شقاوة فى المعمل (27 ترنيمة )

(أنا أنا ديك ساكن في بستان جميل)2
كان فيه قبر مقفول بحجر كبير
(احكيلنا احكيلنا عن اللي شُفته يا ديك
يوم الحد الصبح يوم قيامة المسيح)2

1- قبل ما الفجر يشقشق قبل ما حد يقوم
شُفت هناك ملاك نوره زي النجوم
(وأنا واقف في البستان بارنم بالألحان)2
(يسوع يسوع يسوع من موته قام)2
2- ويومها بدري بدري راحوا المريمات
في القبر لقوا ملاك وقال لهم كلمات
(جايبين حنوطكم لمين ناسيين وعده الأمين؟)2
(يسوع يسوع يسوع من موته قام)2
3- وبطرس ويوحنا ع القبر جريوا قوام
ودخل الأول بطرس هناك لقى الأكفان
(في مكانها بالترتيب من غير جسد الحبيب)2
(يسوع يسوع يسوع من موته قام)2
4- مريم المجدلية زعلانة في البستان
يا عم يا بستاني على فين أخدوا الحنّان
(مريم يا مجدلية قوليلهم في العُلية)2
(أنا يسوع هاسبقكم للجليل)2
(يسوع يسوع يسوع من موته قام)2

لماذا تطلبن الحي بين الأموات؟.. ليس هو ههنا لكنه قام
اذكرن كيف كلمكن وهو في الجليل.. قائلاً أنه سيسلَّم ابن الإنسان
في أيدي أناس خطاة ويصلب وفي اليوم الثالث يقوم
لوقا 24 عدد 5 ، 6 ، 7

1- لما ياربي تفتح قلبي راح أصليلك وأنا مرتاح
وأفهم على طول كل كلامك (يملا حياتي في كل صباح)2

2- في إنجيلك أقرأ كلامك قبل النوم صوتك يحكيلي
ازاي عاشوا كل ولادك (سر خلودهم هو دليلي)2

3- وأقرأ كمان ازاي قوتهم جات من عندك وسط الموت
من صلواتهم ومحبتهم (أعرف أصليلك مظبوط)2

4- في قداسك أسمع أبونا بيصليلك علشان غلطاتي
صوتك يا يسوع أنا سامعه (راح أكرس لك كل حياتي)2

5- في الأجبية كمان أنا فاكر كل حياتك طول اليوم
حاسس يا إلهي بحمايتك (من صحياني لغاية النوم)2

1- حبك ليَّ يارب في كل زمان بيحوّطني زي سور عظيم
أتسند عليه وأبقى فرحان وأفضل جنبه مطَّمِّن وسليم

2- مهما حصلي أنا مش زعلان ولا بافكر بكرة ايه هايكون
لو كان فيه تفاصيل أو كُتر كلام برضه كلامك هو اللي مضمون

3- نفسي أشكرك يا إله الكون ياللي مليت قلبي فرحة وسلام
عمري ما هازعل أو هابقى مهموم طول ما حياتي ف إيدين الحنّان

4- أي خطوة ليَّ في أي مكان أرجعلك وأطلب منك بإيمان
انت أبويا وانت وعدت كمان ترشدني وتخليني في أمان

5- رافعلك صلواتي صبح وليل سامع صوتك ليَّ في الإنجيل
بيطَّمِّني وهو ليَّ دليل إن عمري معاك يفضل جميل

القرار - إحنا عيلة الحيوانات عايشين في الفلك إخوات
ونوح علمنا كلنا نسبح للرب خالقنا
قدوس .. قدوس .. قدوسٌ .. رب الصباؤوت

1- إحنا عيلة العصافير لا نشيل هم ولا تفكير
طب ليه بتخاف يا إنسان دهأنت في أيدين الحنّان

2- أنا الفيل كبير وعظيم لكن قلبي دايماً رحيم
أحب أخويا الصغير وأسامح كمان الغير

3- أنا أسد قوي وخطير بس أنت أقوى بكتير
لو مسكت أيد القدير تقدر تغلب الشرير

4- أنا فرخة على طول بنادي وبدور على أولادي
أجمعهم تحت جناحتي زي ما بيرعاكم الفادي

5- أنا كلب بلعب فرحان وعايش على طول في أمان
لأن الرب بيحميني وملاكه بيحرسني

1- أنا حمامة لوني جميل ريشي أبيض وطويل
كنت عايشة في فلك كبير مع إخواتي العصافير

القرار - كان (يا ماكان)3 كان في حمامة عايشة زمان
جوه فلك ضخم كبير مع إخواتها العصافير

2- جه في يوم نوح البار قال مين فيكم يا شطار
يخرج ويجيب الأخبار ومايخفش من الأخطار

3- طرت من الشباك قوام وماشوفتش أي إنسان
الميه في كل مكان لا زرع ولا شجر كمان

4- بعد مدة من الأيام كانوا سبعة بالتمام
خرجت أبص بالعيون وجبت معايا غصن زيتون
وبعد أسبوع كمان الأرض نشفت بالتمام
والزرع فى كل مكان أبتدى يرجع زي زمان

5- خرج نوح وأنا طرت كمان وشفت الدنيا زي زمان
وقوس قزح مليان ألوان علامة على خلاص الإنسان

القرار - كنت في قاع البحر صخرة عمري ما شفت الهوا والنور
وف يوم حصل حاجة غريبة مش ممكن تصدقها العقول
(لقيت الهوا حواليا ووقفت عليَّ الطيور)2

1- مد موسى أيديه بعصايته فقسم البحر نصين
فاتحول البحر لطريق والمية سور من ناحيتين

2- عدى الشعب ف وسط البحر وهزموا الخوف وخرجوا منتصرين
لكن فرعون ومعاه جنوده انهزموا وماتوا غرقانين

3- زي الشعب ما عبر البحر وأنقذهم إلهنا من موت أكيد
(المعمودية تغفر خطايانا وتدينا ميلاد جديد)3

1- ماما العدرا باحبك وشايفك قدام عيني
بتصلي معايا دايماً (وتاخدي بالك مني)2
2- وسط البقر ولدتي بابا يسوع حبيبي
في مذود لكن شُفتي (نور وملايكة ربي)2
3- في وقت الليل سهرانة مع ملاكي بتحميني
من الشيطان وأنا (أنام ولا يؤذيني)2
4- وأنا جوة الكنيسة لازم أنور شمعة
قدام صورتك وعارف (إنك شايفة و سامعة)2

1- إثمي نيفين إيتاف جوك إيفول - إنني خيسي إنني نو أريني
إفهيج هوج إفتشي إملاه - إيزي بي كوزموس إميشا إممو آن

1- كل الأبرار الذين كملوا أتعاب فضائلهم
متضايقين متألمين والعالم لا يستحقهم

2- تائهين في البراري والمغائر وشقوق الأرض
هؤلاء الذين شهد لهم إنه من قبل إيمانهم

3- وصبرهم فلنسرع في طريق جهادهم
وننظر إلى رئيس الإيمان ومكمله الرب يسوع

4- طوبه إم إبشويس إي إهري إيجون - أوني خوروس إنتي ني
ستافروفوروس - إيتاف جوك إيفول هي ني شافيف - إنتيف كانين نوفي نان إيفول

4- أطلبوا من الرب عنا - يا مصاف لابسي الصليب
الذين كملوا فى البراري - ليغفر لنا خطايانا

القرار - (كان عايش زينا لما كان قدنا يسوع وهو صغير كان عايش زينا)2

1- أكيد كان بيته فقير وصغير ماكنش فيه غير يوسف ومريم
ولا كان فيه حاجات كتير فرن صغير لمبة تنور
يمكن حصيرة جايز رحاية جايز كمان فرخة وكتاكيتها

2- أيام كتيرة يقعد يتفرج على الطبيعة من حواليه
شجر عصافير وكمان خرفان وتلاقيه دايماً فرحان
مع أصحابه كان بيلعب بفرح ومحبة وسلام

3- يوسف يدقدق أو يصلح يتعلم يسوع بعد ما يتفرج
ولما كانت مريم تطلب حاجة منه يجيبها على طول ولا كان يتأخر
كل الناس كانت بتحبه حتى وهو فقير وصغير

القرار – (لو معاك زيي سمكتين وشوية عيش صغيرين)2
فكرت إنه ييجي يوم تشبع بيهم الجموع

1- ما هي دي حكايتي لما جه التلاميذ عندي
وقالولي هات كل اللي معاك
(الجموع جاعت آهم قاعدين هناك)2

2- كل ده كان غريب عليَّ أخدوا القفة من إيديَّ
حطوها قدام معطي كل طعام
(لكن ماكنتش عارف مين هو يسوع)2

3- كان منظر عليَّ عجيب لما صلي الحبيب
أكلي أنا أصبح كتير شبع الصغير والكبير
(وكمان جمعوا الفايض 12 قفة تمام)2

1-بابا نويل بابا نويل هاييجي هنا
حزر فزر يا ترى هايجيب إيه لنا
يلا نفرح يالا نرنم أنت وأنا
أجمل يوم اللي فيه اتولد ربنا

2-كل ما ييجي بابا نويل بعد ما بانام
بافتكر حكاية جميلة حصلت زمان
طفل اتولد في هدوء ومن غير كلام
في مذود معمول للبقر ومش للإنسان

3-الطفل ده ربي يسوع اتولد لنا
هي دي أجمل هدية جاية م السما
هانحافظ دايماً عليها جوه قلبنا
سامعين صوته وكلامه يملى عقلنا

١- في عيد ميلادك يا ربي المليك يا ريتك تقبل مني هديتي
و هديتي يا ربي حبي ليك قلبي الصغير ما يساع فرحتي

القرار- في عيد ميلادك نطلب ودادك إحنا أولادك ربي يسوع
نحمل سماتك نحفظ آياتك ونعيش حياتك ربي يسوع

٢- زي الرعاة ما جم رحبوا بيك إحنا كمان جينا نسلم عليك
و نقدم طاعتنا وحبنا ليك فرحتنا تكبر كل ما نرضيك

٣- شرفت يا ربي الصغيرين لأنك لما جيت للعالمين
جيت لنا صغير وأحلى منك مين يا ريتك تسكن في قلبي آمين

٤- إحنا عارفين ليه يا ربي انت جيت جيت علشان تغفر كل ذنبنا
و ترفع ذل الخطية المميت وحدك تستاهل كل حبنا

القرار – (عمرها ما هاتكون قدام الناس دي حياتي مع ربنا أسرار
وماحدش هايعرفها أبداً وراح تكبر دايماً باستمرار)2

1- لو تدي واحد محتاج تضرب بوق قدامك ليه
عايز الناس كلها تشوفك تيجي عليك وعليه
لو على الأرض أخدت الأُجرة في السما راح تاخد إيه
يا مسيحي لو مسكين وعايز تعطف عليه
يبقى شمالك ماتعرفشي يمينك هاتعمل إيه
ده أبوك هو اللي بيشوفك تدي الفقير في أيديه

2- أدخل بيتك يلا بسرعة وأقفل بابك جوه عليك
خلي صلاتك في الخفاء ارفع لإلهك أيديك
وأقف اتكلم يلا معاه ده يسوع هايفرح بيك
لما تسيب الدنيا بحالها للسما توجه عينيك
مش مهم هاتقول إيه هو عارفك ساكن فيك
ده أبوك اللي بيسمعك وقدام الناس يجازيك

3- أما الصوم ده بيكون في الخفاء هو كمان
أوعى في يوم لما تصوم تعمل من نفسك تعبان
علشان الناس ينبسطوا وقدامهم صايم تبان
لكن أنت وأنت صايم أوعى تبقى في يوم كسلان
أغسل وشك يالا وقوم اعمل خير يا إنسان
ده أبوك هو اللي يشوفك وقدام الناس هاتبان

ربنا يسوع هو كل حياتنا
وعارفين إنه ساكن في قلبنا
وماشي في كل خطوة جنبنا
بيفرحنا وبكلامه يقولنا
(كونوا قديسين لأني أنا قدوس)3
(بطرس الأولى16:1)2

1- إحنا فريق أطفال الراعي دايماً معاكم تملي
(بنقدم ليكم ترانيم فيها معاني وأفكار كتير)2

2- في كل يوم جديد جايين وهانحتفل بإلهنا العظيم
وننور شمعة ونعيش في النور وحياتنا تبقى دايماً في سرور
إحنا فريق ...the shepherd’s kids