يوسف عزيز (7 ترنيمة )

1- (تن تن تن .. تن تن تن
صوت جرس المدرسة بيرنْ)2
منه بنعرف إن إلهنا
إله نظام مش زيطه و زن
(خلق الكون في 6 أيام
في التالت من موته قام
بقيامته ادّى الإنسان
يدخل للفردوس فرحان)2
2- (تن تن تن .. تن تن تن
صوت جرس الكنيسة بيرن)2
منه بنعرف إن إيماننا
روح ونظام وعقيدة وفن
(كل الكون بنظام متقسم
واحنا كمان لازم نتعلم
إن حياتنا راح تتقدم
لو مشيت بنظام وبفن)2

القرار –(بيسألوني أصحابي ليه إنت مختلف
فيك حاجة مش عادية والكل معترف)2
1- (لو شفت في يوم خصام فرق وسط الصحاب
تدخل وتكون سلام وتجمعهم قوام)2
(يا صحابي صدقوني إيماني هو الأساس
أصل يسوع حبيبي علمني أحب الناس)2
2- (لو يوم كان الطريق مليان أشواك وضيق
في سلام قلبك يعيش وياك أعظم رفيق)2
(يا صحابي صدقوني إلهي هو الأساس
قلبي يفرح بوجوده وبروحه باكون حساس)2

القرار- (حبة قش اتلموا اتلموا وعملوا أجمل فرش وعرش)2
(علشان بابا يسوع في المزود يرتاح خالص وما يتعبش)2

1-(و خروف نونو قرب قرب جنب المزود ماتحركْش
عايز بابا يسوع يتدفى بصوفه ونَفَسُه ولا يبردش)2.. حبة قش و حبة قش
2-(وكمان راعي كان سهران جاي بإيمان فرحان وما نامش
كان في الضلمة وشاف النور ورجع يحكي للي ما شافش)2.. حبة قش و حبة قش
3-(ياللي تحب يسوع سلم له قلبك وامشي معاه ما تخافش
لو قدمت بحب هايفرَح حتى لو هاتقدِّم قش)2.. حبة قش و حبة قش

القرار – (عصفورة طايرة صغيورة ما بتعرفش تشيل الهم
علشان بابا يسوع وياها وهو بيها قوام يهتم)2

1- (عصفور صغير لكن شايف إن إلهي علىَّ خايف
مَافيش ريشة تقع من ريشي إلا وبيها بيكون عارف)2
2- (عصفورة لسه بتتعلم لكن بتسبح وترنم
شكراً ليك يا إلهي لأنك تحميني من غير ما أتكلم)2
3- (أنا عصفورة بتكبر حبة بابا يسوع يديني الحبة
أكل وأشكر فيض خيراته زي إلهي عندي محبة)2

القرار- (وسط طريقك وسط دروسك وسط مشاكلك بيعزِّيك
أصل إلهك سامع صوتك قبل ما تنده بينجيك)2

1- (لو ماشي ومش شايف في الضلمة أو خايف
حاسس إنك ماشي لوحدك صوتك مش مسموع
فتِّش جوه في قلبك تلقى إلهك جنبك
ييجي بنوره يكسَّر ليلك يمسح كل دموع)2
2- (لو جواك متضايق ومزاجك مش رايق
كل ما تعمل حاجة تلاقي الكل يقول لك لأ
أعرف إن إلهك ناظر ليك ولحالك
يفرح هو بأصغر كلمة انت تقولها بصدق)2
3- (لو ضايقوك أصحابك واتفقوا على خصامك
مش عايزين تلعب وياهم أو حتى تكلمهم
قدمِّ ليهم حبك صليلهم من قلبك
تلقى مكانك جوه قلوبهم حبك ها يعلمهم)2

القرار – (أنا قلبي لسه صغنن لكن جواه موجود
أنوارك إنت ياربي ومحبة قلب داوُد)2
1- (أنا كفي لسه صغنن لكن ماسك في إيديك
فرحان علشان أنا ابنك منقوش على كفيك)2
2-)أنا أعرف أعد لعشرة وكمان أعرف للمية
والبركة تكون في دراستي من الروضة للكلية)2
3- (أنا يمكن طولي قصير لكن في الحب كبير
وعشان ابنك أنا شبهك من قلبي بحب الخير)2

القرار – (بيسألوني أصحابي ليه انت مختلف؟
فيك حاجة مش عادية والكل مُعترِف)2

1-(لو شُفت في يوم خصام فرَّق وسط الصحاب
تدخل وتكون سلام وتجمعهم قوام)2
(يا صحابي صدقوني إيماني هو الأساس
أصل يسوع إلهي علمني أحب الناس)2
2-(لو يوم كان الطريق مليان أشواك وضيق
في سلام قلبك يعيش وياك أعظم رفيق)2
(يا صحابي صدقوني إيماني هو الأساس
قلبي يفرح بوجوده وبروحه باكون حسّاس)2