كل الترانيم (12961)

١- (لما الصعب بيصبح هيّن
لما خيوط الصبح تبيّن
باعرف إنك ماسك الدفة
وإنك ليَّ اب حنين)٢

القرار- خوفى بيسيبني ويروح
يملاني حبك بالروح
وأقوم وفي ضعفي باتقوى
متعزي ولو فيَّ جروح

٢- (حتى إن شفت في يومي أنين
تاهت البسمة أيام وسنين
واثق إنك ماسك الدفة
وإنك ليَّ أب معين)٢
٣- (أيوه راح أشهد بين الناس
إنك ربي ورافع الراس
وإنت إلهي ماسك الدفة
أيوه حقيقة ده مش إحساس)٢
٤- (وتعوَّض فرحة أيامي
تديني تحقيق أحلامي
تفضل ربي ماسك الدفة
ضامن لي أماني وسلامي)٢

1-(لما الكون كان زمان في الظلام كنت الأمل بنور حياة
لما كان قلبي عايش في الضلال كنت الإيمان لما لقاك)2

القرار- (انت الأمل لما الظلام بيلفّني انت الإيمان لما الحياة بتهزّني)2

2-(انت الأمل بنور جديد جوه قلوب فقدت حنان صارت جدران
انت الأمل للنجاة م الذنوب لما القساوة بتقيدها نيران)2

1- لما المحبة تبقى طالعة من القلوب
تقدر تكسر في الإساءة والقساوة
والعين ما بتشوفش الغلط أو العيوب
(ده الحب أقوى علاج يموت العداوة)2
القرار- يارب أدي قلوبنا تفهم الحقيقة
أنك إلهة الحب وإحنا من طبيعتك
لما نحب هنبقى دايماً في المشيئة
(ده الحب أعظم الوصايا في شريعتك)2
2- وليه نعيش مع بعضنا وإحنا في خصام
ونسيب قلوبنا فريسة للشعور لمرارة
خلونا ننسى اللي جرحنا بالكلام
(يمكن ساعتها اللفظ خانه في العبارة)2
3- إزاي نقدم في الصلاة لله عبادة
وناس زعلانه منا ومنهم زعلانين
لو قولنا حُبنا لله زيادة
(و ما حبناش الناس هنبقى كدابين)2

1- لما المشاكل والمتاعب يوم تحل
والبركة ترحل عننا والخير يقل
نرمي الحمول على ربنا ونقف نصلي بقلبنا
نلقى اللي كان يوم مستحيل له ألف حل
2- لما السنين تجري ما نشعر بارتياح
ونحس يوم إن السلام في قلوبنا راح
نلجأ بسرعة لأمنا حضن الكنيسة يضمنا
يزرع محبة في قلبنا يداوي الجراح
3- لما الحياة تملا عينينا بالدموع
ونحس إن الحزن ساكن في الضلوع
لا نسيب حياتنا للقدر ولا نتكل على إيد بشر
مين اللي يمسح دمعنا غير إيد يسوع

1- لما انفتحت جوه ف قلبي عيون النور
ملا عيني جماله وبهاؤه اللي كان مستور
وسمعت قلبي لما لساني ماقالش كلام
وبعدها انفتحت في كل كياني ودان

القرار- المجد والغنى والعظمة حوالين كرسيه
وتيجان عظماء مطروحة عند قدميه
والكل بيهتف ويسبح ويقول قدوس
الحمل الراعي اللي نقشنا على كف ايديه

2- العدو قد تم خرابه وبيته مهدوم
والرب الجالس فوق عرشه جعل له حدود
وعديم القوة بقى قادر بصليب يسوع
يعمل أعمال سيده الغالب ويعدي سدود
3- وملايكة ألوف ربوات واقفة ترفع تسبيح
شاروبيم ساروفيم بأجنحة ستة تهتف بمديح
قدوس قدوس رب الصباؤوت ملك الملوك
السما والأرض بتعظم دم الذبيح
4- يا يسوع انت الطريق والحق والحياة
والخبز النازل م السما ومافيش في غناه
وانت اللي أتيت وكمان الآتي رب الأرباب
وجلست وهاتجلّسنا في مجد مافيش في بهاه

1- لما باتأمل نزولك علشاني من سماك
كان جلال المجد توبك ورميت توبك وراك

القرار- كل قلبي فيّ بيركع وبيصير بخور صلاة
كل روحي فيّ بتخشع في عبادة للإله
كل قلبي...كل روحي في عبادة للإله

2- كنت في أكمل طبيعة جوهرك كله سماوي
وامتيازاتك رفيعة كل ملء الله تساوي
3- صرت إنسان زي صنيعك زي عبد من عبيدك
في وداعتك واتضاعك حتى تنقذني بإيدك
4- اللي همك مش حقوقك إنت فكرت في مصيري
وخلاصي هو شوقك كان في ذهنك بس خيري
5- التنازل هو مجدك في التواضع شفت قدرك
مافي قبلك ما في بعدك كل سلطان تحت أمرك

1- لما باتأمل نزولك علشاني من سماك
كان جلال المجد توبك ورميت توبك وراك

القرار- كل قلبي فيّ بيركع وبيصير بخور صلاة
كل روحي فيّ بتخشع في عبادة للإله
كل قلبي...كل روحي في عبادة للإله

2- كنت في أكمل طبيعة جوهرك كله سماوي
وامتيازاتك رفيعة كل ملء الله تساوي
3- صرت إنسان زي صنيعك زي عبد من عبيدك
في وداعتك و اتضاعك حتى تنقذني بإيدك
4- اللي همك مش حقوقك انت فكّرت في مصيري
وخلاصي هو شوقك كان في ذهنك بس خيري
5- التنازل هو مجدك في التواضع شفت قدرك
مافي قبلك ما في بعدك كل سلطان تحت أمرك

١- لما باتأمل نزولك علشاني من سماك
(كان جلال المجد توبك ورميت توبك وراك)٢

القرار- كل قلبي فيّ بيركع وبيصير بخور صلاة
كل روحي فيّ بتخشع في عبادة للإله
كل قلبي...كل روحي في عبادة للإله

٢- كنت في أكمل طبيعة جوهرك كله سماوي
(وامتيازاتك رفيعة كل ملء الله تساوي)٢
٣- صرت إنسان زي صنيعك زي عبد من عبيدك
(في وداعتك واتضاعك حتى تنقذني بإيدك)٢
٤- اللي همك مش حقوقك انت فكّرت في مصيري
(وخلاصي هو شوقك كان في ذهنك بس خيري)٢
٥- التنازل هو مجدك في التواضع شفت قدرك
(ما في قبلك ما في بعدك كل سلطان تحت أمرك)٢