مفيد منير (9 ترنيمة )

اسمح لي أقرب حبة منك وأجي ألمسك
أخد قوة تشفي مرضي ده أنا نفسي اعرفك
أنا عارف إنك طريق أنا واثق إنك نجاة
اسمح لي أكون لك صديق ومعاك أعيش الحياة
ده أنا قلبي فاضي جاي في ميعادي وإنت يارب مشتهاه
مرضي ده في طولي ماسح سطوري بصفقة السما
سنة جديدة فرحة أكيدة بعيدة عن المرار
خليني ساجد ولا مرة أعاند وأفكر في القرار
قراري ما بين إيديك وأنا عاوز مشيئتك
خليني أكون ليك عرفني طريقك
حارب معايا واغلب بحقك عيشني بمراحمك
ده قراري ما بين إيديك أنا واثق إنك نجاة
خليني أكون ليك ومعاك أعيش الحياة

1- أوقات تعيش وسط المراحم وساعات تموت وسط الدموع
فكر وظلام ولا حد راحم وسط الخطايا عايش خضوع
وكتير بترفض إنك إنت تشيل صليبك
شايف عيوب الناس وناسي حتى عيبك
وتفتكر إن عيون الناس مش شايفاك
القرار- ده يسوع إلهنا مستني كلمة صلاة قادر يطهر ويبرر من الأحزان
اقرا كلامه في كتابه واهب حياة هاتدوق الفرحة وتعيشها طول الأيام
2- فين خلوتك سيب المزاحم عيش ليسوع وسط الموت
وبين الناس خليك مزاحم شمعة بتضوي بين الب

سامع إيه لما بتسكت وإنت وحدك بالساعات
وصوت ضميرك يفوق ويعلى بتسمع إيه
على فكرة أنا سمعتك بتخبي ليه
وتداري وشك وسط خوف وضعف كبير
بلاش بعقلك تمشي في طريق الشوك ماليه
وتسمع صوت مرفوض
ده يسوع حبيبك مستنيك سايب كتاه ما بين إيديك
صدقني ماانتش مطرود
جرب تقوم هد السدود ده حب إلهنا مش محدود

أنا عايز أشوف النور وأمشي وأمد الخطاوي
وأقول له يا ربي ناوي أحطم كل سور
أنا عايز أشوف النور وأسيب حضن التعابى
وأقول له اقبلني يا أبا من عيشة الجحور
أنا عارف إن الحياة من غيرك
شيء مش محتمل ومعاك كل حياتي سلام
راحة فيك الأمل
أنا عارف إنك ياربي النور وفي بعدي إيه العمل
أنا أعمى وسط موت وسط العالم بحاله ده فاكرني من عياله
مش بانطق أي صوت دقت طعم السكوت أخرس والكل عالي
بيحطموا آمالي فريسة بين أسود

1- أنا مش هاخاف من أي ضلمة ده النور جوه في قلبي موجود
ده يسوع ويايا جوايا شمعة وبنورها مفيش للعتمة وجود
واقف معايا في همي وفرحي ده إلهي دايمًا جنبي موجود
حبه جوايا راسم ملامحي على وعده أنا على طول مسنود
خلاني أحب كل حياتي وأنا معاه
خلاني أشوف النور في عتمة مالية الحياة
وامشي في قربه سامع لحسه وأرسم طريق نهايته أنا منصور
هافرح بتجاربه خاضع لمشيئته وهو يدبر لي كل الأمور

مع كل المتعبين عايش بقالي سنين
أيوه بادور عليك عرفني إنت فين
ما إنت رجايا الوحيد حساك عني بعيد
قربني من جديد ساعدني يا يسوع
ما إنت رجايا الوحيد حساك عني بعيد
قربني من جديد قويني يا يسوع
يا إلهي في بعدي عنك إزاي أقدر أعيش
ما هو كل سلامي منك ومن غيرك ماليش
إنت فاكرني ياربي أبدًا مابتنسانيش
جوه حضنك يا ربي أنا دايمًا في أمان
تعالَ واسكن في قلبي املاني بالسلام
ده أنا في قربك ياربي بانسى كل الآلام

وعدتك أعيش ليك ولحبك
وفي صلاتي اتمنيت أكون جنبك
لكن في لحظة غصب عني
سيبت إيدك وجريت بعيد
هربان من نفسي وقلبي العنيد
وف كل مرة بنكرك في كل لحظة بسلمك
بهينك يارب وبقتلك يا خسارة قلبي
بكبريائي بكللك بمرارة نفسي بصلبك
وبكل قسوة باطعنك ارحمني ياربي

القرار - ( لو مرة أنا سيبت ايديك قلبي راح وانكسر
الاقي انت تحل ضعفي تغير اللي حصل ) 2
1- ( دا ضعفي ف ضلك انت يداوي قلبي اللي انفطر ) 2
( وسلام عمري وحياتي ) 2
في حبك انت اتأسر
2- ( لو مرة جه في بالي وقولت اسيب السكات
وقمت لوحدي اصلي وبلاش في دموعي ابات ) 2
( بلاقي صوتك يداوي يقولي انسى اللي فات ) 2
( وبكون لامس حضورك ) 2
جمبي ف كل الأزمات
3- ( مش قصدي يارب أبعد لكن قلبي ضعيف
ببعد وبقول اجرب واكسر المجاديف ) 2
( بطموح وإرادة بامشي عكس التيار صريح ) 2
( لكن من غيرك أنت ) 2
فين الاقي قولي صحيح

( إلمسني أرجوك .. أنا باعشق يا ربي لمستك
صدقني يا ربي .. كفاية عليَّ طيبتك وأبوتك ) 2
القرار - محتاج والحاجة إليك بقيت فوق التصور
محتاج والإحتياج خلى عقلي يتحير
يتحير في وجودك جنبي
يا ترى إنت سامع
ولا صوتي اللي مش واصل لك
لكن أنا عارف إنك جنبي
شيل يا رب الموانع
صدقني يا ربي نفسي أوصل لك
( وجودك جنبي خلاني أحس .. إني في عالم تاني
وفي بعدي عنك حسيت باليأس يملى كياني ) 2
وبقيت باعاني