أبعد عني بنفسي اخترت هواني
معادش طريقك هو اللي يفرحني كنت مُذنب جيت خدت مكاني
3- مهما أغني بحُبك مش هايكفي وأنا باشوف دمك بيسيل عني
كان صليبك هو فدائي لأني كنت مُذنب جيت خدت مكاني

(جايز أكون مش شايف نورك بس أكيد نورك موجود
جايز أكون مش عايش خيرك لكن خيرك ماله حدود)2
أنت ياربي لوحدك تقدر تفتح عيني تشوف وتنور
قلبي يعيش وياك يتغير يتحرر من كل قيود
تشبع نفسي وتملى سلامي تملى بخيرك كل أيامي
يبقى طريق نور قدامي بيخطي فوق أي سدود
(ربي أنا عارف إن أنا ابنك وإن مكاني معاك في سماك
عارف إني هيكل قدسك اللي بنيته بسفك دماك)2
أمسك سوطك يا يسوع تاني نقي وطهر كل كياني
وأطرد كل شرور منعاني إني أعيش في المجد معاك
وإن كان عاشت فيَّ خطية أفتح قبري ونادي عليَّ
أغلب موت العالم فيَّ بدل كفني بستر فداك
أنت ياربي لوحدك تقدر تفتح عيني تشوف وتنور
قلبي يعيش وياك يتغير يتحرر من كل قيود
وإن كان عاشت فيَّ خطية أفتح قبري ونادي عليَّ
أغلب موت العالم فيَّ بدل كفني بستر فداك