كل الترانيم (12961)

القرار –(جايين لك ربي وبنرفع عينينا للسماء
وبنطلب إلهنا وبنطلب فادينا)2
(وبنطلب منك رحمة والمحبة اللي لينا
ياللي وحدك سامعنا وبحُبك فادينا)2

1- (ياللي وحدك فرحتنا تعالَ بالروح وسطينا
ياللي فيك تعزيتنا تعالَ بالروح عزّينا)2
(محتاجيين لك ياللي دايماً بتكلمنا
محتاجيين لك ياللي دايماً بتفرحنا)2
انت ارفعنا فوق العالم نعيش إليك
2- (ياللي بدماك حبيتنا تعالَ بشفاء حقيقي
صارخين من كل قلوبنا تعالَ بسلام حقيقي)2
(محتاجيين لك ياللي قطعت قيودنا
محتاجيين لك ياللي بالنعمة أتبنيتنا)2
وتعلّينا فوق العالم وفوق الضيق
3- (ياللي نورك قدامنا وعايشين لإله حقيقي
وفي ملكوتك مكانّا وبعهد أبدي حقيقي)2
(محتاجيين لك ياللي صليبك نور حررنا
محتاجيين لك ياللي سلامك بيرفعنا)2
ولمجدك عايشين في العالم وإن مُتنا ليك

القرار- جايي من السما أيام ملونة بالمجد ملونة محبة وسلام جايي من السما أيام
افتحوا الأبواب اللي شرعها الهوى ويجمعنا السلام ونصلي سوا
1- ربي يا مولود جديد يا بسمة حلوة بالعيد جاي تخلص الإنسان وتعطينا الأمان وتهدينا ع درب الإيمان إلهي سيد الأكوان
2- ضووا هالبيوت زينوا هالسحاب وغنوا للي جاي أحلى الغنيات وقلوبنا مليانة حب بميلادك إنت يا رب جاي تخلص الإنسان وتعطينا الأمان
وتهدينا ع درب الإيمان إلهي سيد الأكوان

1- يا رب يا عالم بأوجاع البشر
يا رب يا حاسس بآلام البشر
يا رب يا شايف دموع كل البشر
مين غيرك أنت يلجأ له البشر
(جايين بأمرك نصلي لأجل كل الناس
ارفع ألم أرفع وجع ارفع هموم كسرت قلوب الناس)2
(ولما يتمكن ألم قاسي ولما يتحكم وجع قاسي)2
أنت اللي هتعزي وأنت اللي هتواسي

القرار- مين غيرك أنت في رحمتك
تقدر تساع كل البشر
تقدر بلمسة من إيديك الطيبة
تشفي جروح كل البشر
يــــا رب البشر

2- (جايين بأمرك نصلي لأجل كل الناس
حاسين بتيار الألم سارح في جسم الناس)2
(وبنلتمس عطفك)2 تمسح دموع الناس
تغسل قلوب الناس أنت اللي حاسس بالألم جوة العيون
تحت الجفون ساكن قلوب الناس
3- (انزع قساوة قايين من أرضنا وجفاه
ما يعودش يقتل أخوه ولا حتى يوم ينساه)2
املأ قلوب البشر بالرحمة والإحساس
عمَّر قلوب كل البشر بالحب والإخلاص
(صالح ما بين الناس صالح ما بين الناس)2
أنت اللي تقدر تحنن قلب ناس على ناس

١- (جايين بإيمان لجلالك وبنسجد لك
من كل قلوبنا طالبين نعاين مجدك)٢
واثقين في حضورك قيودنا راح تتكسر
من مجد لمجد لصورتك راح نتغير
القرار- (ضامنين غفرانك واثقين في كلامك
عارفين سلطانك وفى نورك وبروحك من الضلمة راح نتحرر)٢
٢- (ونشوفك ببهائك جالس بيمين العظمة
بفدائك ودمائك كرست طريق النعمة)٢
هانجيلك بإيمان واثقين مرشوشة قلوبنا
دمك يسترنا يحمينا ويمحي ذنوبنا

1- جايين بنغني وبنقدم لإلهنا ذبيحة حمد
وبنرفع شكر قلوبنا وبنهدي له كل المجد
عايشين أيامنا من خيره وبيمتعنا بكل غناه
إحنا ولاده وشعبه غنم مرعاه

القرار - وبنشهد ليك إنت الله العظيم
بنسجد ليك يا راعينا الكريم
وبنهتف ليك يا ملك السلام
ده في غربتنا النعمة بتكفينا
وفي شدتنا فرح الرب يقوينا
يعلا التسبيح ويدوم كل الأيام

2- ده إلهنا حي وعلشان كده بنغني ومش خايفين
والضحك بيملا حياتنا لو في الوادي دموع وأنين
إحسان الرب حامينا مراحمه جديدة في كل صباح
وبيملا ليل الغربة بأفراح

3- ماشيين وياه في موكب نصرة وغالبين بسلاح الروح
وحياتنا بخور قدامه وعطر جلاله منها يفوح
وإله النعمة يقوي ويثبتنا في الإيمان
ويمكننا ده باسمه السلطان

القرار- (جايين لك بنصلي .. يا يسوع الغالي)٢
(علشان يبقى اسمك .. في بلادنا عالي)٢

١- (بارك كل مدينة .. وكل شارع فيها
يا يسوع قوينا .. نشهد عنك فيها)٢
(ونتكلم للنفوس .. عن صليبك يا قدوس)٢

٢- (بنقدم أشواقنا .. تبقى بيوتنا ليك
وإخواتنا واصحابنا .. عينيهم تبقى عليك)٢
(وبتسبيحنا نرفع ليك .. أحلى ذبيحة يا مليك)٢

1- (جايين نرفع إيدينا ذبيحة حية ليك
جايين نسجُد أمامك ليك وحدك يا مليك)2

القرار- (ولا شيء يقدر يزعجنا طول ما احنا في إيديك
مهما كان في طريقنا هانعدّي الصعب بيك)2
هانعدّي الصعب بيك

2- (جايين نرفع صلاتنا وقلوبنا فيها شوق
لمسيحنا ومليكنا بالخير ع الأرض سود)2
3- (جايين نعلن فرحنا والفرح بيك يدوم
تسطع شمس نصرتنا تتبدد الغيوم)2