كل الترانيم (12961)

1- (انت إلهنا تحارب عنا لما يزيد الخوف جوانا
وفي ضعفاتنا انت بتعيننا وبنصرة بنرفع أعلامنا)2

القرار - (شدّد أيادينا للخير نبني الأسوار المهدومة
واثقين فيك انت يا قدير نصرتنا في شخصك مضمونة)2

2- (وبترفعنا إيديك الصالحة وتثبِّت أعمال إيدينا
بندوس كل صعابنا الجارحة بالروح اللي مالينا)2
3- (نبِّه أرواحنا وانهضها لشهادة حية مسموعة
كلماتنا بروحك أيّدها احنا عيوننا ليك مرفوعة)2

-1 أناهاتحمل وياك الضيقة لآخرها
ومعونتك مش هازعل أبدًا من تأخيرها
نفسي عارفة إن ده كله هايبقى لخيرها
هاستحمل مهما الضيقة تطول

-2فيه باب مفتوح وسط الأبواب المقفولة
والمايلة مسيرها بكره هاتبقى معدولة
ليك حكمة ويمكن بالنسبة ليَّ مجهولة
بس أنا عارف شدة وهاتزول

3- ضيقة ومسيرها تنتهي وشدة هاتزول
أيوب صبر وشوف نتيجة صبره إيه
وكله للخير مهما يحصل بس قول:
ربنا موجود وسيب حملك عليه

4- زمن الضيقة بيطول تقدر على تقصيره
وتنسيني وبتشفيني من تأثيره
جبل الهم إنت اللي بتقدر على تكسيره
وبتدي سلام فاق العقول

القرار- (شديتني ليك بحُب قلبك شديتني لـيـك
شديتني ليك و شُفت نفسي على منكبيك)2
(شديتني ليك الحرية ف محضرك والخشوع
شديتني ليك لمـا عيـني قابلـت عينيك)2
(دافي كلامك بالاقي جوه صفحاته أماني
قدوس وطاهر غسلتني وروحك ملاني)2
(رائع سلامك لما جاني طمن قلبي وهداني
صوتك بكّتني ع الخطية كرهني ف شري)2
2- (مش بألف وأكتب وأرنم شوية كلام
لكن بجد حُبك سباني وملانـي سلام)2
(لامس وجودك أنت حقيقي ومش أوهام
قلبي اتأسر بحب المسيح باهدي له عمري)2
3-(حُبـك ملاني خلاني أحبك وأديك حياتي
حضنك ساقيني حنان ورحمة من يوم ميلادي)2
(حبــك ليَّ كــان صليبك اللي اقتناني
محيت صكوكي دفعت دمك ورفعت راسي)2

ظلام الليل عدى وابتدى شروق جديد
شمس السما صافية بنورها الشديد
ورد الأرض فتح والطير في الجو سبّح
والسما والأرض تفرح باليوم الجديد
كل ده وقلبك بيجرح .. ولسة في شره عنيد !!!
انهاردة نهاية سنة وسنة جديدة هانبتديها انتوا وأنا
هاتبتدوها ؟! هاتأجلوها زي السنين إللي مرت مننا !!!
وييجي يوم بتوعدوه وتأكدوا إنه خلاص
واليوم يفوت بتجرحوه وبتنكروه ليه يا ناس
لو ابتديت لا حزن يكسر قلبك ولا وهم الدنيا ياخدك
ولا لحظة تييجي دمعة تجرح في خدك
لازم نفوق لازم نفوق من وهمنا .. ونعيش بقى مع ربنا