ميلاد يسوع في قلبي (13 ترنيمة )

١- حكايتنا دي كانت زمان.. من ألف عام وألف عام
لكنها أحلى حكاية.. هايفضل يحكيها الزمان
(قصة إله ترك سماه.. جه واتولد ويا الخطاة
كان التاريخ ملء الزمان.. بيت لحم كانت المكان)٢

القرار- (وإحنا النهارده جايين نعيد.. ذكرى ميلادك المجيد
وحياتنا مش بس كلام.. دي شهادة عن رب السلام)٢
رب السلام

٢- هناك بعيد مزود حقير.. ملك الملوك طفل فقير
مريم هنا وفي حضنها.. شايلة فاديها وربها
(سامعة يا نجوم السما.. سامعة الملائكة في العلا
المجد لله في علاه.. على أرضنا اتولد فداه)٢

القرار- دقوا الأجراس زينوا الأشجار.. يسـوع الملك مولود ليَّ وليك
دقوا الأجراس اضربوا الأبواق.. عيد ميلاد يسوع اليوم يوم عيدنا

١- وقت العيد كلنا بناخد إجازة.. وبنستنى أحلى المفاجآت
نقضي وقت نفرح فيه مع العيلة.. نشارك بالأخبار الجميلة

٢- احتفالات العيد ببشارة الإنجيل.. نحتفل بها جيل بعد جيل
اليوم جالنا الملك ورئيس السلام.. احتفال بالنصرة على الدوام

١- (ربي يسوع علشاني سبت مجدك جيت لمكاني
واتولدت في مذود بسيط أشكرك لأنك جيت)٢
( ميلادك يا يسوع ميلادك يا يسوع ميلادك يا يسوع كان علشاني)٢

٢- (ربي يسوع علشاني اتصلبت وخدت مكاني
شلت عني كل العقاب وللسما فتحت لي الباب)٢
(صليبك يا يسوع صليبك يا يسوع صليبك يا يسوع كان علشاني)٢

٣- (ربي يسوع علشاني قريب هاتيجي تاني
وتاخدني على السحاب وأكون معاك للأبد)٢
(هاتيجي يا يسوع هاتيجي يا يسوع هاتيجي يا يسوع تاني عشاني)٢
(ميلادك يا يسوع حياتك يا يسوع صليبك يا يسوع
كانوا علشاني كانوا علشاني كانوا علشاني)٢

حل في الأرض سلام واتحاد ووئام
وُلد المسيح غنوا اشدوا التسبيح
(ليلة)٢ يا لها بهجة في الظلام النور أشرق
للرعاة المجد أبرق وُلد المسيح
غنوا اشدوا التسبيح
ليلة ذكرها خالد وعظيم إذ تجلت للورى
نعمة الرب الكريم
في محيا الفادي مفتدي الأثيم
(هللويا)٤ منشدين منشدين

القرار- (هدية السما.. لينا من عند الآب
هدية السما.. أرسـل ابـنـه الوحيـد
هديـة السمـا.. منه روح الحيـاة
هدية السما.. ونعيش معاه بقلب جديد)٢

١- مين يحب تجيله هدية.. من صديق بيحبه كتير
ربنا إدانا هدية.. من زمان بحب كبير
دي هدية لأروحنا.. إذا كانت عايزة تتوب
دي منها سر السعادة.. لو نفتح لها القلوب

٢- لو حياتك فيها بهجة.. لو مليانة بحب ونور
تقدر إنت تشارك بيها.. للي نفسه يعيش في النور
دي هدية من إلهنا.. تستمر للسنين
وبيسوع مركز حياتنا.. ندي وإحنا فرحانين

هل كنت تعلمين أن ابنك يسوع سيمشي فوق الماء
آه هل تعلمين أن ابنك الحبيب يخلص الخطاة
أو تعلمين أن يسوع جاء يمنحنا الفداء
أن ابنك الوليد يمنحنا الحياة
هل كنت تعلمين أن ابنك الحنون سيفتح العيون
وبيده يهدأ الرياح يأمرها بالسكون
أو تعلمين أن له تسجد كل الملائكة
وإذ تقبليه فذا وجه الإله
سيبصرون سيسمعون كذا يحيا الأموات بل
ويمشون وينطقون دوماً بالتسبيحات
هل كنت تدركين أن ابنك الوليد صانع الوجود
آه هل تعلمين أن الطفل الرضيع ملكه يسود
هل تعلمين أن ابنك الصغير ذبيحة الفداء
النائم في حضنك هو الإله

١- يا ليلةً قد اكتست بنورٍ.. بل زينت وجهها بالنجوم
في فرحةٍ بمولد المسيح.. إذ جاء كي ينتهي عهد الظلام
قد أنشد جند السماء نشيدًا.. المجد للآب العلي الرحيم

القرار- هيا اسجدوا.. وأصغوا للترنيم
يا ليلة.. مولد الرب يسوع
يا ليلة.. ليلةً مقدسة

٢- ربي إلى فراشك الصغير.. آتي أنا في خشوعٍ عميق
من أجلي ذقت العنا المرير.. من أجلي سرت كل ذا الطريق
أقدم ربي لك السجود.. فأنت سيدي كذا الصديق

١- (يسوع اسمـه عجيب هو المسـيّا
يسـوع هـو القديـر هـو فـاديَّ)٢

القرار- (على الأرض السلام ومسرَّة لكل الناس
المجد في العلا يسوع جِه للخـلاص)٢

٢- دي ملايكـة في السما بتبشَّر أرضنـا
ملـك الملـوك جـانـا علشـان يردنا
وجِه للأرض فقير علشان بفقره نغنى
زي العبد الأسيـر واخـد مكاننا إحنا

٣- (يا كنيسة افرحي املي قلبك أغانـي
بصلاتك اسهري ده عريسك جاي تانـي)٢

طوباكِ طوباكِ مريم العذراء ... تطوبك كل الأجيال
طوباكِ طوباكِ الفقير اختارك ... علشان بيسوع يصنع المحال

جت لي البشارة من الملاك بنور قلبي اتملا بالخضوع والسرور
الله نظر لتواضعي من وسط شعبي اختارني
كل الأجيال هاتطوبني والقدير هيكون ابني

بعظم اسمك قلبي يسجد ليك يا مخلصي روحي بتفرح بيك
ورحمتك من جيل لجيل وإنت قادر ع المستحيل
وروحك لما فاض في العظائم صنعت بيَّ

واللي يحط نفسه في إيديه واللي قلبه اتكل عليه
هايرفع شأنه ويعليه وأمجاده تشوفها عينيه

ميلادك أحلى يوم ده عيد في كل الكون
عيد ميلاد ملكنا عيد ميلاد يسوع
يا يسوع في يوم ميلادك الكل بيفرح بيك
وجيت علشان أولادك يلاقوا حياتهم فيك
في كل عيد بنفرح عشان الطفل يسوع
اللي اتولد في مذود وجه فدى الجموع

في ظلام ليل بارد غمر السماء جند
ينشدون بالتسبيح في العلا لله مجد
بشرى للأنام للأرض السلام
اعبدوا المسيح قدموا التسبيح
لرب السلام مجداً وإكرام
جاء للرعاة بشرى إذ قد وُلد المسيح
أسرعوا كي ينظروه وهو مضجع في مذود
عادوا فرحين ومسبحين

١- في مذود البقر كان نايم مبسوط
النونو الصغير في التبن محطوط

٢- نجوم السما من بعيد نظروه
وهو في المذود محل ما حطوه

٣- البقر بينعر وصوته مسموع
وهو مش خايف مابيبكيش يسوع

٤- بحبك ياربي يا ملك لطيف
خليني مطاوع وقلبي نضيف

غني قولها في كل مكان كل أوان وزمان
غني قولها في كل مكان إنه اتولد يسوع

يسوع مولود صغير جوه في مذود حقير
إدانا فداء الآب وعشانا السما ساب

رعاة كانوا سهرانين مع الغنم بايتين
شافوا نجم في السماء بينور في الفضاء