فريق الحياة الأفضل (1029 ترنيمة )

على الصليب حملت عاري فيه افتخاري
إنت إلهي إنت حبيبي ومخلصي
على الصليب صرت شفايا
من الخطايا والظروف ومن العيوب اللي صابت
جوه القلوب
إنت رضيت تتجلد علشان تشفيني
إنت رضيت تتصلب وتموت علشان تحييني
أنا مش هابص ورايا وهادوس على الخطايا
وبقوة دمك لي نصرة ولي حياة
ولا هاسمح لعدوي يجي في يوم يكسرني
ولا يطرح العمر اللي ربي افتداه
في الصليب رفعت راسي إنت خلاصي يا سيدي

١- كم مرة ضممتني وسط متاعب الحياة
مسحت كل أدمعي ملأت قفري بالمياه
كم مرة غفرت لي آثام روحي التائبة
بنورك أرشدتني بددت نفسي التائهة

القرار- قلبي يهتف أحبك يا صخرتي أحبك
قلبي يهتف أحبك يا ملجأي أحبك

٢- كم مرة قبلتني لعرشك أدخلتني
بدمك طهرتني وبرك ألبستني
كم مرة كلمتني في وعدك شفيتني
أنرت ربي ظلمتي بحبك ملأتني

١- حكايتنا دي كانت زمان.. من ألف عام وألف عام
لكنها أحلى حكاية.. هايفضل يحكيها الزمان
(قصة إله ترك سماه.. جه واتولد ويا الخطاة
كان التاريخ ملء الزمان.. بيت لحم كانت المكان)٢

القرار- (وإحنا النهارده جايين نعيد.. ذكرى ميلادك المجيد
وحياتنا مش بس كلام.. دي شهادة عن رب السلام)٢
رب السلام

٢- هناك بعيد مزود حقير.. ملك الملوك طفل فقير
مريم هنا وفي حضنها.. شايلة فاديها وربها
(سامعة يا نجوم السما.. سامعة الملائكة في العلا
المجد لله في علاه.. على أرضنا اتولد فداه)٢

١- (جايين يا أبانا اسمع لدعانا.. بتواضع يرجع شعبك
يطلب رحمة من عندك.. بقلوب محتاجة إليك)٢

القرار- ده رجانا فيك يا إلهنا.. وهانستنى المواعيد
نحوك نرفع أعيننا.. وإيمانا فيك بيزيد
بنصدق كل وعودك.. ده أنت في الوعد أمين
تملا حياتنا من جودك.. مجدًا ليك يا معين

٢- (أرضنا عطشانة بجروح مليانة.. من فيض حبك ترويها
لمسة إيدك تشفيها.. وتردها تاني إليك)٢
٣- (بنتوب قدامك بنعود لحنانك.. نعلن ملكك في حياتنا
في بيوتنا وفي اجتماعاتنا.. وقلوبنا بتسجد ليك)٢

عندي قوة في قلبي جوه أقدر أحب كل الناس)
علشان أبقى زي يسوعي اللي منحني الخلاص)٢
عندي كمان قوة غفران أقدر أسامح الغلطان)٢)
وأنسى كل غلطه في حقي وأتمنى يبقى فرحان

١- بره بيتي وحضن أبويا كنت محسوب من العبيد
كنت ابن وصار نصيبي عبد لي ألف سيد
(صرت أبدد كل مالي بعت كل ثمين وغالي)٢
(بس لما يسوع ناداني صرت ابن وصار لي عيد)٢

القرار- (فرحي كان لما اشتراني فرحي لما يسوع ناداني)٢
صرت حر وصار مكاني جوه عرسه في أورشليم

٢- (كان فتات الخبز أكلي والفتات خبز الأجير كالعبيد يأسرني ضعفي والنهار إحساس بعيد)٢
(وأما أحتاج أو أجوع والدموع تسبق دموع)٢
(بس لما لاح يسوع صار يسوع فصحي الثمين)٢
٣- (كنت مشتاق إني أرجع وفي طريق البيت أسير كم أجير عند أبويا قلبه بالنعمة بصير)٢
(نفسي أرجع نفسي.. أقوله لو أجير يقبلني عنده)٢
(وأما جيت وفتح لي حضنه صرت ابن وصار لي عيد)٢

(١)
بانور الشجرة وعليها نجمة
ونورك جوايا مالي قلبي بسمة
باحتفل بميلادك دي الأعياد أعيادك
والأنوار تنور حوالين الولاد

الـقــرار
(فرحة العيد ربي لما سكنت في قلبي
أنا باهديلك حبي في يوم الميلاد
إنت جيت علشاني وأخدت مكاني
ومليت قلبي أغاني في يوم الميلاد)

(٢)
بحبك يا يسوعي من قلبي باصلي لك
ليك باقدم عمري وبصوتي باغني لك
علشان أنت جيت لي وخليتني أجي لك
وبقيت كل حياتي وفرحة الأعياد

١- (ما فيش غيرك يشبع.. نفوس عاشت جوعانة
ويفجر من الصخرة.. مية لقلوب عطشانة)٢
أنت يســــــــــــــــــوع

القرار- (مبارح واليوم.. وبكرة الجاي
ضامن وعودك.. إلهنا الحي)٢

٢- (ما فيش غيرك يشفي.. من الضعف ويدي قوة
ويطلق من الأسرى.. جيوش تهتف لاسمه)٢
أنت يســــــــــــــــــوع
(وتمر الأيام.. وتفضل يا يسوع
تحقق الأحلام.. واللي منها استحال)٢
أنت يســــــــــــــــــوع
٣- (ما فيش غيرك يهدم.. أساس أقوى السجون
يملانا بالتهليل.. وفرحنا فيه مضمون)٢
أنت يســــــــــــــــــوع

فاتت سنة من عمري يا ربي طول السنة وأنا شايفك جنبي
ماشي معاك باجري وراك وإنت في إيدك تحفظ نفسي
ماشي معاك باجري وراك وإنت في إيدك تحفظ نفسي
سنة مليانة بالحب يا ربي رقة قلبك أسرت قلبي
خيرك مالي عليَّ حياتي شكراً ليك من قلبي يا ربي
خيرك مالي عليَّ حياتي شكراً ليك من قلبي يا ربي
من كل كياني باهتف ليك باسبح اسمك وأعليك
سن صغير وفي ناس أكبر لكن أنا قلبي مليان بيك
من كل قلبي باهتف ياربي شكراً يا ربي شكراً ليك
من كل قلبي باهتف ياربي شكراً يا ربي شكراً ليك

١- دي مش حاجة صعبة إنك ت ب ت س م دي
مش حاجة صعبة إنك ت ب ت س م
فابتسم ترى العجب ويزول عنك كل التعب
وتكون حالتك حلوة خالص لما ت ب ت س م

٢- دي مش حاجة صعبة إنك تضحك ها ها ها
دي مش حاجة صعبة إنك تضحك ها ها ها
فاضحك ترى العجب ويزول عنك كل التعب
وتكون حالتك حلوة خالص لما تضحك ها ها ها