1-مع يسوع أنا ما بخاف من زمان قاسي وشديد
موجة عالي وفي الضفاف قامت أشواك من حديد
إيد يسوع ماسكاني دايمًا وأقوى منها ما في أيد
ترفع الزول للسماء يبقى في المجد العتيد
قرار: (مات عشانك... علا شأنك... هو اللي بوديك السماء)2
2-قلبه مليان بالحنان للبشر من كل لون
ليك في قلبه المكان أوعى تخدع بالظنون
حبه زي نبع بيسيل يروي عطشك للسلام
لوحيد ما ليهو دليل يبقى زي بدر التمام
3-ما عشان خاطئ بيسيبك لعبة في يد الزمن
داير يبقى زي قريبك يده تسند في المحن
داير يسكن جوة قلبك يملأ بالفرح الصدر
يلا أديه كل عمرك بيه راح يحلى العمر
قرار أخير: ذوق حنانه ... عيش أمانه
و اضمن يا زول السماء
