كل الترانيم (12961)

1- لما الفجر يقابل ليلك لما الشمس تنور عينيك
لما نهار الدنيا يحاوطك يملى بأمله ونوره طريقك
القرار- خليك فاكر إن إلهك كل صباح مش ناسي يعولك
من خير إيده تشبع دايمًا م البركة راح تلقى نصيبك
سايب نفسك جوه عيونه صوته مصاحبك هو دليلك
وقت الضيقة يكمل ضعفك أب حنين هو صديقك
2- لما تلاقي الزاد والمية وتدوق طعم النوم الهادي
واحتياجاتك متلبية ويكون فرحان راضي
3- لما تحس إنك مطمن ماسك إيد ربي الحنان
لما يدفي الروح بأمانه تتبسم وتقول له كمان

1- لما تحس إن انت بتغرق .. أو نار حواليك تاكل تحرق
وتحس إنك واقف وحدك .. والموت روحك منك يسرق
خليك فاكر ..
القرار - مهما الشر بمكره الغادر .. هجم عليك خلاك مشلول
خليك فاكر ربك قادر .. ولأي مشاكل عنده حلول
ولو أمر تختفي علي طول
2- لما تحس بنفسك عاجزة .. ودموعك من غير أمرك جاهزة
وتحس إنك جوه كابوس .. وتجارب لإيمانك هزة
خليك فاكر ..
3- لما تحس الدنيا اسودت .. فجأة ف عينك قافلة اتسدت
وتحس اليأس اتمكن منك .. وحياتك ف لحظة اتهدت
خليك فاكر ..
4- لما تحس إنك مظلوم .. ومن العدل بعيد محروم
وتحس بمرارة ظلمك .. قايم نايم ف الهموم
خليك فاكر ..

القرار – (خليك فرحان دايماً خليك مبسوط يا رب البسمه من قلبك ما تروح
واستقبل سنة جديدة بفرح وسلام وأنسى الأحزان مع اللي كان)2
1- زين شجرتك حط عليها الألعاب ويا العيله وجيب الأصحاب
ومتنساش قلبك تجيبه معاك يفرح وياك بيوم الميلاد
2- أرمي أحمالك والتقيل عليك خلي اتكالك بس عليه
سيبك من بكره واللي هيجرى فيه أفرح دلوقتي بيوم العيد

1- بانفذ اللي تقول عليه من غير ما أقول إزاي وليه
شايف باطيعك قد إيه قدام الناس؟
وأما أبقى وحدي بانكشف ألاقيني من غير ما أتكسف
بازعل لك وبادوس عليك من غير إحساس
القرار- وباصلي لك يمكن باكون عايز حاجات
يمكن في وقت المشكلات أسباب كتير لكن أكيد مش حب فيك
خليني أحبك زي أبويا حب أقوى من الظروف وأعبدك
مش عن طمع في نعيم ولا رهبة وخوف
خليك حبيب قلبي الوحيد وخلي حبي ليك يزيد
2- تعرف ساعات باكون بعيد
وأنا بين إيديك خايف لعمري يتخطف
وألقى الزمن جأة وقف ولسه أنا مش كلي ليك
حببني فيك

1-(ما املكش غير إني أرنم وأسبح اسمك
ما املكش غير إني أعلّي صوتي بمجدك)2
ما املكش غير إني أقول يا إلهي باحبك

القرار- (خليني أرنم كلمتك مش كلمتي
علمني أمشي سكتك مش سكتي
فكرني دايمًا بخدمتك مش خدمتي)2

2-(اكتب بإيدك كلام تسبيحي
اشبع نفسي دي ملكك روحي)2
املا قلبي من دفا حبك يا مسيحي
3-(ده أنا ترنيمي سبب نجاتي
ومُنايَّ اسمك ده سر ثباتي)2
المجد لاسمك انت يا مالك حياتي

القرار- (يا رب)4

1- خليني أشوف الناس بعيونك
خليني أحاكي الناس بلسانك
خليني أحب الناس أحب الناس بقلبك
2- ساعدني (يا رب)3(ع الطبيعة البشرية
ياللي بتتحكم فيَّ)2 وسود بروحك عليَّ
وكرهني بالخطية ومادامت ساكن فيَّ
بين لي درب الخلاص
خليني أحب الناس أحب الناس بقلبك
3- علمني (يا رب)3(أرمي من إيدي الحجر
حتى ما أظلم بشر)2 حتى ما أحكم وأدين
وأبقى لك عايش أمين تبقى لي طول السنين
في حياتي حجر الأساس
خليني أحب الناس أحب الناس بقلبك