كل الترانيم بالكلمات (10847)

(عمر التلميذ ما يكون أحسن من أستاذه
لكن هايبقى بالتدريب يشبه لأستاذه)2
(وعشان كده هاتدرب وعمري ما استسلم
حتى لو هاتألم من يسوع هاتعلم)2

1-(عمر عِشته قبل منك تايه في دروب الحياة
ريشة طايرة في الهوا مش عارف ليَّ اتجاه)2

القرار- (رد لي بهجة خلاصك خليني أعرف سكتك
روحي ترجع ليَّ تاني و اختبر محبتك)2
و اختبر محبتك

2-(عمر عِشته قبل منك مش عارف ليَّ طريق
ابتسامتي ضايعة مني وعايش من غير صديق)2
3-(عمر عِشته قبل منك أسير قيود حطمتني
عيني تبكي وقلبي ينزف والخطية دمرتني)2

القرار- (عُمر ما إيدَك فَشَلِت فيَّ
تاني بتِرجَع وبتِصنَعني)٢
وكُل كُسور في النَّفس بتُجبُر
والقى كَلامَك بيشَجَّعني

١- (باستَسلِم وأنا واثِق فيك
كُل مَهارَة باشوفها في يَدَّك)٢
زَيّ خَزَف في إيدين فَخَّاري
ومين زَيَّك يا إلَهي في صُنعَك

٢- (وتشَكِّلني برَغم عُيوبي
بيَّ هاتِصنَع أحلى نَجاح)٢
ويعود كُل الفَضل لشَخصَك
ويعود قَلبي مَعاك مِرتاح

٣- (مَهما ان كان في الأمر آلام
غير تَشكيلَك مِش هايكون)٢
خَلِّي القَلب يكون لَك خاضِع
زَيّ ما إنتَ عايزني أكون

٤- (والأزَمات مِش مُمكِن تِقدَر
تِمنَع إيدَك وتعَطَّلني)٢
اعمِل في حَياتي بسُلطانَك
وانا مُنتَظِرَك هاتشَكِّلني

القرار- (عُمر ما حد اتكل عليك .. ورجع قال خاب ظني وأملي
لكن كل اللي مسكوا فيك .. تنجدهُم بمعونة تملِّي)2

1- (ليك وقتك تيجي فيه وبترفَع .. تتدخل وسط الأهوال
و بحكمة إلهية بتسمع .. تتبدل بيك الأحوال)2
2- (اتعودنا خلاص على حبك .. واختبارات أيامنا تقول
واتعلمنا حياتنا في قربك .. مضمونة في شخصك على طول)2

القرار - (عمرك ما نستيني ابدًا انت دايماً فاكرني
ومعايَ في كل لحظة ودايمًا في إيدك شايلني)2
وأبقى معاك وأشوف أحوالي دي كلها ملك إيديك
كل أيام وكل أيام أنا عيشتها رحمتني إيديك
وعمرك مانستيني ابداً

1- (وقت ما الحيرة حاوطتني كنت في إيديك
ما رضيتش لحظة تتركني وقويتني ليك)2
(ونزلت معايا في الأتون خلتني أرنم وأنا في السجون)2
وعمرك ما نستيني ابداً
2- (وقت ما دموعي ملِت عيني كنت فيإيديك
وقت ما الحزن جِه يمحيني قويتني ليك)2
(جيتني بمحبة جيتني برجاء جددت فيَّ تاني الحياة)2
وعمرك ما نستينى ابداً
3- (وقت ما إبليس جِه يأسرني كنت في إيديك
جيتني بالنعمة تحاوطني قويتني ليك)2
(انت اللي جبيتني بانتصار ياللي بقيت بيك من الأحرار)2
وعمرك ما نستيني ابداً
4- (وقت ما الظلم جاني بقسوة كنت في إيديك
يومها انت جيتني بالرحمة وقويتني بيك)2
(خليتني أعدّي فوق كل ضيق كنت معايّ أوفى صديق)2
وعمرك ما نستيني ابداً

عمرك مش مضمون في إيديك .. وفي لحظات الناس بتموت
صوت الرب ينادي عليك .. وفي كل مرة الفرصة تفوت

القرار- قولّه : إرحمني كفاية بعاد .. سلِّم كل حياتك ليه
ليه تفضل عايش في عناد .. ده العمر المضمون في إيديه

2- ايه في العالم غير الضيق؟ .. ليه رافض تسمع للصوت؟
أعظم أخ وأوفى صديق .. مش هايفيدك بعد الموت
3- راح تندم على عمر ثمين .. ندمك مش هايكون له حدود
تصرخ في الأبدية لمين؟ .. فرصة وضاعت مش هاتعود

1- (عُمرك يا يسوع ما كنت في يوم في حياتي فكرة
أنت موجود وحي اليوم وأمْس وبكرة
محتاج أكون دايماً معاك وبينا شركة
أنا بيك فرحان إنك جوايا مش بس ذكرى)2

القرار – (أنا جاي مصمم أخد منك لمسة وبركة
هاتدوم معايا من يوم ليوم وبيها أعيش
أنا جاي مصمم أخد منك لمسة بركة
وأحيا معاكْ حياة جديدة ما تنتهيش)2
وبيها أعيش ما تنتهيش

2- (أنا جاي وباعلِن شوقي وثقتي فيك يا راعيَّ
أنا بالقى أماني وراحتي وفرحي فيك يا فاديَّ
أنا شايفَك ماشي معايا وايدك ماسكة إيديَّ
وانا عارف دايماً سر نجاحي فيك مش فيَّ)2

القرار – (عمرها ما هاتكون قدام الناس دي حياتي مع ربنا أسرار
وماحدش هايعرفها أبداً وراح تكبر دايماً باستمرار)2

1- لو تدي واحد محتاج تضرب بوق قدامك ليه
عايز الناس كلها تشوفك تيجي عليك وعليه
لو على الأرض أخدت الأُجرة في السما راح تاخد إيه
يا مسيحي لو مسكين وعايز تعطف عليه
يبقى شمالك ماتعرفشي يمينك هاتعمل إيه
ده أبوك هو اللي بيشوفك تدي الفقير في أيديه

2- أدخل بيتك يلا بسرعة وأقفل بابك جوه عليك
خلي صلاتك في الخفاء ارفع لإلهك أيديك
وأقف اتكلم يلا معاه ده يسوع هايفرح بيك
لما تسيب الدنيا بحالها للسما توجه عينيك
مش مهم هاتقول إيه هو عارفك ساكن فيك
ده أبوك اللي بيسمعك وقدام الناس يجازيك

3- أما الصوم ده بيكون في الخفاء هو كمان
أوعى في يوم لما تصوم تعمل من نفسك تعبان
علشان الناس ينبسطوا وقدامهم صايم تبان
لكن أنت وأنت صايم أوعى تبقى في يوم كسلان
أغسل وشك يالا وقوم اعمل خير يا إنسان
ده أبوك هو اللي يشوفك وقدام الناس هاتبان

القرار
(عمرى ماخَاف معاك يا إلهي انت سلامى حصني وأماني)2
يسوع حبيبي ماسك بيدّي رافع حياتي فوق للتحدي)2

1- في وقت كَربي وحروب عدوي وسط الآلام والخوف الشديد
أصرخ يا ربي تعالى هبني قوة وسلام ونصر أكيد
(أرفع عيني ألقاك فاديَّ تمسح دموعي وتضمني
في حضن غالي ألقى مكاني ما انت راعيَّ بتحبني)2
2- انت حبيبي رفيق عمرى وسور حماية أعظم معين
طول ما انت جنبي أهتف وأغني فيك الكفاية طول السنين
(خليني جنبك أفرح بقربك وأنسى آلامي وأحتمي فيك
في ظل حبك ونبض قلبك ألقى حياتي فيك يا مليك)2

1- عمري ما دقت سعادة في قلبي ولا حسيت بسلام في حياتي
إلا في قربك إنت يا ربي بانسى آلامي واحتياجاتي
القرار - (ماشي في البرية معايا ماشي وساند إيدي عليك
وأسمع وعدك افرح بي ولازم يثبت فرحي فيك) 2
2- (طول ما عيني عليك مرفوعة يفضل قلبي بيك مرفوع
وأتعب لما باحول عيني عنك وأبقى في فقر وجوع) 2
3- (مهما يكون الحزن في قلبي مهما أعدي في ضعف وضيق
ربي أنا دايما بيك مرفوع فوق الصعب معايا صديق) 2