القرار - تـعــال يــارب لــبـلادنــا بـنـهـضة وابــدأ فـيـنـا
راجعين بتوبة يا سيدنـا ارحـمـنا واسمـع لـيـنـا
1- يـا نهـر سباحة لا يُـعـبر فيض فينا وفي أراضيـنا
(اشتاقنا للأعـمَاق أكتر وعطشنا ليك اروينا)2
2- أُعبر إلينا وأعنا آدي شباكنا وما فيها
(تعبنا الليل وما اصطدنا قول كـلمـة نرمي عليـهـا)2
3- بنعترف قلبنا فاتر و الضعـف زاد و مالينا
(لكن ده روح قدسك قادر يِضرم نيرانك فـيـنا)2
4- وحِّد قلوبنا وكنائسنا وانهي الفرقة فيما بينا
(زيِّن كنيستك يا عريسنا بمحبة واحدة تجمَّعنا)2
5- ماحناش هانسكُت وهانسهَر لحد ما هاتجيينا
(عارفينك انـت اللي هاتقدر تردنا وتحـيـيـنـا)2
