فريق التسبيح (520 ترنيمة )

القرار
أنا هافرح بيك علشان إنت بتكفيني
أنا هاهتف ليك علشان إنت بتحميني

١- مش مستني يا ربي موقف راح يفرحني
أو مستني كلام هايطمني ويسعدني
أو مسنود على ناس تتغير وتجرحني
وأرجع لك من تاني علشان تشفي وتشبعني
٢- مش راح أنزل عيني من على شخصك وجمالك
وأتذكر ضعفاتي وخيانتي وكسر كلامك
وياك يتجدد عهدي تغمرني بنهر سلامك
وتفيض فيَّ بروحك بشهادة لمجد جلالك

١- أنا عايش في الفلك أنا عايش في سفينة المسيح
أنا قلبي متطمن جدا وضميري مستريح
مهما تيجي الأهوال بركان ولا زلزال
لو ينابيع الغمر انفجرت فأنا مرتاح البال

٢- هانعيش طول العمر نصلي ونمجد اسمه العظيم
ونسبح دايماً ونرنم ليسوع فادينا الكريم
ونبشر كل الناس بالإنجيل والخلاص
والباب مفتوح للي يدخل بشرى لجميع الأجناس

(الله لنا ملجأٌ وقوةٌ لنا وعوناً في الضيقات وُجد شديداً)٢
لذلك لا نخشى ولو تزحزحت الأرض
ولو انقلبت الجبال إلى قلب البحار
تعجُّ وتجيش مياهها تتزعزع الجبال بطموِّها

(الرب قد ملك لبس الجلال)٢
(لبس الرب القدرة ائتزر بها)٢
الرب قد ملك

مفيش غيرك يستحق كل تسبيحاتي
مفيش غيرك أهديه كل ترنيماتي
مفيش غيرك أديه عمري وحياتي
مفيش غيرك أهتف ليه في كل أوقاتي
هافضل أسبح كل عمري ربي وأهتف ليك
هافضل أغني بكل قلبي دايماً وهاعليك
هافضل أسبح كل عمري ربي وأهتف ليك
هافضل أغني بكل قلبي دايماً وهاعليك
وقت فرحي ووقت حزني وقت ضعفي ووقت نصري
وقت فرحي ووقت حزني وقت ضعفي ووقت نصري
وأنا دايماً بالاقي ياربي كل كفايتي فيك

القرار- يسوع المسيح الألف والياء
القادر على كل شيء رئيس ملوك الأرض

١- الذي أحبنا وقد غسلنا
من خطايانا بدمه يسوع المسيح

٢- مستحق أيها الرب أن تأخذ المجد
والكرامة والقدرة مستحق أيها الرب

ما أعظم أعمالك يا رب ما أعظمها
وأعمق جدّاً أفكارك ما أعظم أعمالك
لأنك فرّحتني يا رب بصنائعك
بأعمال يديك أبتهج أبتهج
---------------------------------
باركي يا نفسي الربَّ وكل ما في داخلي
ليبارك اسمه ، اسمه القدوس
باركي يا نفسي الرب، باركي الرب ولا تنسي كل حسناته
الذي يغفر ذنوبك، جميع ذنوبك
الذي يشفي أمراضك، كل أمراضك

أرفعك يا إلهي الملك وأبارك اسمك إلى الدهر والأبد
في كل يومٍ أباركك وأسبح اسمك إلى الدهر والأبد
عظيمٌ هو الرب وحميدٌ جداً وليس لعظمته استقصاء
بجلال مجد حمدك وأمور عجائبك ألهج

القرار - نوح كان بيسمع ويطيع كلام الله بنى الفلك لأنه بيطيع كلام الله

١- لما جه وقت الطوفان أعلن آخر إعلان
دخلت كل الحيوانات حسب كلام الله
٢- قطط وكلاب وجمال وحمير وبغبغانات وكمان عصافير
دخلت كل الحيوانات حسب كلام الله
٣- غزلان وأرانب وقرود ودببة ونمور وأسود
دخلت كل الحيوانات حسب كلام الله
٤- نزلت مطرة كتير وسيول أربعين يوم كده على طول
غرق الطوفان الأرض حسب كلام الله
٥- لما وقف الطوفان ورسي الفلك في مكان
خرجت كل الحيوانات حسب كلام الله

(قد عظُمتَ أيها الرب الإله)٢
لأنه ليس مثلك وليس إلهٌ غيرك
(حسب كل ما سمعناه بآذاننا ليس مثلك)٢
ليس إلهٌ غيرك