فريق أعضاء الجسد الواحد (12 ترنيمة )

(يارب يا قدوس يا موزع الأرزاق
وساتر الفقير ومجدد له الرجاء)٢
رافع رؤوس محنية ومحامي للمظلوم
(انت السند والملجأ والعون من السماء)٢

القرار- (أنا بالحب اديتك فرح وخير وسلام
جاي تقولي نسيتك وأنا حارسك ما بانام)٢

١- (جايز أسمح بالتجربة مرة جايز طعم التجربة مرة
لكن عمري ما سبتك مرة دايماً كنت معاك
كنت باشوف إيمانك بيَّ محتاج أسمع صوتك ليَّ
ولو دققت يا ابني شوية هاتلاقيني وياك)٢

٢- (عمال تشكي ليل ونهار إني أنا سايبك باستمرار
وإن حياتك دي آتون نار وآلامك بتزيد
ناسي إن كتير علشانك بازرع فرح مكان أحزنك
وإني أخدت يا ابني مكانك إزاي تبقى وحيد)٢

(لو تتباعد بنا الخطاوي برغم البعد نتواعد
ويفضل في إيماننا أمل وحلم عليه بنتعاهد)٢
وييجي شعاع النور يكسر فينا ظلمتنا
ده مهما نشوف في غربتنا كفاية نعيش جسد واحد

١- (لو مشكلتك جمرة نار وشايل الهم ليل ونهار
وبتفكر والفكر احتار متخافش الله موجود)٢
يجي ويطيب خاطرك يديك الاحتمال والصبر)
خليك واثق وافتح قلبك الله وحده في إيده الأمر)٢
واتمسك بالوعود متخافش الله موجود

٢- (لو فقرك تعبك في حياتك وإيديك مش سده احتياجاتك
والجوع بيزود آلاماتك متخافش الله موجود)٢
بسمكتين وبخبزات خمسة أشبع كل الجمع يسوع)
حد يكون ليه زي إلهك ويخاف من فقر وجوع)٢
ده إلهك بالخيرات يجود متخافش الله موجود

٣- (لو مرضك قاسي ومخيف وشفائك ده أمله ضعيف
شجرة وبتموت وقت خريف متخافش الله موجود)٢
عينه عليك شايف أوجاعك وأكيد بالإيمان يختبرك)
اتكلم وياه في صلاتك الله وحده يطيب ألمك)٢
وآلامك مش هتعود متخافش الله موجود

٤- (لو ناسك بتزيد أوجاعك وبتحارب وتزيد في صراعك
وأقرب واحد فيهم باعك متخافش الله موجود)٢
هايكون لك كل الأحباب ويعوض زمن الحرمان)
ويخفف كل الأتعاب وعمرك ما هتحتاج إنسان)٢
والأمان هيعود متخافش الله موجود

٥- (لو أحزانك بكت عينك والعالم بشروره يهينك
وبيظلم يزيد في أنينك متخافش الله موجود)٢
أبداً مش هاتكون وحداني وقت صراع العالم ليك)
واللي وهبك فدا مجاني قادر يحرس نفسك فيك)٢
واتمتع بالوعود متخافش الله موجود

القرار- (يا جسد المسيح في كل مكان
علوه بالتسبيح وارفعوا الأعلام)٢

١- (نادوا بالهتافات علوا الترنيمات)٢
(زيدوا الرب حمداً مجده في السموات)٢

٢- (غنوا بالصنوج رنموا بالعود)٢
(وانشدوا لمسيحنا وإلهنا المعبود)٢

٣- (اعبدوا فادينا في أقدس زينة)٢
(وارفعوا الأيادي مجده في وسطينا)٢

٤- (يا كل الأحباب اقرعوا الأبواب)٢
(ارفعوا رؤوسكم ده جاي على السحاب)٢

القرار- (محتاجين تلمس جراح المجروحين
محتاجين تكسر قيود المأسورين
محتاجين ترفع عناء الشقيانين
محتاجين تبقى وطن للمطرودين)٢

١-
(إنت بتسد احتياج كل البشر
وأنت معين لكل نفس بتنتظر)٢
تنتفض وتقوم تشب في قلب حرب وتنتصر
(وتاخد مكانها في صفوف الغالبين)٢. محتاجين
٢-
(إنت حصن يضمنا إحنا الخراف
والثمار ترجع تعود بعد الجفاف)٢
ونمسك الأعواد نرتلك ونرفع الهتاف
(والفرح هو طبع الغالبين)٢ . محتاجين

(آه الحياة قاسية ..جرحانا قسوتها)٢
(حكاويها مابتنتهيش.. مليانة جعبتها)٢
(والمحني يفضل محني طول ما الإيمان ضعيف)٢
(وازاي هايرفع راسه قدام سطوتها)٢

القرار- (عندي الراحة ليك ياللي تعبان
عندي سعادة ليك وأنت ليه حيران)٢

١- (ياعايش في كورة بعيدة يا تاية في بلاد غريبة)٢
تعال وسيب الحيرة لك عندي أفراح مجيدة

٢- (اتذكَّر صليبي ودمي يا ابني أنا عايزك جنبي)٢
تعال وسيب العالم أنا ضامن يا ابني سلامك

٣- (مستنيك مشتاق لرجوعك هانسّيك تعبك ودموعك)٢
تعال وأترك أحزانك أنا ضامن يا ابني مكانك

أنا باشكي حالي و حالي حالي مالوش آخر
رجلين تقال متسمرين والضعف ع الآخر
أنا قلت أقوم وأنهض وأشب وأتحرر
وأحط لحالي ده نهاية و لضعفي ده آخر

(مهما الهموم زادت أنا ليَّ فيك العون
لو الحروب قامت يدّك قوام هاتصون)٢
(والشجرة لو جفت نبعك هايرويها
أنا ليه أبات خزيان ولا أبات مهموم)٢