فريق الحياة الأفضل (1029 ترنيمة )

١- لو اتشنكلت في طوبة وبنطلوني اتقطع
وضحكوا أصحابي علي وقالوا الشاطر وِقع
وقفت ونفضت والشنطة وقعت مني
والشنطة بدل الأزرق بقى لونها بني

القرار- أنا عارف إن الله معايا ودايماً يهتم وماسك
كل أُموري في ايده وليه أعول الهم
ومهما حصل لي في يومي هو عارفني
ده راسم لي خطة جميلة وأنا واثق فيه

٢- لو أشطر صاحب لي كان في الفصل غايب
وكنت ناسي كتاب العربي وواقف متعاقب
ولما روحت القطة عجبها أكلي
وفريقي اللي بحبه خسر قدام الأهلي

ما تفوت يا زمان ده يسوع شايلي مكان)٢)
وقرب ييجي بسرعة وأعيش معاه فرحان)٢)
في السما ما فيش أحزان مع يسوع الحنّان
دانا مستنيه من بدري وكمان دايماً سهران
ما تفوت يا زمان

١- (كل يوم بيعدّي.. باقول أنا بس ليك
وحياتي هاتشهد عنك.. وعينيَّ هاتبقى عليك)٢
وآجي وأبص لنفسي.. وأشوف إنسان أناني
قلبي مش ملك ليك.. إديته لحد تانــي

القرار- (بحبك يا يسوع.. خليني أعيش أمين
بحبك يا يسوع.. أنا ليك طول السنين)٢
عايز أقول إني بحبك.. قلبي بيهتف بحبك
عايز أقول إني بحبك.. قلبي بيهتف ويقول
(بحبك يا يسوع)٢

٢- (مرات كتيرة باعيش.. وبانسى إني ابنك
وأمشي ورا أوهام.. في الدنيا تاخدني منك)٢
مالقيتش اللي يكفيني.. واللي يخليني سعيد
لأني في بعدي عنك.. كنت باعيش وحيد
٣- (اقبلني يا رب بضعفي.. مين هايغيرني غيرك
اقبلني يا رب بحيرتي.. واملاني كمان من خيرك)٢
ومهما إن عشت تايه.. هآجي وأرجع لك تاني
وحتى إن صاح الديك.. أنا هاشهد ع اللي فداني

١- من أنا لأصير من شعبك.. من دُعي عليهم اسمك
عجـبًا هـل دعوتني أنا.. لأكون ملـكًا لك
هل لغريبٍ لضالٍّ أثيـمٍ.. أن ينتمي للمـلك
عرّفتني كم أنك رحيمٌ.. إذ غرستني في كرمـتك

القرار- مـباركٌ اسـم الرب.. مـباركٌ اسـم الـرب
كل ما في باطني يقـول.. مـباركٌ اسـم الـرب

٢- أظهرت لي عظيـم رحمتك.. بسفك دماء الحمـل
حبك يفوق كل خـيالٍ.. بجملتي أباركك
مجدًا لك قد انشق الحجاب.. وأعلنت لـنا سـرك
الآن أصـرخ يا أبا الآب.. مجدًا فقد صرت لك

ربنا خلق الدنيا خلق النور والضلمة
خلق أبونا آدم وأمنا حوا
خلق شجر ونباتات وكمان كل الحيوانات
وقال لآدم يلا سمي أسامي حلوة
أبو زلومة كبيرة فيل
وأم رقبة طويلة زرافة
وأبو قرن وحيد آه ده الخرتيت
واللي جناحنا بالألوان فراشة
فيه كمان وز وبط والحمار أبو خط وخط
ونملة ونحلة وأبو قردان وقرد وقطة وكلب كمان
لونها أحمر وجميلة فراولة
واللي لونه على اسمه برتقان
واللي منها أحلى عصير أوه مانجا
واللي فصوصه كتير قوي رمان
وموز وعنب وكيوي والبطيخ ده حلو قوي
وأناناس وخوخ وتين وفل وورد وياسمين

أنا مستعد للحرب لما تيجي أنا مستعد لحدّ يسوع ما ييجي
أنا مستعد وشايل سلاحي ونصرة يسوع هي سبب نجاحي
أنا مستعد..أنا مستعد..أنا مستعد
١- خوذة الخلاص على راسي بتحميني وسيف الروح كلمة الله بتقويني
ترس الإيمان بصدّ بيه السهام الله معايا مافيش كلام
٢- منطقِة الحق حواليَّ تشددني ودرع البر من الشر بيحفظني
رجليَّ بتمشي بإنجيل السلام صاحي وباصلِّي في كل الأيام

القرار- فرحي بيزيد وأنا ماشي مع يسوع
فرحي بيزيد ومافيش تاني رجوع
باحبه في الصبح لما أشوف الشمس طالعة
باحبه في الليل لأنه خد باله مني
ولو في يوم من الأيام أحس إني متضايق
أفتكر إنه حبني وبيحبني على طول

١- مهما رحت يمين وشمال أوسع بحور أعلى جبال
أنت برضه بتلاقيني وبتديني محبتك
محبتك دايماً ترفعني من همومي وتشجعني
مفيش زي دي محبة دي الحياة معاك أحلى

القرار- ومهما كان فيَّ خطية بتحبني رغم اللي فيَّ
لسه بتشتاق لرجوعي ليك أنا جاي واقف بين إيديك
ومهما كان فيَّ خطية بتحبني رغم اللي فيَّ
لسه بتشتاق لرجوعي ليك اقبلني يا رب ابن ليك

٢- كل مرة بتستحملني مهما وقعت بتقومني أغلط
وأبعد وأرجعلك بتسامحني وبتنسى
عمرك ما افتكرت ذنوبي دايماً ساتر كل عيوبي
مفيش زي دي محبة دي الحياة معاك أحلى

أشدو للملك وأهلِّل.. من مثلك إلهي
يفرح قلبي قربك.. يملأ عيني مجدك
أسجد لك وحدك.. ســـيدي أعــــبدك

القرار- مش راح تخلص الأغاني في حبك يا يسوع
وإن زاد عمري تاني هاغني ليسوع
ولحد ماييجي تاني هانرنم ليسوع
مش راح تخلص الأغاني (في حبك)٣ يا يسوع

١- الإله اللي غفر ذنبي وقتل الموت
للمسيح المنتصر هاهتف وأعلي الصوت
٢- ده أبويا اللي اتبناني من بعد ما كنت يتيم
وزرع في القلب معاني تقدر تتحدى الغيم
٣- للكلمة الحقيقة وسط الأكاذيب
شمس البر العفية نورها في يوم ما يغيب