فيكتور فوزي (30 ترنيمة )

1- مهما العالم.. مهما العالم شكله اتجمِّل قوي في عينيَّ
مهما جذبني.. مهما جذبني وحاول إنه يشد إيديَّ
مهما حاوطني.. مهما حاوطني بكل حباله ونادى عليَّ
هافضل رافع عيني عليك.. لأنك إنت

القرار - إنت يسوع اللي إديت المعنى لحياتي
إنت كفايتي ومعاك بانسى كل أوقاتي
وبتشبعني وتسدد كل احتياجاتي
بالقى أماني وراحتي فيك يا سر نجاتي

2- يمكن أضعف.. يمكن أضعف وأرجع تاني أبص ورايا
يمكن أنسى.. يمكن أنسى عملك رغم إنك جوايا
يمكن أحوّل.. يمكن أحوّل عيني عن شخصك يا فدايا
لكن بارجع تاني إليك.. لأنك إنت

من ألفين سنة وأكتر كانت الحياة مليانة
بالشر والخطية والناس كانت حيرانة
كانت الآيام بتجري والكل كان مستني
ملك يجي بنوره ينور الظلام
جه المسيح علشان يفدي حياتك
جه المسيح يرجع لك سلامك
هو جه عشان بيحبك
هو عايز يسكن قلبك
خليه يملا حياتك بالأعياد

في عيد الميلاد غنوا أحلى الألحان
في عيد الميلاد زينوا المكان
في عيد الميلاد اطرحوا التيجان
في عيد الميلاد ميلاد الحنان
في عيد الميلاد نديله الحياة
في عيد الميلاد نحني له الجباه
في عيد الميلاد تهتف له الشفاه
في عيد الميلاد

1- للدرجة دي حب العالم
ضحى بيسوع ابنه الوحيد
شال العقوبة ومحا الخطية
وادانا عمر جديد

2- يستاهل تدي له كل حياتك
قلبك وحبك كل اللي ليك
قدم حياته عشاني وعشانك
ده جه عشان يفديك

هَلُمَّ نَسْجُدُ هَلُمَّ نَرْكَعُ
هَلُمَّ نَجْثُو أَمَامَ الرَّبِّ خَالِقِنَا
هَلُمَّ نَسْجُدُ هَلُمَّ نَرْكَعُ
هَلُمَّ نَجْثُو أَمَامَ رَبِنْا
لأَنَّهُ هُوَ إِلهُنَا.. لِأَنَنَا شَعْبُ مَرْعَاهُ
لِأَنَنَا غَنَمُ يَدِهِ. . لِذَا فَلْنَأتِي وَنَسجُدُ لَهُ

1- (لمسة شفاء.. لمسة حياة
تلمسني بإيدك.. ده انت الإله
أنا عندي إيمان.. تشفيني الآن
لو هالمس توبك.. ما انت الحنان)2

القرار- اشفيني.. من كل ضعف فيَّ
اشفيني.. من الشهوة ومن الخطية
اشفيني.. محتاجلك يا فاديَّ
اشفيني.. اشفيني .. اشفيني

2- جايلك بذنوب.. ندمان وباتوب
طالب غفرانك.. بدم المصلوب
بامسك في إيديك.. وباصدق فيك
يا يسوع اشفيني.. أنا راجـــع ليك

كل سنة بنيجي في نفس الميعاد نحتفل بعيد الميلاد
كل سنة بنرفع أحلى التسبيحات ونهديها لرب الأرباب
يوم ميلادك ده كان ميلادنا تاني من جديد
كان مجيئك سبب خلاصنا وفدائنا الأكيد
كان مقامك يكون مكانك أفخم القصور
لكن حبك خلاك تجينا في المذود المسرور
يا مليكنا اقبل قلوبنا تبقى مسكن ليك
وتكون إنت هدف حياتنا اللي عايشين ليه

أسجد أمامك أخضع لشخصك
أنحني أمام عرشك
أرفع يدي لك.. أشدو مجداً لاسمك
أعبدك بالروح.. أعبدك بالحق
ولتكن حياتي ربي.. ملكك

1- (لمسة شفاء.. لمسة حياة
تلمسني بإيدك.. ده انت الإله
أنا عندي إيمان.. تشفيني الآن
لو هالمس توبك.. ما انت الحنان)2

القرار- اشفيني.. من كل ضعف فيَّ
اشفيني.. من الشهوة ومن الخطية
اشفيني.. محتاجلك يا فاديَّ
اشفيني.. اشفيني .. اشفيني

2- جايلك بذنوب.. ندمان وباتوب
طالب غفرانك.. بدم المصلوب
بامسك في إيديك.. وباصدق فيك
يا يسوع اشفيني.. أنا راجـــع ليك

القرار
من زمان اخترتني من زمان وانت عارفني
كنت مش عارف غلاوتي وانت على كفك ناقشني

1-كنت عارف إني هابعد كنت عارف إني هانكر
كنت عارف إني مش هاختارك يارب الحياة
ليه ياربي لسه عايزني بمحبة بتجتذبني
ايه يخلي إله عظيم زيك يمشي للصليب
ويمشي للصليب
2- اغلى أكتر في عينيَّ تبقى انت كل اللي ليَّ
خلّي حبك ليَّ يفيض في قلبي ويستر كل عيوب
أنا بارجعلك بضعفي بيأسي وكل خوفي
وأنا عارف إنك هاتقبلني وارجع ابن ليك
أنا هارجع ابن ليك

1- لو تزول السماوات حتى مهما الوقت فات
لكن كلمة من كلامك مش هاتبقى ذكريات
انت لينا إله أمين ثابت طول السنين
وعدت هاتيجي لبلدنا ويعرفوك المصريين

القرار - دي البلد اللي انت قُلت عليها يارب.. "مبارك شعبي"
دي البلد اللي انت جيتها ومكتوب.. منها "دعوت ابني"
دي البلد اللي بدماك وصليبك اشتريتها
مصر محتاجة حضورك اسمع لصراخها وصلاتها

2- حوالينا أكاذيب ضلمة وخوف رهيب
اعلن يارب حقك وموتك ع الصليب
مهما العدو قال انت إله المحال
ده المقطم ليك بيشهد انت ناقل الجبال
3- أيادينا مرفوعين بنصلّي وسهرانين
مستنيين مجيئك ده انت ف وعدك أمين
ليسوع تسجد جباه وتعترف شفاه
خلّي شعبك كله يعرف إنك أعظم إله