سامر تقوى (18 ترنيمة )

القرار- وسط بلادنا هانبني مذبح .. لجـلالك يـا يسوع
ليل ونهار واقفين نسبح .. ونصـلي بخشـوع

١- إحنــا يـــا رب عبيــــدك .. شكّـل فينا بإيـدك
اصنع بينـا عجــــــايب .. عظّـم عمــلك فينـا

٢- ونقـــــــدم ذبـــــــايــــــح .. صـوت الترنيمات
تجعــــل اللي نــــايـــــح .. يعلن تسبيحــــات

٣- كــل مـدينـــة فيها .. تتكلـــم بالإيمـــان
والفـــــــــــــــرح مـاليهـا .. بلغـة كنعــــــــــان

القرار- بارفع اسم إلهي.. عالي عالي لفوق
تملك فيَّ يا ربي .. يوم ورا يوم بتسود

١- ينقص كل ما ليَّ وتزيد إنت وحدك
تعلن حقك فيَّ .. يظهر كل مجـدك

٢- باخلع نعلي أمامك.. واقترب إليـك
طلبي مجد جلالك.. قلبي وعيني عليك

٣- باسكب عندك طيبي.. هنا عند قدميك
إنت طيبي ونصيبي.. كل جمالي فيك

القرار – (أنا مغسول بدم يسوع أنا مقبـول ببرّ يسوع )٢

١- (أنا مغسول بالدم الغالي - وببرّه صار كل كمالي)٢
ما أعظم برّك يا يسوع
٢- (داخلين ببرّك قدامك - واثقين في وعدك وكلامك)٢
وعنينا عليك يا يسوع
٣- (لا خطيّة تفصلني عنك - ولا ضعفي يمنعني منك)٢
بعد ما برّرتني يا يسوع
٤- (بالبرّ صار لي ضمان- في السماء صار لي مكان)٢
ببرّك وحدك يا يسوع

مش خايـف على نفسـي معـاك ولا هاتدارى ولا هاتجمل وأنا وياك)٢)

أصـل يميـنـك دي سنـدانـي عينيـك دايـماً بتـرعـانـي)
مـهـما بعـدت مـا بتنسـانـي ومهما ضعفت في ضعفي ألقـاك)٢

ما أنت أبويا ليه هاتجمـل وأنا معاك بتطمني وتقول لي إيدي شايلاك)٢)

مـا تخـاف على شكلك ويـاي سـلـّملـي الـدفـة وارتـاح)
تضعـف تقـوى إنـت جـوايـا صورتك قـدام عينـي نجـاح)٢

مـا فـي زيـك يـا يـســوع مـا فـي زيـك يـا يـسـوع
قلـبـي يحـبـك يـا يـسـوع قلبـي يحـبـك يـا يـسـوع
أنـا مديـون لـك يـا يـسـوع أنـا مديـون لـك يا يـسـوع

القرار
استيقظي استيقظي البسي قوة يا ذراع الرب
واهتفي واهتفي مجد يسوع ملء كل الأرض

١- خرج غالب ولكي يغلب سحق رأس
من جاء يسلب بحبه وفداه بصلبه ودماه
يسوع جرَّد الرياسات ما في الأرض
وفي السماوات داس الموت قام ظافراً

٢- كسر الفخ وأطلقنا وفي الغلبة
أسسنا يهوه هو قوتنا واسمه رايتنا
نسحق باسمه الحيّات وبه
نصنع الآيات نعلنه دوماً منتصراً

١- (زي بحر بدون مياه .. زي قلب بدون حـياة
حياتي من غير يســـوع
زي شمس بدون ضياء .. زي حب بدون عطاء
حياتي من غير يســـوع)٢

القرار- (حبك ليَّ يا ربي .. زي البحر غامرني
غطاني لحد راسي .. ومافيش كلام يوفيه)٢

٢- (لو مفيش كلمة بمعاني .. لو مفيش لحن الأغاني
مش هايسكت قلبي ليك
لو شعوب الدنيا وقفت .. علشان تسبيحي يسكت
برضه هافضل أغني ليك)٢

القرار
هللويا (٢) الرب صالح..
هللويا (٢) وحده يسوع

١- من سواه يطهر من كل الذنــوب
من سواه يبارك برغـــم العيوب
من سواه يحارب عننا الحـــروب

٢- من ســـواه مــــات كي مـــا يحينا
من ســـواه حمل كــــل أوجاعنـــا
من ســـواه قـــــام وأقـــامـنـــا

٣- من سـواه يشفي يـحـــل القيــــود
من سواه يضمن تحقيــق الوعـود
من سواه يرفع فوق كــل الســدود

القرار - غنوا لدم يسوع الغالــي اللي صنـع منا أبطــــال
اللي فدانا بسلطان عالي بالنعمـة لا بــالأعمــــال
الضعيف امتلأ كأسـه الكسير بيه رافـع راسه
ما في شيء معاه محال)٢)

١- الـــدم معنـــاه صليــب وثمـــن دفعه حمـل الله
ومحبة من أب عجيب بيها امتزنا وإحنا خطاة
لما قبلته بــــالإيمــــان أعطاني بيــه السلطــان
صرت بدمه ابن الله

٢- للدم غلبة وسلطان نسحـق بيها كـــل قيــود
أي خطية مهما كـــان أبــداً بالدم ما تســــــــود
ليــه بنرفع أغنيـــات ونعلي ليـــه الهتـافـــــات
ونعري الكذب الموجود

٣- نعلن دمك على أعتاب كـــل بيــوتنا وما لينـــــــا
على ضمايرنا وكل صعاب نصبها العـــــدو لينــــــــا
واثقين في دمك وفيــك وفي سلطان اسمك وليــك
بنغنيلك أغانينـــــــــــا

القرار - (هــــــللـــويـــــا)4

1- أنت وحــدك الإلــه أنت خـــــالق الحيــاة
تسبيحك يمـــلا الشفاه وحــــدك يــــا يسوع
2- شايفين شعبك بيناديك وبقـلبه راجـع إليك
بيقولك أنــا مـلك ليـــك وحـــــدك يـــا يسوع
3- تمشي تجول تصنع آيات وتقــوِّم من الأموات
تملأ بــلادنا بمعجــزات وحــــدك يـــا يسوع
4- من العيون تسقط قشور وهاتملأ الأذهان بنور
يكشف الزيف المستـور نــــــورك يــا يسوع

ياللي اسمك دعي علينا ياللي دمك مغطينا
انظر ربي لأراضينا وابرئها أنت يا فادينا
أنا يا شعبي سامع صوتكم وشايف توبة في قلوبكم
أنا هاسمع من السماء وانظر وهاحقق كل طلباتكم
إحنا يا ربي طلبنا وحيد ملكوتك يمتد يزيد
كل العالم يعرف اسمك ويغني لشخصك أناشيد
أنا يا شعبي بيك فرحان ولكده أنا باديك سلطان
أنك تشهد عني بقوة تعلن ملكي في كل مكان
ياللي لابس الجلال وأمامك بتدوب جبال
تعالَ واسكن في بلادنا وحقق كل الآمال
أنا يا شعبي من الأزل صانعكم ليَّ أبطال
أنا قادم أكيد لبلادكم وهاغيّر كل الأحوال