1 صوت يسوع بيفرح قلبي لما قال لي خلاص مبروك
على الصليب حملت ذنوبك ولبست عشانك تاج الشوك
(سمعت صوته قلبي أتهلل وأتملأ أفراح
لأن آثامي طرحتها عني ساعتها ضميري ارتاح)2
2 صوت يسوع بيطمن قلبي لو في لحظة شعرت بخوف
لأن ملاكه بينجيني من حواليا تَملي يطوف
(ساعتها صوته بيطمني وأنا مش ممكن أخاف
لأن راعيَّ هو فاديا حبيبي راعي الخراف)2
3 صوت يسوع هيفرح قلبي لما ينادي على السحاب
أروح معاه وأشوف جماله لما ياخدني لبيت الآب
(ساعتها الفرحة مش هتسعني لما أشوفه وألقاه
وفرحي يدوم طول الأبدية لأني ها كون وياه)2
