إميل يوسف (33 ترنيمة )

1-(مين غيرك بتراب الأرض.. يقدر يخلق عين لضرير
ويرجع لنهاره الضي.. بعد ما عاش للضلمة أسير)2

القرار-(إنت عظيم وقدير.. حبك حب كبير
نيرك هين ما أنت حنين.. مش ممكن تتغير يوم
مابتعجزش إيديك.. ولا شيء صعب عليك
تشفي بكلمة وتحيي الميت.. وتفرح قلب المهموم)2

2-(قلبك كله محبة يا رب.. وإنت الفرحة في كل زمان
إنت الراعي وإنت الآب.. وأمل كل تعيس يأسان)2
3-(لو يوم هان الضنا ع الأم.. لو نسيته إنت ماتنساش
حضنك إنت كبير بيضم.. قلبك طيب مابتقساش)2

1- (أنا عايش ليه .. وعايش بيه
وطول حياتي أنا محمي فيه كل السنين
لا باقول له ليه ..ولا أقول له إيه
أنا بعمل اللي يقول عليه وباقول آمين)2

القرار- آمين: علشان مصدق مش شاكك
آمين: الله بيرعى ومبارك
وآمين: واثق في إن يسوع
يقدر يوجد لي في الصعب مسالك
آمين: علشان معايا وجوايا
آمين: ف صليبه أنا ليَّ حماية
وآمين: لأني سايب له إيديَّ وعنايته بحياتي كفاية

2- (ما بقيتش أخاف .. أنا قلبي شاف
نور المسيح راعي الخراف ربي الأمين
سندي الشديد .. سيدي الوحيد
وسلامي فيه مضمون أكيد .. وباقول آمين)2
3- ( ده مش إعتياد ..ده إيمان وزاد
ما أنا ويسوع ما احناش بعاد وده عن يقين
وف كل يوم..أول ما أقوم
بابدأ صلاتي بشكر وأنهيها بآمين)2

1- بتقدر تحيي أفراحي في عز اليأس والاحباط
وتفرد في الهوا جناحي اطير واعلى عن الصعوبات
معاك علطول أنا بلاقي مياة للراحه وسواقي وطول ما إيماني بيك باقي
في خير وسلام أكيد راح ابات
القرار- رجايا ونصرتي وعزي و بيك يا إلهي متعزي وهيجي يا دنيا واتهزي
ولا يتهز  إيماني
يسوع أنت اللي ليك قلبي وشوقي ولهفتي وحبي بحبك وعمري ما هخبي
قلت زمان واقول تاني
2- أنا غرقان باحسانك ومن كتر الديون خجلان
وأرد بأيه على حنانك اللي ما شفت زيه حنان
انا مديون بأيامي براحتي وفرحي وسلامي كفاية ان أنت قدامي
مطمني في كل مكان
3- يارب اديني اكون قادر أعيش ملكك واكون في رضاك
ده انا هنا ضيف وراح  اغادر وشوق قلبي اروح لسماك
انا مشتاق توريني جمال شخصك قصاد عيني تريحني تنسيني
شقا الايام واهيم بلقاك

1-( بيشدد قلبي ويرفعني من فخ الصياد يحميني
ولو اتسد قصادي طريقي بيشق البحر يعدّيني)2
ولا باخشى من خوف لياليَّ ولا من سهم يطير حواليَّ
أصل عينيه سهرانة عليَّ وفي ضل جناحه يخبيني

القرار- (يصنع العجايب ويحقق المحال وأنفاسه تزلزل أساسات الجبال
يفتح يمينه يشبع المحتاجين ويمد يده يمسح الدمع اللي سال)2

2-( الرب اللي بدمه فداني دايماً جنبي وبيعزيني
بادعيله بيسمع لدُعايا وبيغمر بالنعمة سنيني)2
بيثبِّت خطوات رجليَّ وبيحفظني ويعتني بيَّ
وفي وسط جفاف البرية من قلب الصخر بيرويني

1- (نفسي تبقى يا ربي مالك
مش مشارك حد في وتبقى سيد
نفسي تبقى بجد واخد
قلب ساجد وأبقى ليك وحدك أكيد)2
(مين هايقدر بس مين إنه يعبد سيدين)2
كل كنوز الدنيا هتفنى وكله سراب
ومافيش شيء دايم في الإيد

القرار- (علمني يارب أعيش وياك
طول السنين لو مهما كان
إديلك حقك ف روحي
وف مالي وكل الكيان)2

2- (عِشت وأنا محمي بوجودك
نلت جودك صرت غرقان ف الديون
إتداينت بكُتر خيرك مش لغيرك
يعني أعيش وأموت مديون)2
(ربي قلبي ليك أسير كنت عبد بقيت أمير)2
كل ما فيَّ وكل ما ليَّ ده فضل غناك
ياللي لولاك أنا عمري ما أكون
3- (كل حاجه بين إيديَّ
هي جاية يارب ليَّ من إيديك
ومهما كنت بأحاول أدّي
أنا على قدي وباقدم لك منك ليك)2
(أصلي مهما أدّيت كتير لسه أنا العبد الفقير)2
ومافيش عبد بيوفي جمايل سيده عليه
يعني أنا عمري ما هاوفيك

1- جايين قدامك يا إلهنا و بنخضِع لإيديك أوانينا
إلمسنا بإيدك من فضلك عيد تشكيلنا وجمِّل فينا
خلينا نكون فعلاً شبهك شيل كل قشور عامية عينينا
اسطع وبنورك نوَّرنا واحفظ خطواتنا وسير بينا

القرار- امتلك الأيام الجاية و افطُمنا عن الأرضيات
متّعنا بنصرة وحرية نحيا لك يا يسوع في ثبات
وادّينا نعيش لك في الدنيا و ما يبقالهاش فينا مكان
ونكون ملح ونور للعالم (ونعيش الكلمة بإيمان)2

2- لمَّع أشواقنا المطفية قدِّس أحلامنا وأمانينا
شدد أيادينا المرخية كمِّل نقصاتنا وقوينا
دخلنا لأعماق الشركة قيس ألف ذراع وعدينا
خلينا نعيش بحسب قلبك من كل فتور انت احمينا
3- بالروح والحق بنسجُد لك وبنطلُب منك تملانا
تشفينا وتلمس ضعفاتنا وبروحك تملك جوانا
نتغيّر لما تحررنا ونعيش علشانك بأمانة
نرضيك ونكون بنصون حقك
ننجح علشان انت معانا

ياللي بتخاف عليا وبتشعر قبلي بيا
مبترداش يوم أسهر مهموم أو أبات
والدمعة في عينيَّ
كل لحظة من سنين عمري اللي راحوا
تشهد إنك يا يسوع حبك مثالي
جنب قلبي في فرحه وفي حزنه وفي جراحه
تشفي جرحى وتبقى نوري في الليالي
اللي بتحاوط إيديا
يا حاسسني وداري بيا في كل حالة
يا سامعني قبل ما انده ليك تعالى
حتى لو بنسى إنني ببعد بتناديني
واستحالة تكون ناسيني استحاله
كل لحظة من سنين عمري
اللي راحوا مش هتندم
يا يسوع حبك مثالي
ملكت قلبي في فرحة ف حزنه
وف جراحة إيديك حاطت إيديا

القرار - خلّيني يارب معاك خبّيني في ستر حِماك

1- (لو يوم الضعف طالني وتُقل الأحمال كسرني ضمني قويني بيك
لو مرة في يوم فارقتك و بجهلي مشيت وسيبتك ردني رجعني ليك)2
2- (أرشد خطوات رجليَّ حوط بإيديك حواليَّ)2
وداريني تحت جناحيك واحميني من الخطية
(نوَّر لي يارب عينيَّ ظلل بالوعد عليَّ)2
أنا عايز أقضي في قُربك كل الأيام الجاية

1- (اديني يارب القوة أعيش لك ثابت فيك
وأكون من برة وجوة باعكس صورتك وأرضيك)2
قويني انت على ذاتي افطُمني عن لذاتي
تبقى شهوتي في حياتي (أشبع وأتلذذ بيك)2

القرار- (أنا عايز اللي يشوفني ويقرب ويعرفني
يعرف إن أنا ملكك وده أمر يشرفني)2

2- (نقيني وخليني شبهك اظهر ف ملامحي يا بار
وبنورك اسطع فيَّ يا إلهي يا أبو الأنوار)2
وان مرة فتوري طفاني اشعل نار حبك تاني
انهضني وهز كياني (بدل ضلمتي بنهار)2
3- (قدسني وليك كرسني هيأ قلبي لسُكناك
أفضل ع الأرض سفيرك من اليوم ولحد لُقاك)2
نورني بنور رباني وبروحك انت املاني
يتغيَّر شكل زماني (لما أبقى مُنايا رضاك)2

1-(وياك أنا وياك شبعان فرحة وأمان
وياك أنا وياك مش خايف من الزمان)2
ضامن عمري وحياتي ضامن بكرة اللي آتي
إنت سلاحي ونجاتي عزي وفيك الضمان
القرار
أنت الأب الحنين وأنت الخل الوفي
أنت الخير اللي يشبع وبحبك بكتفي
لو شمس الأرض غابت لو نورها هايختفي
نورك جوايا عايش مش ممكن ينطفي
أنا وياك
2-(بالقاك أنابالقاك وقت الأوجاع معين
بالقاك أنا بالقاك جنبي في وقت الأنين)2
نور يرشدني في ضياعي ويقدني للمراعي
فوق منكبيك يا راعي مرتاح طول السنين