مرنم مجدي جلال (11 ترنيمة )

1- (أنا عايش ليه .. وعايش بيه
وطول حياتي أنا محمي فيه كل السنين
لا باقول له ليه ..ولا أقول له إيه
أنا بعمل اللي يقول عليه وباقول آمين)2

القرار- آمين: علشان مصدق مش شاكك
آمين: الله بيرعى ومبارك
وآمين: واثق في إن يسوع
يقدر يوجد لي في الصعب مسالك
آمين: علشان معايا وجوايا
آمين: ف صليبه أنا ليَّ حماية
وآمين: لأني سايب له إيديَّ وعنايته بحياتي كفاية

2- (ما بقيتش أخاف .. أنا قلبي شاف
نور المسيح راعي الخراف ربي الأمين
سندي الشديد .. سيدي الوحيد
وسلامي فيه مضمون أكيد .. وباقول آمين)2
3- ( ده مش إعتياد ..ده إيمان وزاد
ما أنا ويسوع ما احناش بعاد وده عن يقين
وف كل يوم..أول ما أقوم
بابدأ صلاتي بشكر وأنهيها بآمين)2

1- (نفسي تبقى يا ربي مالك
مش مشارك حد في وتبقى سيد
نفسي تبقى بجد واخد
قلب ساجد وأبقى ليك وحدك أكيد)2
(مين هايقدر بس مين إنه يعبد سيدين)2
كل كنوز الدنيا هتفنى وكله سراب
ومافيش شيء دايم في الإيد

القرار- (علمني يارب أعيش وياك
طول السنين لو مهما كان
إديلك حقك ف روحي
وف مالي وكل الكيان)2

2- (عِشت وأنا محمي بوجودك
نلت جودك صرت غرقان ف الديون
إتداينت بكُتر خيرك مش لغيرك
يعني أعيش وأموت مديون)2
(ربي قلبي ليك أسير كنت عبد بقيت أمير)2
كل ما فيَّ وكل ما ليَّ ده فضل غناك
ياللي لولاك أنا عمري ما أكون
3- (كل حاجه بين إيديَّ
هي جاية يارب ليَّ من إيديك
ومهما كنت بأحاول أدّي
أنا على قدي وباقدم لك منك ليك)2
(أصلي مهما أدّيت كتير لسه أنا العبد الفقير)2
ومافيش عبد بيوفي جمايل سيده عليه
يعني أنا عمري ما هاوفيك

1- جايين قدامك يا إلهنا و بنخضِع لإيديك أوانينا
إلمسنا بإيدك من فضلك عيد تشكيلنا وجمِّل فينا
خلينا نكون فعلاً شبهك شيل كل قشور عامية عينينا
اسطع وبنورك نوَّرنا واحفظ خطواتنا وسير بينا

القرار- امتلك الأيام الجاية و افطُمنا عن الأرضيات
متّعنا بنصرة وحرية نحيا لك يا يسوع في ثبات
وادّينا نعيش لك في الدنيا و ما يبقالهاش فينا مكان
ونكون ملح ونور للعالم (ونعيش الكلمة بإيمان)2

2- لمَّع أشواقنا المطفية قدِّس أحلامنا وأمانينا
شدد أيادينا المرخية كمِّل نقصاتنا وقوينا
دخلنا لأعماق الشركة قيس ألف ذراع وعدينا
خلينا نعيش بحسب قلبك من كل فتور انت احمينا
3- بالروح والحق بنسجُد لك وبنطلُب منك تملانا
تشفينا وتلمس ضعفاتنا وبروحك تملك جوانا
نتغيّر لما تحررنا ونعيش علشانك بأمانة
نرضيك ونكون بنصون حقك
ننجح علشان انت معانا

1- (اديني يارب القوة أعيش لك ثابت فيك
وأكون من برة وجوة باعكس صورتك وأرضيك)2
قويني انت على ذاتي افطُمني عن لذاتي
تبقى شهوتي في حياتي (أشبع وأتلذذ بيك)2

القرار- (أنا عايز اللي يشوفني ويقرب ويعرفني
يعرف إن أنا ملكك وده أمر يشرفني)2

2- (نقيني وخليني شبهك اظهر ف ملامحي يا بار
وبنورك اسطع فيَّ يا إلهي يا أبو الأنوار)2
وان مرة فتوري طفاني اشعل نار حبك تاني
انهضني وهز كياني (بدل ضلمتي بنهار)2
3- (قدسني وليك كرسني هيأ قلبي لسُكناك
أفضل ع الأرض سفيرك من اليوم ولحد لُقاك)2
نورني بنور رباني وبروحك انت املاني
يتغيَّر شكل زماني (لما أبقى مُنايا رضاك)2

1- كل كلام الدنيا ما يكفي أشكر بيه لا ولا يوفيك
بعد اللي انت بتعمله ليَّ هافضل دايماً مديون ليك
غافر إثمي ورافع راسي وساتر عاري بدم يسوع
(مهما راح أشكر كل حياتي كل حياتي قليلة عليك)2

القرار- أنا مش ممكن أبداً ابطل أقدم ليك الشكر يارب
ده أنا من كُتر مراحمك ليَّ بقى شكري فايض م القلب

2- فيه عطايا يارب بتترد لكن عطاياك دي الإحسان
لا بتترد ولا يكفيها ولا يوفيها عمل إنسان
ومافيش واحد مهما يكون يقدر يدي اللي بتديه
(ياللي غامرنا بجودك أنت في شكرك يعجز كل لسان)2
3- باشكر في المُرة والحلوة وباقبل بيك كل الأحوال
ولا عمري في يوم هانكر فضلك مهما إن عشت وعمري ده طال
ما أنت راعيَّ ومش بتسيبني ولا بتعوزني يارب لشئ
(ليك أنا باهدي سجودي وحمدي ده أنا مش لاقي كلام يتقال)2

القرار- (أنا فرحان أنا قايم نايم عالتسبيح والشكر الدايم)4
قلبي بيؤمن بيك ولساني بيعترف وبيعلن اسمك
طول الوقت مفيش على بالي ابداً يا إلهي غير سيرتك
كل شوية أنا باتغير لحد ما أبقى تمام على صورتك

1- وعشان جيتلك نفسي أجيبلك يا يسوع كل الدنيا بحالها
ونفوس ضالة نفسي تعود لك ترجع لك يتغيّر حالها
النفس اللي سلامك سابها
انت ساعدني ليك أكسبها
ترجع تنضف من أوحالها
2- كل ما ليَّ يا يسوع ملكك يعني أنا جيبت الخير ده منين
ما هو من عندك يعني وكالتك ومعيّني عليها أمين
في الخفاء هاعمل وانت تجازي
أنا هاديلك من أعوازي
لو حتى لآخر فلسين
3- حياتي بحالها رميت أحمالها أصل أنا نويت أعلن حقك
وحقول بيضا طالبة حصادها إرسلني مع فعلة حقلك
قوة عودي هاتحمل ثمرك
وأبقى باعلن إن ده مجدك
وآجي بروحي وأرنم لك

1- مش صدفه إن أنتِ معايا أصل ده رباط تعويض
أصل ده تتميم مواعيد ترتيب رباني لينا
الوحدة بقى لها نهاية بعد صلاة وصوم وسنين
الرب بعتلي معين دي وعود الرب أمينة

القرار- أنا باشكر ألف مرة على اختيار الرب ليَّ
دي قيمتك عندي تفوق كل اللآلئ والجواهر
أنا باشكر ألف مرة الرب وباعاهدك بحبي
وباصلي بيتنا يبقى منور دايماً بيسوع وطاهر

2- اللي مجمعنا الليلة ونده للفرح يعود
حاضر بينّا وموجود وإيديه ماسكة بإيدينا
أيامنا الجاية جميلة وبعيده عن الأحزان
بيسوع هانعيش ف أمان ما هو مالي الدنيا علينا
3- كل اللي الرب جمعهم ما تفرقهمش الناس
وأنا وأنتِ بقينا خلاص واحد ويسوع تانينا
واللي يسوع يبقى وسطهم بيعيشوا ف خير مضمون
وأنا باطلب منه يكون ساكن في البيت قبلينا

1-(الليل هنا ليّل والقلب كالإيل
ونفوسنا عطشانه ميِّل لينا ميِّل)2

القرار- القلب متشوق يارب ماتعوَّق
نزل بوقك بوّق فرحك لينا دوّق

2- (ما عاد لينا قاعدة في ظلمة ومناهدة
بنسبح في الضيق والسحابة شاهدة)2
3- (احنا منتظرين وفي قلوبنا حنين
بنصلي بكل شوق لمجيئك يا أمين)2
4- (تعالى خذنا ليك وانهي الغربة بيك
وتمّم لينا الفرحة يا يسوعنا يا مليك)2

القرار- (بعد ما خلتني حبيبك ما أقدرش يارب أسيبك)2
ما أقدرش يارب أسيبك

1- (أجرة خطايايَّ صليبك تايه ما كنت داري بك)2
بعد ما أضناني زماني (اسمي نقشته على إيدك)2
2- (ماكنتش أقدر اجيلك وغريب خليتني قريبك)2
جيت ليَّ لحد مكاني (ومنين أنا كنت هاجيبك)2
3- (أحييتني بعد الموت أهتف لك من بعد سكوت)2
أتغير قلبي وكياني (عيّشتني في الملكوت)2