ماجد ميشيل (2 ترنيمة )

1-كتير فكرت ليه يا ربي بتحبني؟ إيه يتحب فيَّ؟ ومين أنا؟
كتير بعدت أنا ووقعت بضعفي أنا وأجري عليك
وألاقي إيديك ممدودة تضمني ليك أنا

القرار- تيجي تقول لي انت على صورتي خالقك
على كفي نقشتك وبروحي حفظتك
و اسمع صوتك يقول لي أنا غفرت ذنبك
أنا جيت وفديتك على الصليب سامحتك
أيوة انت عشانك انت جيت أنا
ليه تنسى إنك انت ابني أنا

2-كتير تُهت بين الحب هنا وهنا و مالقتش اللي يملاني أنا
كتير سيبتك أنا وهربت بخوفي أنا وأرجع ليك
وألاقي عينيك بالحب بتتملي ليَّ أنا

1- حلم ده ولا علم وعايش فيه
فرحة كبيرة في قلبي ومالية كياني
من يوم ما سمعته بصوته بينده لي
نوّر قلبي بنوره وحبه إلهي اللي نادى لي
جالي ومات بدالي هافضل مديون له
عشان هو بحبه اللي نادى لي وجالي ومات بدالي
حافظ وعوده وبيغمرني بجوده إلهي ده أعظم إله

القرار- (هافضل أرنم وأشكر وأسبح اسمه وهاذكر
مراحمه وخيره اللي في حياتي بيتبعني
هافضل أفرّح قلبه وأعيش حياتي في قربه
وهافضل ابنه وأشهد لأسمه وأعلّيه)2
ده اسمه ده أحلى الأسماء "عمانوئيل"

2- مهما تعبت في طريقي بيرفعني
حاطط عينه عليَّ وماسك إيديَّ
ده وعده في ضيقي يكون موجود جنبي
إيده بتحفظ لي نفسي وهو إلهي
جالي ومات بدالي هافضل مديون له
عشان هو بحبه اللي نادى لي وجالي ومات بدالي
حافظ وعوده وبيغمرني بجوده إلهي ده أعظم إله