صفوت فوزي (2 ترنيمة )

1- (روحي يا محبوسة ما بين حيطان اليأس
خايف على بكره يضيع بذنب الأمس)2
(حلّي القيود حلّي من حِملك اتحلي
أرمي عليه همِك م العتمة تطلع شمس)2

2- (يا شمس بكرة ميلي على ميلي
ناسي دموع الأمس رافع تراتيلي)2
(باصرخ في وش الفشل كاتب على هدومي
حاضن أنا بكرة زيدي في قلبي زيدي)2

3- (صوتك بيهمس لي ينشلني من يأسي
أركب حصان الأمل وأمسك لجام نفسي)2
(تتشد أوتاري أبني هموم يومي
يتفك أسر الروح تمحي ذنوب أمسي)2

1-(صلاتي ليك أنين قلبي
حنين العمر للمعنى
ومهما تتوه خطاوينا
تعود من تاني تجمعنا)2
(صلاتي ليك بتغسلني
بتغزل روحي توب فرحة
بتاخد قلبي من إيده
وترسم له طريق بكره)2

2- (صلاتي دمعة على بابك
وشوق الروح لأعتابك
وأنت الأهل والصُحبة
حياتي تموت في غيابك)2
(صلاتي ليك بتشفيني
تحررني وتسبيني
ويملا قلبي نور حبك
يا مالك عمري وسنيني)2

3- (صلاتي ليك دوا جروحي
شبع قلبي في زمان الجوع
ولما تفيض بيَّ آلامي
إيدك تشفي وجع روحي)2
(ندى الفجرية دي صلاتي
يصحي الروح جوايا
نغم يسري في وجداني
يسود حبك على حياتي)2