الشيخ باسيلي نسيم (4 ترنيمة )

1-(لا يستحيل عليه شيء هو القادر ربي الحي)2
أسود ..أتون ..ما يهمنيش ما دمتُ واثق إنه حي

القرار –(من إيه أرهب ولا أخاف؟ وأنا في إيد راعي الخراف
اللي بيده ماسك الدفة وهايوصلني للضفاف)2

2-(عينه عليَّ طول السنين ماسك دايماً يدي اليمين)2
قائد ليَّ في غربتي ويكفكف لي دمع العين
3-(أرفع راسي في الصعاب أرى حبيبي ورا الضباب)2
حالاً يملا قلبي سلام أهتف وأغني يا أحباب
4-(بيعوّضني عن الأيام اللي قضيتها في الآلام)2
ويغطي كل العمر خير وبرحمة يغفر الآثام

١- بشوق وحنين وصبر سنين بكل يقين وإيمان
للسماء شاخصين ومنتظرين نشوفك بالعيان
القرار - وتناهى الليل تناهى وتقارب النهار
وعريسنا جاي ياخدنا نستوطن الديار

٢- يا غربة خلاص دارت الأيام نهارنا مش هايعود
بانت العلامات هانت الصعوبات ما أحلى اليوم الموعود
٣- نصعد بهتاف وبصوت البوق مسيحنا يلاقينا
نهتف على طول ننشد ونقول مجداً لك يا فادينا
٤- آمين تعال حبيبنا تعال أرواحنا بتناديك
حقق وعدك ابسط لطفك ده شعبك مستنيك

1-(بإرشاد من روحي بديت بإيمان وخشوع صليت)2
(بوعود السما أيدتك ده أنا عنك ما تخليت)2
ثق فيَّ ثق فيَّ

القرار –(واترك لي السفينة سلم ليَّ المجداف)2
وأنا أقودك للمينا ثق فيَّ لا تخاف
(هلل ده يسوع فادينا تلاقيه آخر المطاف)2

2-(خايف من الموج والريح والعودة بقلب جريح)2
(ظل إنت في مشيئتي وأنا ليك في الضيقة مريح)2
ثق فيَّ ثق فيَّ
3-(بتقولي العمر قصير والصخر معاند السير)2
(خللي الدفة في إيدي وأنا أطير بسفينتك طير)2
ثق فيَّ ثق فيَّ
4-(لا تلومني كغافل عنك ده أنا يا ابني أقربلك منك)2
(اسمك منقوش على كفي ولا يمكن أخيب ظنك)2
ثق فيَّ ثق فيَّ
5-(قد أسمح لك بتجارب عايزك في الثغرة محارب)2
(أسقط ربوات من حولك تهتف بالرب أنا غالب)2
ثق في ثق في

1-(أغني في وسط الآلام وأعبد إلهي على الدوام)2
(ماشي معايا طول الأيام)2 (رحمة وخير وماليني سلام)2
2-(لو كنت في ضيق مش هايسبني ما دمت بعيش ملء مشيئته)2
(في وقته بيسرع لنجاتي)2 (ويملا عمري بمعرفته)2
3-(سعدت وقت الاضطهاد إني باشاركه في آلامه)2
(رفضوه ورفضوني عايش فرحان)2 (أتشارك بكره في أمجاده)2
4-(أنت اللي بتبقى يا راعيَّ على عهدك ما بتتغيرش)2
(بحنان وبحب تضمني ليك)2 (تجيني أبداً ما بتتأخرش)2