كل الترانيم بالكلمات (10847)

1- (فرحي لما يسوع في المذود مولود
فرحي لما مِشي وسط الناس وبيوت)2
(فرحي لما شفى الأوجاع شبَّع كل فقير وجياع)2
وأما خروفه المية ضاع راح وحماه م الموت
فرحي.. فرحي هو يسوع
2- (فرحي لما يسوع قدِّم نفسه بدالي
فرحي لما دفع تمني بدمه الغالي)2
(واتحمل دق المسمار كل إهانة وظلم وعار)2
حوِّل ليَّ العتمة نهار وبدل فرحي مكان أحزاني
فرحي.. فرحي هو يسوع
3- (فرحي لما يسوع قدِّم لي الملكوت
وأما إداني حياة أبدية أغلب بيها الموت)2
(ووعد إني أكون وياه ويا المنتصرين في سماه)2
فرحي ومجدي لما ألقاه رافع راية المجد عشاني
فرحي.. فرحي هو يسوع

1- فردت إيديك اديتني كتير قلت لي مخازني كلها ليك
فتحت بيبان السما يا قدير قلت لي يا ابني الخير في إيديك
وهبت لي قلب كبير قلت لي اسكن فيه وحديك
دايماً شاغلك في التفكير نقشت اسمي على كفيك
2- كل دي نعم اديتهالي ولسه كمان ياما بتدي
كل دي نعم بين إيديَّ وأنا دايماً باخد مش بادي
لإمتى هابقى أناني بطبعي ودايماً بافرد ليك يدي
وأرجع أخونك ربي بذنبي وأنسى يوم ما اديتك وعدي
3- ياما زرعت في قلبي محبة لكن قلبي قاسي وعنيد
كل ما ترمي فيه الحبة بيرفض يبقى زرع جديد
أرض قلبي قاسية صلبة وعايزة فاس من حديد
أصل أرض قلبي صعبة وإنت الزارع الوحيد
4- عيد تاني الزرع فيَّ علشان قلبي يرجع ويلين
ارمي بذور النعمة فيَّ يمكن تزيد في غرس التين
وأكيد راح أوصل للمياه بعد ما كنت في يوم تلاتين
وأرجع تاني أرضي حية تطرح حب ويا حنين

فرصة تانية بيعطينا بيسامح بيقوينا الله
بيوثق فينا كتير كيف ما رحنا
أو جينا بيدربنا بده نقول
يا رب اعمل فينا

القرار- فرصة تتعرف عليه رب ومادد لك أيديه
(اقبله وادعيه لبيتك احتمي وأتخبى فين)2
1-( أكسر الحاجز ودورعلى اللي بيدور عليك
بيناديك باسمك تصور أيوه عارفك مش ناسيك)2
بيناديك باسمك تصور أيوه عارفك مش ناسيك
2-(شال صليب الذل حتى أتصلب ومات عليه
عشان يفدينا أنا وأنت لأننا غاليين عليه)2
عشان يفدينا أنا وأنت لأننا غاليين علية
3-(أترك العالم وماله وكل غالي بين أيديك
خذ نصيبك من حبيبك اللي قدم نفسه ليك)2
خذ نصيبك من حبيبك اللي قدم نفسه ليك
4-(في الصليب كان المصالح لأجل ما يصنع سلام
قوس قزح للكل واضح عهد منه والتزام)2
قوس قزح للكل واضح عهد منه والتزام
5-(قبل الابن اللي ضحى بدمه علشان يشتريك
مد أيده بالمصالحة ولسها مادد أيده ليك)2
مد أيده بالمصالحة ولسها مادد أيده ليك

1- أنا باعرف أعزف وانت بتعرف ترسم
وانتِ خطك جميل وانت شاطر في التمثيل
(كل واحد فينا عنده حاجات جميلة)2
كلنا بنكمل بعض وبنعمل حاجات كتيرة

القرار – (احنا فريق واحد هدفنا نمجد يسوع
مختلفين لكن وحدتنا مافيهاش رجوع)2
(كلنا بنحب بعض و لقائدنا فيه خضوع)2

2- كمان وقت اللعب فريقنا إيد واحدة
كلنا هدفنا الفوز بيننا حب ووحدة
(واللي جاب الجون زي اللي اداله الكورة)2
كلنا بنكمِّل بعض فرحتنا ببعض موجودة

1-إلى بئر السامرة جئت وحدي... لأمــلأ أجــراري مـيــاه
وعندها التقيت ربي... ففاض فـي قلبي ماء الحياة
القرار- فض في قلبي واملأ حياتي... إذ فـراغ العـالـم رهـيـب
أنت المن النازل من السماء... املأن واشبعن قلـبي السكيـب
2- كنت أسعى في الحياة لأمورٍ... لا تشبعن جوعي الشديد
لكنني وجدت أن... لا مثيل لربي المجيد
3- يا صديقي هل ترى قد جُذبت... من الخطأة ولا مناص
تعالَ لِيسوع فهو... يبغي أن يمنحك الخلاص

١- (فضايل فضايل ف قلبك فضايل تعلم قلوبنا صحيح الإيمان
محبة وطاعة تسامح وداعة وصدق وطهارة وطيبة وحنان)٢

القرار- (ومنك يا يسوعنا كمان بنتعلم في كل أوان
وبالخير نملى دنيتنا ويبقى الكون سعيد فرحان)٢

٢- (إلهنا الحنين أبونا الحبيب يا رافع ذنوبنا بحمل الصليب
هنفضل تملي نرنم نصلي لأنك يا ربي في حبك عجيب)٢

1- فضّلت امتلك يسوع عن كل شيء في الدنيا
لا دهب لا فضة ولا مال كلها دي أمور فانية
وكل كنوز الدنيا الصدا والسوس يفسدها
ده كفاية عليَّ يسوع رميت التبر على ترابها

2- فضّلت امتلك يسوع عن كل اللي بيغريني
سرابها لا يمكن يخدعني يجذبني أو يغويني
كل الآبار متشققة ما بتقدر تضبط
مية ده كفاية عليَّ يسوع ينبوع المية الحية

3- فضّلت امتلك يسوع بالنعمة بيكفّيني
كلامه ده بيشبع قلبي مواعيده بتعزّيني
من كل قلبي اخترته يكون وحده نصيبي
ده كفاية عليَّ يسوع إلهي وحبيبي

فقت ربي كل وصف بل وحسن وجمال
تستقي الشموس منك كل نور وبهاء
ينحني كل الملوك بالعروش والتيجان
والقلوب بالدموع والشفاه بامتنان
حين أدن منك ربي يصمت كل كياني
تبهت الدنيا أمامي ترتقي كل المعاني
كيف يبقى في اعتقادي أنني أحيا بذاتي
أنني من دون ربي أدرك معنى حياتي

فقت ربي كل وصف بل وحسن وجمال
تستقي الشموس منك كل نور وبهاء
ينحني كل الملوك بالعروش والتيجان
والقلوب بالدموع والشفاه بامتنان
حين أدن منك ربي يصمت كل كياني
تبهت الدنيا أمامي ترتقي كل المعاني
كيف يبقى في اعتقادي أنني أحيا بذاتي
أنني من دون ربي أدرك معنى حياتي