كل الترانيم بالكلمات (10847)

القرار- لينا حق نقوم.. نقوم نقوم ونرنم لك
لينا حق اليوم.. اليوم اليوم نشهد عنك

1- (يا مكلل بالجود أيامنا.. وخيرك سابق ترانيمنا)2
(وآثارك تقطر في دسمها)2.. على شعبك يشهد بجمايلك
2- (مَيِّلنا كغنم فضللنا.. واتحط عليك حمل آثامنا)2
(خطايانا وكافة أحزاننا)2.. اترفعت عنا في يوم صلبك
3- (دي الصعبة معاك بتسهلها.. والمُرّة معاك بتحولها)2
(وإن مالت بينا بتعدلها)2.. وتعوض صبر اللي انتظرك
4- (رب الأفراح الحقيقية.. بتزيد شعبك بالتعزية)2
(قدامك تهرب أحزاننا)2.. والحال يتبدل على يدك

1- آه يا ربي لما شفنا الرياح هبت وخفنا إنه هايؤون الأوان
قمت أنقذت السفينة واللي نايم صحّى فينا كل إحساس بالأمان
قلت أوعوا الخوف يصيبكم فين إيمانكم ليه يسيبكم
ده إنتوا منقوشين في كفي دمي عنكم راح يوفّي والسما ليكم مكان

القرار - قد ما ليك كل مجد في كل وقت وكل آن
قد ما فيك يا إلهنا من محبة ومن حنان
قد ما فينا خطايا قد ما لينا إيمان
إننا بدمك وعندك في السما لينا مكان

2- تهنا في أرض الخطية عشنا نكسر في الوصية بس في ملء الزمان
جيت على أرض البرية رحت زرت السامرية قلت عن كل اللي كان
قلت مهما شربتوا مية تعطشوا لكن شوية
من مياه جرحي في جنبي تعلى بيكم تبقوا جنبي في السما وتلقوا مكان

القرار- (ليه أصوات الحزن بتعلا؟ ليه الأفراح بتغيب؟
ليه نبرات اليأس بتملا صوتك وأنت غريب؟)2

1- (غرقان ليه جوه انشغالاتك؟ ليه دايماً على طول مشغول؟
أمواج العالم في حياتك بتأثر فيك مهما يكون!)2
2- (أعذارك ليه سابقة كلامك؟ ليه تشكي تدوَّر في حلول؟
ليه عايش جوه في أوهامك؟ أدي مسيحك فرصة يقول)2
3- (اطرد كل نغمة يأس نقِّي حياتك من الأوجاع
امشي وانت رافع راسك سيبك من عالم خدّاع)2

(ولا أصوات الحزن هاتعلا ولا أفراح هاتغيب
ولا نبرات اليأس هاتملا صوتك وأنت غريب)2

١- ليه أنا أعيش في الضعف .. مع إنك قمت من الأموات!
قمت بقوة وليَّ أعيشها .. وأسلك أسمى حياة)٢

القرار- (كفاية طعام العالم .. مُر وباطل مابيشبعش
ده انت طعامي وخيري .. ليه يا إلهي ما بتعلمش؟)٢

٢- (كفاية أعيش في خطية .. أو مربوك وأنا شايل نير
تعبت من العبودية .. مع إنك ليَّ إله تحرير)٢
٣- (كفاية محبة هزيلة .. ده حبك ليَّ ما يتغيرش
وأحيا بشكل أناني وأتوه .. من تاني وما بارجعش)٢
٤- (ليه أتحول عنك .. وأرفع عيني على الإنسان؟
احفظني قريب منك .. وابدأ أعيش وكفاية كلام)٢

1- ليه الحزن ما دام الفرح سبق الجرح ومد إيديه
ليه الهم ما دام الرب داس ع الصعب ومد إيديه

القرار - يلا نعيش ويا القلب اللي حب ونفرح بيه
يلا نعيش ويا الرب حياة الحب ونشبع بيه

2- ليه البعد رغم القرب لكل قلب محتاج ليه
ليه العند وهو فادينا وبينادينا نرجع ليه
3- ليه الآه تسكن جوانا ومعاندانا في كل طريق
وابن الله إيديه ساندانا وبترعانا في وسط الضيق
4- ليه ننساه وهو الله اللي تملي حبه كبير
ليه ننساه ولو ننساه هو فاكرنا وقلبه كبير

1- ليه الدموع مالية عيوني على فراق أغلى حبيب؟
وعدك لي إن روحك يعزي ويفضل جنبي قريب
لا مش قريب ده ساكن فينا ولا عمره أبداً أبداً يخيب
اللي ضاع بيرده أضعاف والأفراح دايماً تجيب

القرار - امسح دموعي ربي يسوعي يا للي حنانك زيه مافيش
ضعيف قويني امسك يميني جوه طريقك خليني أعيش

2- لو الأيام لو بس ترجع علشان أودع اللي راح
أو أشيل حمله وتعبه أو لو أعرف أداوي الجراح
بس انت ربي أحن مني معاك هايكون هايكون في أمان
ده أنا شايفه قاعد قاعد في حضنك هو ده أحلى مكان

١- (دهنة زيت ممكن تكفي مع نفس أمينة ليه صارخة
وبكلمة منه يوفي وبيملى أوانينا الفارغة)٢

القرار- (ليه المجد والفضل منه رب الأرباب والكون ده كله
في البرية مش باعدي عنه ونسير زمن الغربة في ضله)٢

٢- (سمكتين وخبزات قليلة تشبع بيها نفوس كتيرة
من إيده الخيرات جزيلة وبتفرح بيه قلوب مريرة)٢

٣- (حجر صغير بإيد محارب يقدر يهزم جبار عنيد
باسم الرب يغلب تجارب ومعاه يشرق فجر جديد)٢

ليه بتهتم وليه بتخاف وإنت معاك راعي الخراف
اللي وعد في حنانه يحمل ابنه حبيبه فوق الأكتاف

1- دي الأشبال يمكن تحتاج والأسود بتموت من الجوع
إلا الرب الحلو لا يمكن يترك ابنه يحس بجوع

2- وسط دموعك وقت أنينك قلبي رقيق بيئن معاك
أجرح وأعصب أسحق وأشفي أوعى تخاف أنا مش هانساك

3- كل غنايا ومجدي وعزي لك ما لي دفع لإيديك
وعدي إليك يا حبيبي الغالي كل دقيقة أنا عيني عليك

القرار- ليه ليه بنخاف ليه والرب اللي معانا
(ليه ليه بنخاف ليه وسلامه أعطانا)2
1- هو معانا مين علينا ده الآية ويانا
(حتى لو نسينا الآية لا يمكن ينسانا)2
2- ليه يا مؤمن وتخاف من الآلامات
(قوموأتكلم واشهد عنه هو عشانك مات)2
3- فين كلامك واختباراتك مع روحة القدوس
(فين دموعك ويا صلاتك فين ربح النفوس)2
4- مهما يحصل واضطهادت ها نبشر بيسوع
(هو بروحه يشهد فينا اسمه علم مرفوع)2

1- (ليه تخونني يا صديقي؟ وليه تنسى إني باحبك؟
كنت باجي في عز ضيقي تقوللي: "احكي إيه اللي جارحك؟)2"
القرار- (مش هاتكون دي النهاية ولا هايكون آخر الكلام
ده وجوده فيه الكفاية ده عشاني اتصلب واتهان)2
2- (فاكر لما كنا أصحاب؟ ولا ده كان مجرد تراب؟
ليه العقل عنك غاب؟ قفلت ليه في وشي الباب؟)2
3- (بطرس يهوذا كانوا تلاميذه ده أنكر والتاني خان
مش هاكون أحسن منه ولا هانسى اللي كان زمان)2