فريق نور للأمم (21 ترنيمة )

من بين لغات الدنيا بكتب لك رسالة
توصف مشاعر قلب بيحب بصحيح
بيقول بامجد اسم رب الكون وأقدم
شكري وحمدي و ترنيماتي والمديح
هارنّم لك هاغنّي لك هاقدِم كل ما عندي
وشوق القلب يهدي لك أحلى كلام
وبرغم كل ظروفي هافضل أَقول بحبك
ياللي انت أحلامي ومنايا والسنين
أشواقي ليك بتزِيد وتكبر كل ثانية
ده انت المعاني الحلوة والشوق والحنين
لا هابكِي لك ولا أشكي لك كفاية عليَّ أغنّي لك
وفرحة قلبي تهدي لك الأنغام

1- ( في كل يوم جديد بأرفع عيني لفوق
أتأمل في السماء والسحاب
أطير مع الطيور وألمس شعاع النور
وأتنفس من جديد الحياة )2
القرار - فيه كانت الحياة حياته نور للناس
رجع لينا الحياة رجع لينا الإحساس
وبسلطان الحياة قوم الأموات
طرد الظلام نور لينا الحياة
يسوع هو الحياة
2- ( في كل يوم جديد بتأمل في الخليقة
خضرة الشجر زرقة المياه
وكل المخلوقات بكل طريقة
تعلن إنك رب الحياة )2
3- ( وفي يوم تاني جديد يمكن يكون دلوقتي
ويمكن لسه بعد ألف عام
هتيجي من سماك تجمعنا زي دلوقتي
تاخدنا لفوق معاك )2

1- ( سبحاً وحمداً لربنا المعبود
مجداً وعزاً له كل السجود )2

القرار - ( تسبيح قلوبنا ترنيم الألسنة نقدمُ لك ربنا )2

2- ها تسبيحنا نرفعُ لك بخوراً صاعداً أمام عرشك
ليعُلَن مجدك ونور حقك بألحانِنا كلمات شدونا
3- تجثو لاسمك كل ركبةٍ من مَن في السماء كل خليقةٍ
على أرضنا كل نسمةٍ تعترف باسمك بكل لغةٍ
لمجد الله الآب و يسوع رب الأرباب
نرفعُ لك سُبحنا
لمجد الله الآب و يسوع رب الأرباب
تعترفُ باسمك ألسنتنا

1- ( يعلى لساني بتسبيحك
وأمجد اسمك ومديحك )2
( يكون طريقي وسكتي
يكون معيني في دنيتي )2
القرار - يا يسوع.. يا يسوع.. يسوع.. يا يسوع
( هاكمل أسبحك.. هاكمل أعليك
هاكمل أعبدك.. هاكمل أسجد لك )2
2- ( يا سبب غُنايا يا سبب سعدي
يا سبب أفراحي ويا سندي )2
( أنت الحقيقة وسط الخيال
وأنت اللي قادر على المحال )2

1- [( قدوس قدوس أنت يارب )2
( تسجد الملائكة تعبدك وحدك
قدوس قدوس أنت يا رب)2]2
قدوس قدوس أنت يارب
2- ( لأنك قدوس لأنك مستحق
لك كل السلطان على حياتنا )2
( تسجد الملائكة تعبدك وحدك
قدوس قدوس أنت يا رب )2
قدوس قدوس أنت يارب

1- قد استولى علينا سادة سواك
ربي ابتعدنا لم نعد نراك
وقلوبنا اشتهت غير رضاك
وحياتنا ضلت إثر خطاك
القرار - فافتح عيوننا لنرى عجائبك
وأجعل أذاننا تسمع صوتك
أغمر حياتنا بفيض حبك
وأشعل قلوبنا بنار روحك
2- عطاياك لا نسأل بل وجهك
وجه قلوبنا لشخصك
في بعدنا كم اشتقنا لحضنك
لهمس صوتك إرشاد روحك
يا من وهبتنا الحياة بصلبك
فملكت قلوبنا بسكيب حبك

1- مش بس عصف الريح بتوقفه بالفم
مش بس تشبع جموع وبناس كتير تهتم
أو لمسة من هدب ثوبك
تشفي توقف نزيف الدم
القرار - مش بس رب المعجزات
وأيديك بتحيي م الممات
مش بس فيك كانت الحياة
ده أنت نبع الحياة
وتعود وتحيي من جديد
وتحول الأحزان لعيد
مش بس فيك كانت الحياة.. لا
ده أنت الحياة
2- أنت اللي خالق جيش من العظام يخدمك
أنت اللي قادر م التراب تخلق بشر
ولو سكوت الناس يعطل كلمتك
فالكلمة تخرج والشهادة من الحجر
3- يشهد لعازر اللي قام م القبر
وبنت يايرس والأهل والجيران
ولو صليبك كان نهاية الأمر
فا الحنطة لازم تتدفن علشان تبان

أريد أن أفرح قلبك أريد أن أحمدك
أنت سيدي
أريد أن أفرح قلبك أتوجك ملكي
في ليلة الميلاد

القرار - لو كنت تعبان لو كنت زعلان لو قاعد حيران
مش لاقي كلام ... يسوع جه لكل أنسان
لو كنت محتاج لحب وحنان في الدنيا مفيش
ليك أي مكان ... يسوع جه لكل أنسان
1- ده أيديه مفتوحة ليك وحضنه بيناديك
وقلبه حاسس بيك في كل يوم بيعدي عليك ... ده
2- ده كلامه في كل يوم بيزيل عنا الهموم
يخلق فينا الحياة في كل لحظة في عمرنا ... ده

1- مش مجرد عيد ميلاد شجرة وهدوم جداد
مش مجرد عيد ميلاد و أهو خبر في البلاد
أنا عايز أقولك
مش ده العيد مش ده الميلاد
(ده يوم عجيب)2.. غيَّر إلهنا فيه التاريخ
بدعوة جديدة لبداية سعيدة .. دعوة حياة أفضل حياة
2- هو ده الميلاد أعظم ميلاد ميلاده في قلبك وقلبي
(ده يوم عجيب)2.. غيَّر إلهنا فيه التاريخ
بدعوة جديدة لبداية سعيدة .. دعوة حياة أفضل حياة
3- لما جه علشانك لما جه علشاني لما جه علشانا كلنا
(كان يوم عجيب)2.. غيَّر إلهنا فيه التاريخ
بدعوة جديدة لبداية سعيدة .. عشان يدّينا أفضل حياة
4- جه يسوع وعاش في وسطنا عشان يدينا أفضل حياة
(كان يوم عجيب)2.. غيَّر إلهنا فيه التاريخ
دعوة حياة أفضل حياة
(كان يوم عجيب)2.. غيَّر إلهنا فيه التاريخ
لما جه علشانك لما جه علشاني عشان يدينا أفضل حياة
جه يسوع وعاش في وسطنا
عشان يدّينا أفضل حياة