أمير عياد (15 ترنيمة )

1-(نور يلاقيه كل اللي يبص عليه
وعمره ما يبقى في يوم خجلان
بالعكس ده عنده الخير والجود
تشجيع على طول موجود
للي يروح له وعنده إيمان)2
2-(لما ناديته جاني مد إيديه ونجاني
بخلاصه المجاني لازم أغني ليه
علشان هو عارفني عدى في ضعفي وشافني
عمره في يوم ماكسفني لما لجأت ليه)2
3- (ليه قلقان من بكرة ومن الأيام ؟!
هو مرتب كل أموري
أحسن لي أتمتع بيه
بلُقاه بحلاوة العشرة معاه
وأخد نور من نور الله)2
4-(ليَّ الحق أغني وأرفع صوتي
لأنى مسبي برب خلقني وفداني من الموت
كل العمر أرفع لهملك أيديه وباخضع له
ولما هاموت هارجع لهوفي حضنه هاغني ليه)2

1-فوق كل اللي طلبناه أكتر من اللي حلمناه
كل اللي بنتمناه اديت
طول ما انت معانا يكون أحلى بيت في الكون
عارفين بكرة مضمون طول ما انت فيه

القرار- (هايكون أحلى بيت و هاتفرح بيه
عايزين ايه تاني؟ .. طول ما انت فيه)2

2-فاكرين شاكرين عمل إيديك طول عمرنا
(مش ناسيين بركات سنين بيك شبعانين يا عمرنا)2
3-وعدي إني أكون ليك شمعة تنور لياليك
وأحاول إني أخلّيك مبسوط
وعدي أشيلك في العين جوة نني العين
بيسوع واحنا الاتنين نبني أحلى البيوت

1- جايين بآلاتنا نهتف .. نشكر من قلبنا
لو كل كلامنا يوصف .. نحتاج ولا 100 سنة
أيوة أنت يا رب رايتنا .. وأبونا وفخرنا
جايبين لك تسبيحتنا .. وتقديرنا وشكرنا
القرار- شكرًا ليك بنعلّيك .. مجدك يرجع ليك مش لينا
كل ما فيك أحلى وأجمل .. من الأوصاف اللي في أغانينا
شكراً ليك بنعليك .. مجدك يرجع ليك مش لينا
كل ما فيك أحلى وأجمل من أغانينا
2- مايهمش كام سنة فاتت .. ولا فيه كام سنة قدام
دي قلوبنا بجد اشتاقت .. تهديك باقي الأيام
راجعين نبقى لجلالك .. قدام رجليك خدام
نفضل باصين لجمالك .. ونعبر بالأنغام

1- (جايين وشوقنا تبقى انت رب البيت
أسسته انت بكلمتك وانت بنيت)2
دي قلوبنا محفوظة بسلامك في المسيح
وحسب غِناك كل احتياجنا انت مليت

القرار- (البيت ده بتاعك .. ملك ليك طول الحياة
املانا حب وفرحة واملا البيت صلاة)2

2- (حقق مشيئتك انت في البيت الجديد
خلّي قلوبنا قلب واحد يا مجيد)2
جوانا مصدر حبنا ؛ حب المسيح
من حبه لينا حبنا هايزيد أكيد

فرحة وزينة وورد وتاج وأغاني
سددت كل الاحتياج .. ايه تاني؟
بس المشوار ده مانتهاش .. قُدنا انت أو بلاش
مين غيرك لينا القائد والمعين؟

القرار : مش بيتنا .. ده بيتك بين أيديك
و ياريتنا نبقى احنا ضيوف عليك
وراحتنا لو بيتنا راحة ليك
(ويكون بيت عنيا .. لكن بعيلة تانية)2
(كلنا فيه مريم نيجي نسجد ليك)2

2- انت اللي جامع القلوب وحاميها
انت اللي سامع لو يا دوب أغانيها
اسمع أغنية من قلبين .. عارفين إنك أمين
يا منَّور بيتنا وبيتك الجديد

1-أنا على صورتك وعلى مثالك مخلوق
لهدف عظيم في حياتي إني أمجد اسمك
(لو عشت العمر بطوله أسبح وأشكر فيك
هافضل مديون مش ممكن هاقدر أوفي الدين)2
القرار- (ياللي بتتلذذ بيَّ أنا لذة قلبي في شخصك
فرحة حياتي إني ملكك يا يسوع)2
2-يا أعز صديق يا فاديَّ يا سيد كل الكون
ليك كل المجد يا رب المجد وليك تسبيحي
(تسبيح من قلب إنسبى من حب فوق الصليب
قلبي يتمنى يشبع قلبك ويعليك)2

القرار – (مصر حبيبتي وبلدي الغاليه .. أنا فيها اتعلمت العربي
فيها حياتي وكل ما ليَّ .. ماما وبابا وصاحبي وربي)2

1- ( ميم ) .... ماما وبابا حبايبي .. وأختي و أخويا وتيتة وجدو
وباحب أتقابل بقرايبي .. عايش أنا وياهم برضه
كلنا هنا عايشين في بلدنا .. ماما وبابا غاليين عليَّ
2- ( صاد ) .... صاحبي وكل زمايلي .. بنذاكر مع بعض وننجح
ونشجَّع في الكورة الدوري .. وبنلعب ونحكّي ونفرح
كلنا هنا عايشين في بلدنا .. كل اصحابي غاليين عليَّ
3- ( والرِه ) .... ربي يسوع السكر .. اللي عرفته هنا وحبيته
و باصليله يبارك أكتر .. مصر وتبقى كأنها بيته
هو أكيد عايش في بلدنا .. ربي ده أغلى حاجة عليَّ

١- بالجيتارات.. جينا نغني ليك
والأصوات.. مشتاقة تعلّيك
(نسكت ليـــــه ده.. إحنا بيك طايرين
ونقول إيـه.. مهما نقول عاجزين)٢

القرار- مين زيك بنحبك.. نعزف ونرنم ليك
أغنية جديدة نهديك.. ونسبح تاني
نسجد لك ليك وحدك.. ننشد أنغامنا ليك
نتمنــــــــــى.. نقدر نرضيك

٢- مش جـــــايين.. ناخد البركات
ولا طــــــــــالبين.. نشبع ونقول هات
لأ عايزيــــــــــن.. الأفراح نهديك
وبهتافــــــــات.. نحسن عزفنا ليك

٣- لحن جديد.. يخرج منا ليك
مهما نعيد.. مش ممكن نوفيك
عمر كبير.. كل هنانا بيك
حب كتير.. أيوة يا بختنا بيك

القرار
ازاى أنا هاسكت ؟ لأ
ده أنا قلبي في كل دقة بيقدملك أغانيه
عايز افضل أغني و أصقف .. مش ممكن مرة هاوقف
.. لو حتى يحصل إيه
إزاي أنا هاسكت ؟ .. لأ

1- لا بجد أنا نفسي تفرح .. يمكن مش عارفة أشرح
لو قلبك يفرح هافرح .. عايزاك على طول مبسوط
مش عايزاك تزهق مني .. قلبك هو اللي أسرني
فاسمعني لأني هاغني تسبيحي بأعلى الصوت
ده أنت بتسبيحي أحق إزاي أنا هاسكت ؟ .. لأ
2- والفرحة تملا السما .. ده انت بنفسك فرحان
و شفايفك متبسمة .. بكلامي والألحان
كلماتي المترنمة آه مش قد المقام
لكن دي متقيمة منك ده انت الفنان
الأجمل والأرق ازاي أنا هاسكت ؟ .. لأ

1- كلمات من القلب .. راجع أقولها ليك
بعد ما رحت بإيدي أحفر يا سيدي بير بعيد
مش خوف ! لأ .. حب .. بارجع لمكاني فيك
عايز أفرح وأقدم فرحة ليك ...

القرار- راجع .. قدام عرشك رافع صوت تسبيحي .. وراكع لجلالك بخشوع
وكل آمالي : تفضل انت العالي .. مالي كل خيالي
يبقى حب قلبي ليك يا ربي يسوع

2- يكفيني بس قلبك الرقيق ...
اللي بيبقى الحضن وقت الحزن ووقت الضيق
على طول باحس إنك ليَّ الصديق ..
لو أبعد .. لما أرجع بالاقيك ...