مش أحلام (9 ترنيمة )

1- مش عارف أنا إيه الجاي لكن ثقتي يا ربي فيك
أنا شايف في طريقك ضي يشدني لكل ما يرضيك (٢)

القرار- هافضل ماشي واتحمل ماسك بوعود أزلية
لإرادتك ربي هاسلّم مسنود على إيد إلهية (٢)
مسنود على إيد إلهية

2- لو صادف ولقيت آلامات روحك جوايا يعزيني
بإيماني أغلب صعوبات بكلامك دايماً تهديني (٢)

3- لو كانت السكة طويلة بالنعمة انت تكملها
بوجودك راح اشوفها جميلة في سماك ربي هاتكللها (٢)

1- مش أحلام مش أحلام إني أعيش فارد جناحي زي النسور
وأفرد شراع النصرة وأعدّي البحور
ده إلهي وحده اللي خلق من الضلمة نور
واللي بأمره مد في الميّة الجسور

القرار- أنا مسنود عليه أنا مسنود عليه كل ثقتي فيه

2- مش أحلام مش أحلام إني أشوف الخير بيملا أرض بور
وسواقي مليانة بميّة دايماً تدور
ده إلهي اللي بقدرته يشق البحور
ووعوده سانداني وليَّ صخر الدهور
3- مش أحلام لا مش أحلام إني في كون بحروبي أتحدى الأسود
مهما عدوي بكل أجناده يسود
ده إلهي يسندني في ضعفي لو أخور
بخلاصه كان ليَّ حياة من الموت عبور

القرار
(لسه ياما عيوننا تشوف معجزات ألوف ألوف)2
(وآيات نحكي بيها ونطوف)2.. بس احنا نآمن ونصدق

1- (دي وعودُه ثابتة وأمينة وبتدي للقلب سكينة)2
(طول ما يسوع قائد السفينة)2.. خليك مطَّمِّن ولا تقلق

2- (بيطمِّنا إنه بيرعانا في البرية إيديه ساندانا)2
(وبروحه ساكن جوانا)2.. نوره فينا كمان بيشقشق

3- (عايشين ورجانا في لقاه بإيمان وبشوق نستناه)2
(ضامن رحلتنا في سماه)2.. ووعوده لينا تتحقق

1- (سندة على قلبك وعد في كتابك .. أشم في نسايمك وأنا على بابك)2

القرار
(كل الكون بحاله حسبته يا ربي نفاية وقلبي في ترحاله اختارك انت كفاية)2..
اختارك انت كفاية

2- (عصاك في برية عكازك في طريقي .. تبقى كل ما ليَّ ومعايا انت رفيقي)2
3- (نظرة من عينيك تجذبني ربي وراك .. وأشبع بفيض إيديك وأبقى معاك في سماك)2

1- كل أموري بين إيديك علشان كده مطَّمِّن
أنا لما أتعب سندي عليك قلبي بيك متأمن (٢)

القرار- هافضل أغنّي طول ترحالي لأمانتك ورعايتك ليا
وإن حققت كل آمالي ورجايا لقاك في الأبدية (٢)
ورجايا لقاك في الأبدية

2- كل ظروف هتعاند فيّ مش هاخليها تحنيني
وبنصرة أمشي ع المَيَّة وعدك هاتنجيني (٢)
3- كل وعودك مش أحلام دي عالية وأزلية
واللي ماليني يارب سلام إن إيديك في إيديا (٢)

١- عايز الخير اللي يكفيني يكون من إيدك
والخمر اللي بيغطيني يكون من فيضك

القرار- إنت الضامن لخير عبدك تغمرني بسلامك
شوقي لعملك وكلام برك تملاني بكلامك

٢- عايز الفرح اللي يملاني يكون سماوي
وأحزاني إنت تنسيني وجرحي تداوي

٣- عايز الكلمة اللي تشجعني تكون من عندك
ولا همي مرة يغلبني ضماني في وعدك

٤- عايز النظرة اللي تسبيني وامشي وراك
وبلمسة منك تحييني وهدفي لقاك

القرار- مين إنت يا جبل علشان توقف قدامي
الرب دليلي والأمل ساير أمامي

١- ده وعده ليَّ الهضاب يمهد وشباب الكنيسة يجدد
ولحسناته أفضل أعدد وديوني مش هاقدر أسدد (٢)

٢- أعيشله دايماً وأنا مديون في كل نصرة وغلبة وعود
وبقوته أهدم حصون ولو مكاني في الأتون (٢)

٣- ولو في يوم غاب النهار على الحصن واقف في انتظار
وباسمه يجي الانتصار ثابت فيه ومش هانهار (٢)

٤- هي دي مش مشاعر ولا أوهام دايماً ثابت مش أحلام
ده وعده ليَّ على الدوام أنا معاكم كل الأيام (٢)

القرار- حلو سيدك ومافيش زيه تلقاه فرحك وقت أحزانك
لما تمشي في رحاب ضيُّه يبقى زمن الحب زمانك (٢)

١- حلو سيدك لما تلاقي الكل يسيبك في جروحك
يبقى رفيقك هو الباقي يلمسك ويطيب روحك (٢)

٢- حلو سيدك يشفي دائك لما دواء الأطباء يخيب
يحيي رجائك يبقى شفائك وآلامك بإيديه تطيب (٢)

٣- حلو سيدك لما بيعطِف يُجبر بحنان كل كسور
ومكان ألمك هو بيعرف ويحملك زي النسور (٢)

القرار- عمري وحياتي كلها بحلوها وبمرها.. بصعبها وبسهلها
بمساها وبصبحها.. بحزنها وبفرحها.. بخيرها وبشرها
بآلامها وبجرحها.. معاك بسلام أنا عشتها

مرت بخير لأنها.. بين إيدك إنت سلمتها -1
كل آلام أنا عشتها.. وكل ضلمة شفتها
وكل أزمة قابلتها.. بسندتك واجهتها
كل بيبان قفّلتها.. كانت لخيري وقتها

روحي في ضعفي لمستها.. ولا جيت في لحظة سبتها -2
ولو في يوم جرحتها.. ألقاك بعطف ضمدتها
ولو سمحت بكسرها.. بسرعة تجري لجبرها
دي كل بركة أخدتها.. من إيدك إنت نلتها

ورؤايا فيك حققتها.. وباركتها وأمنتها -3
ومن بعيد نظرتها.. وعالإيمان أسستها
دي مش أحلام أعلنتها.. دي وعود إلهية قبلتها
بروحك إنت أيدتها.. ما فارقني حتى ظلها