كل الترانيم بالكلمات (10847)

١- أَنْتَ تَدْعُو لِلْوَلِيمَة كُلَّ خَاطِئٍ أَثِيمْ
بِالْمَوَاعِيدِ الْكَرِيمَة صَوْتُ حُبٍّ يَا رَحِيمْ

٢- ذُبِحَ الْعِجْلُ الْمُسَمَّنْ فَتَعَالَوا يَا خُطَاة
فَهْوَ قُوتٌ لاَ يُثَمَّنْ لِخُطَاةٍ وَعُصَاة

٣- كُلُّ شَيْءٍ قَدْ أُعِدَّا فَتَعَالَوْا مُسْرِعِينْ
لَكُمُ الثَّوْبُ تَهَيَّا فَالْبَسُوهُ شَاكِرِينْ

٤- مَدَّ أَيْدِي اللُّطْفِ رَبِّي فَاتْبَعِيهِ يَا نُفُوسْ
فِي خُضُوعٍ ثُمَّ حُبٍّ لِلْمُخَلِّصِ الْقُدُّوسْ

٥- بِكُمُ السَّمَاءُ تَفْرَحْ يَا خُطَاةً تَائِبِينْ
وَإِلَهُ الْحُبِّ يَمْنَحْ لَكُمُ الْمَجْدَ الثَّمِينْ

1- (انت تقدر على كل شيء ومفيش معاك صعب ورديء )2
لو قابلنا موج بحر عالي انت تصنع وسطيه الطريق

القرار- (انت تقدر أيوه انت تقدر ع اللي نفتكره وأكتر
ولو جبال صعاب تدوب ومهما كان لا انت أكبر)2

2- (بكلمة تغفر كل الشرور تشفي وتداوي وتُجبر كسور)2
ويروح زمان الكسر حالاً وتتملي قلوبنا بسرور
3- (هللويا تهتف قلوبنا وفرحانين حتى بحُروبنا)2
نصرة بدايتها في صليبك ما انت إلهنا و انت ملكنا

1- (قوّمتني شُفت النور وفديت بالحب حياتي
وسمعت في قلبي سرور لما صليبك أحياني)2

القرار – (وانت ساعدتني أمشي خطوة بخطوة جنبي
ياللي أدِّيتني حياتي وفي الموت أحييت عمري)2

2-(فديتني بدم ثمين ورحمتني وأنا الخاطي
كنت في خطايايا حزين بالفرح غمرت حياتي)2
3-(علمتني ألقى سلامي ورفعتني أغلِب يأسي
ومليت بالنعمة أيامي يا إلهي ونوري وشبعي)2
4-(علمتني أغلِب بيك وصليبك فخر حياتي
وفي ضعفي أحتمي فيك أتقوى في كل أحوالي)2

‎١- إنت سلامي في وسط حربي
‎إنت ترسي وملجأي الحصين
‎إنت رجائي في عز ليلي
‎كلامك نور وسراج للطريق

‎القرار- ‎غيرك ماليش يا سيدي
‎في حبك مافيش زيك يا ربي
‎باجري عليك وأترمي في حضنك
‎وبسلام تملى قلبي

‎٢- إنت عزائي في وسط ضيقي
‎تمسح دموعي وتفرح قلبي
‎إنت طبيبي شافي جروحي
‎غافر ذنوبي حامل أوجاعي

‎٣- إنت صديقي طول حياتي
‎إنت راعيَّ أبويا ومرشدي
‎ماشي معايا طول الرحلة
‎إيدك في إيديَّ عمرك ما هاتسيبني

القرار- (انت سيد الكون كل الأرض ملكك
كل الشعوب هاتجيلك تسجد لشخصك)٢

١- (يا مسيحنا الحي نحن ليك جايين
بقلوبنا ليك ساجدين نعبد شخصك)٢

٢- (اسمك فوق الكل مجدك مالي الكون
ما في إله زيك انت رب الكل)٢

1- ( أنت صالح )٢.. رغم العيب اللي ماليني
( أنت الحب )٢.. ولو اخترت أغمي عيني
( أنت النور )٢.. لما العتمة بتغطيني
( أنت أملي )٢.. وبتستر كل عيبي
( أنت سلام )٢.. لما الخوف بيكون ماليني
( أنت الحق )٢.. بتلخبط وبتهديني
( أنت فرحي )٢.. والأغنية اللي بتغنيني
الحياة أنت الحياة وبموتك لي نجاة

القرار- أنا جاي وباجري عليك أنا جاي وباجري عليك
ده حبك هايكفيني وحضنك هايدفيني
لا ما ساويش العالم بيك.. أنت الحياة وليك هاعيش

2- أنت أكتر.. أنت أكبر من اللي العالم قاله عليك
( أنت الله )٢.. وخليقتك تشهد ليك
موجود.. هنا موجود.. وحضورك حاسس بيه
( أنت إلهي )٢.. وعشانك كله باسيب
باغني ليك.. ملكي الوحيد.. يسوع.. يسوع

١- (إنت ليَّ وأنا ليك
ليك كل قلبي وفكري
افتح عينيَّ فأشوف عينيك
هي دي طلبة قلبي)٢

القرار- (إنت طلبة قلبي)٢
(إنت طلبتي يسوع)٢

٢- (تسمع أغنية من قلبي
ليك كل حياتي
امسك إيديَّ وأمشي معاك
فأعيش معاك للأبد) ٢

أنت عارف إني تراب
(أنت عارف إني تراب عارف مخلوق من إيه
حاسس بضعفي لامس ألامي شايف دموعي ربي يسوعي
عارف إني تراب)2
[زي ارتفاع السما فوق الأرض تعلى رحمتك عليَّ تعلى رحمتك
وبُعد المشرق عن المغرب (تبعد عني معاصيَّ)3]2
(أنت عارف إني تراب عارف إني مخلوق من إيه
حاسس بضعفي لامس ألامي شايف دموعي ربي يسوعي
عارف إني تراب)2

(إنت عارف كل ظروفي
إنت لامس كل احتياجي
مهما تاهت مني المعاني
تفضل إنت معنى ارتياحي)٣

(حبك إنت يدفي قلبي
دمك إنت يسترني ربي)٢
حبيبي يا يسوع

(وقت الشدة في وسط أنيني
كنت إنت اللي بتمسك إيدي
وقت صراع النفس في حيرة
هاتعلق أنا بيك)٢

١- أَنْتَ عَظِيمُ الْبَرَكَاتْ
يَا رَبُّ لِلْعَبِيدْ
رُشْدٌ وَعَوْنٌ وَثَبَاتْ
وَمَلْجَأٌ وَطِيدْ

٢- يَمِينُكَ تَقُودُنَا
إِلَى مَدَى الدَّهْرِ
وَتَعْتَنِي بِحِفْظِنَا
فِي الْبَرِّ وَالْبَحْرِ

٣- إِذَا طَمَا الْمَوْجُ الرَّفِيعْ
وَهَاجَتِ الْمِيَاهْ
نَعْلَمُ أَنَّكَ السَّمِيعْ
وَصَاحِبُ النَّجَاة

٤- تَهْدَا بِأَمْرِكَ الرِّيَاحْ
طَوْعًا لِمَا تُرِيدْ
فَنَنْظُرُ الْبَحْرَ اسْتَرَاحْ
مِنْ كَدِّهِ الشَّدِيدْ

٥- فِي وَسَطِ الْخَوْفِ الْعَظِيمْ
نُهْدِي لَكَ السُّجُودْ
نَذْكُرُ فَضْلَكَ الْقَدِيمْ
لأَنَّهُ يَعُودْ

٦- مَا دُمْتَ تَحْفَظُ الْحَيَاةْ
لا نَرْهَبُ الْهَلاكْ
فِي الضِّيقِ أَوْ حِينَ النَّجَاةْ
نَكُونُ فِي حِمَاكْ