فريق الحياة الأفضل (1029 ترنيمة )

القرار- (اسمك يا يسوع.. أحلى الأسامي)3
ليه بارفع إيديَّ.. وباعيش أيامي

1- اسمك برج حصين.. أنا باجري عليه
وملجأ منيع.. أنا باحتمي فيه
فيه بالقى أماني.. فيه بالقى سلامي
اسمك يا يسوع.. أحلى الأسامي

2- اسمك هو عجيب.. اسمك المشير
رئيس السلام.. الإله القدير
مافيش اسم تاني.. بيه يكون خلاصي
اسمك يا يسوع.. أحلى الأسامي

3- اسمك طوق نجاة.. أنا بامسك فيه
اسمك نبع الحياة.. وانا بارتوي بيه
ليه بأقدم سجودي.. ويعترف لساني
اسمك يا يسوع.. أحلى الأسامي

أنت صخرة خلاصي ونبــع قوتــي
أنت رجائي وآمالي إليـك صرختــي
إني أؤمن بك ربي إذ أخلصتَ الحب لي
كنت عوناً لي عند حاجتي أنت دوماً ملجأي

1- يا صانع قلبي الصغير أنت تفهمني وتعرف أيا قدير ماذا يشغلني
لذلك إن جزت وسط وادي ظل الموت سأثق فيك راعٍ لي

2- يا حافظ القلب الصغير أنت تضمني وإن ضللت في المسير أنت تردني
لذلك إن تهت وسط وادي ظل الموت سأثق فيك راعٍ لِي

3- أنت نوري في الظلام أنت شمسي في الصباح ففي قربك السلام وفي حضنك أرتاح
لذلك إن هاج نوء وادي ظل الموت سأثق فيك راعٍ لي

4 - يا من وهبت لي الحياة أنت هدفها بحنانٍ كالمياه أنت تغمرها
لذلك إن سرت وسط وادي ظل الموت سأثق فيك راعٍ لي

1- الأصفر شمس البر وعلى جناحها شفاء
والأحمر دم كريم اتسفك وأعطى فداء
الأزرق بحر عميق اترمت فيه خطاياي
والأخضر مرعى جميل بتمشي فيه خطاي

القرار - ( شكرًا يا ربي على كل الألوان
هانسبح ونغني ليك إنت يا فنان )2

2- الأسود لون الليل بينوره القمر
والأبيض هو النور يهدي ويمحي الخطر
البني زي أشجار أغصان بتصد رياح
ووعودك ثابتة في قوس قزح الألوان

ش١- حتى إن إيماننا ضاع بنفسينا
حتى إن شفنا الأمل مفقود فينا
وإن استولى علينا سادة سواك
ترجع تشفي قلوبنا وتحيينا

القرار- لسه بتقبلنا رغم إنك عارفنا
ونقدر نيجي ليك والباب مفتوح
لسه بتندهنا حبك بيصالحنا
لسه بإيدك تشفي كل جروح

٢- أما نيجي ليك بصدق القلب
أما نخضع تاني بكل الحب
لما نركع نعترف بيك رب
تتوِّبنا ترجعنا بترنيمة

1- إيماننا بيك ثقتنا فيك نتحدى بيك المستحيل
لا حد سيف ولا اضطهاد هايخلي إيماننا يميل

القرار - إلهنا أقوى من كل قوة وكل أبواب الجحيم
ثابت سلامنا رافعين هتافنا لاسم إلهنا العظيم

2- لا خوف يسود جوه القلوب إن جزنا في نار الأتون
ابن الإله وعده يكون معانا ونفوسنا يصون

3- لما الحياة تبقى في إيدين إله صانع معجزات
وادي الدموع هايبقى ينبوع ويفيض فينا التعزيات

١- سبت نفسي للخطية.. عشت ليها سنين كتير
واشتهيت أعيش لوحدي.. كنت حر لكن أسير

القرار- أنا راجع ليسوع.. يشفي قلبي الموجوع
ويشيل كل ضعفي وخطيتي.. مش هابص على اللي فات
أو هاعيش في الذكريات.. أنا عايز قوتك تكسر قيودي

٢- رحت أدور على المحبة.. مالقتش غير جرح وخيانة
والآبار متشققة حبهم لي مش كفاية.. أنا عايز تكسر قيودي

القرار- باسبحك يا ربي يسوع أنت حبيبي ومالي قلبي
وكل قلبي مليان خشوع باسجد لك ربي اقبل حبي

١- أنت عارفني قوي من زمان حبيتني قبل ما أجي للدنيا
علشان كده باحس بالأمان وأنت بترعاني ثانية بثانية
٢- مين غيرك يغفر خطيتي ويسامحني ويمسح دمعتي
مين قد حبك بيحبني وفي حضنه ياخذني ويضمني

لتكن أَقوال فمي وفكر قلبي
مرضية أمامك يا رب صخرتي ووليّ
مزمور ١٩– ١٤

١- (كوكو كيك كوكو كيك في الصبح ده صوت الديك)٢
بيقولك أنا جيت أصحيك كوكو كيك كوكو كيك
يلّا صلي وروح مدرستك كوكو كيك كوكو كيك
٢- (غاغو غام غاغو غام في الصبح ده صوت حمام)٢
بيقولك أنا جيت أصحيك غاغو غام غاغو غام
يلّا صلي وروح مدرستك غاغو غام غاغو غام
٣- (سيو سيو سيو سيو سيو سيو في الصبح ده صوت عصافير)٢
بيقولك أنا جيت أصحيك سيو سيو سيو سيو سيو سيو
يلّا صلي وروح مدرستك سيو سيو سيو سيو سيو سيو