شهوة قلبى (10 ترنيمة )

القرار - شهوة قلبي ردية قوية مسكت فيَّ شوية شوية
حب المال بصحيح خلاني أعبده هو مش اللي اداني
هوّن ليَّ كل خطية

1- (شهوة قلبي صحيح جبارة رسمت ليَّ طريق بمهارة
بس لقيت في نهايته خسارة إيه يسوى حياتي الأبديّة!)2
2- (قلبي اختار مشوار و اتاريه ماشي في سكة عتمة وتيه
كل رخيص أنا كنت شاريه والغالي بعته بإيديَّ)2
3- (يا يسوع مد إيديك و انجدني حب المال مابقاش يسعدني
عن أغلى حبايبي بيبعدني حتى عن حبك يا فاديَّ)2

القرار-(حقك أنهار أنهار يشبع سنين الجوع
وحدك جبار جبار عالي وصوتك مسموع)2
(ونهار وليل جيل ورا جيل)2
تسبيح... وهتاف... ترنيم... و رايات ليسوع

1-(وعدك في قلوب محفوظ يهدم أسوار الشوك
وسنين مهما تدور غرقان صوت الشكوك)2
2-(في الحرب عينينا عليك نصرتنا زي النور
بتبان لما إيديك بتفُك قيود المأسور)2
3-(وقلوب تحتاجلك تسبيها وتبارك فيها بإيمان
ترويها ويدك تشفيها وتبدد فيها الأحزان)2

القرار - بين السكوت بين الكلام هزتني صرخة في الظلام
بصيت لقيت ابني يسوع ميت في أحضان الآلام

1- وفي لحظة حسيت بانكسار وعرفت إيه طعم المرار
ما لقيت دموع تبكي عليه لكن في قلبي الحزن نار
2- وبعدها جم ناس خدوه وبتوب حزين بيكفنوه
نسيوا إن أمه هاتندفن مطرح ما كانوا هايدفنوه
3- يا صليب ومعمول من الخشب ده عليك بدم ابني انكتب
ذنب ابن آدم اتغفر وبإيده ابني أنا اتصلب
4- قلبي ودقاته نواح عمري وملفوف بالجراح
وعيني ما هاتنسى الدموع ابني الوحيد يا ناس وراح

1- أنا قلبي محتاج رحمتك محتاج يا ربي محبتك
جالي الشيطان بسلاح مخيف وأنا قلبي قدامه ضعيف
اوهبني شيء من قوتك
2- عنك بتبعدني الحياة ماشي بعيد ويا الخطاة
الشر ليك باسمع نداه ولا يوم أحس بكلمتك
ده أنا قلبي محتاج رحمتك
3- أول ما أقول هارجع وأتوب بتزيد على قلبي الحروب
وأبقى أسير بين الذنوب تايه ما لاقي سكتك
ده أنا قلبي محتاج رحمتك
4- والحمل فوق كتفي تقيل بابكي يا ربي نهار وليل
أحزاني بحر دموعي سيل اظهر يا ربي حكمتك
ده أنا قلبي محتاج رحمتك

1- كلي ليك حتى لو زادت صعابي كلي ليك
كلي ليك حتى لو ضاعت أمالي برضه ليك

القرار - (أصلك انت فيك كفايتي وانتصاري وابتسامتي)2
والعيون تبكي وتملي إلا حبك يشفي نفسي
إلا حبك يشفي نفسي

2- (كلي ليك حتى لو طالت آلامي كلي ليك
كلي ليك حتى لو زالت نهاري برضه ليك)2
3- (كلي ليك حتى مهما إن فات في عمري من سنين
كلي ليك حتى مهما بعدت مش هانسى الحنين)2

القرار - وبرغم جراحك يا فاديَّ وبرغم الدم المسفوك
دمعة ما بانت يوم في عينيَّ ماسألتش ليه يوم صلبوك

1- كان قلبي أعمى مابيشوفشي كان مليان بآثام وذنوب
باع حبك لكن ماندمشي سابك وإنت جريح مصلوب
2- ونسيت إن آلامك دية كانت يا إلهي علشاني
علشان توهب لي الأبدية شلت صليبي وخدت مكاني
3- بس يا ربي بقلبي الخاطي جيت أقدم توبة بدموع
جيت أقدم لك كل حياتي علشان أعيشها معاك يا يسوع

القرار - راح أخفف جرحك يا فاديَّ وهاصون الدم المسفوك
وأبشر بخلاصك ليَّ ما عرفت أنا ليه يوم صلبوك

1- لما المشاكل والمتاعب يوم تحل
والبركة ترحل عننا والخير يقل
نرمي الحمول على ربنا ونقف نصلي بقلبنا
نلقى اللي كان يوم مستحيل له ألف حل
2- لما السنين تجري ما نشعر بارتياح
ونحس يوم إن السلام في قلوبنا راح
نلجأ بسرعة لأمنا حضن الكنيسة يضمنا
يزرع محبة في قلبنا يداوي الجراح
3- لما الحياة تملا عينينا بالدموع
ونحس إن الحزن ساكن في الضلوع
لا نسيب حياتنا للقدر ولا نتكل على إيد بشر
مين اللي يمسح دمعنا غير إيد يسوع

القرار - من ظلمكم ليَّ من جرحكم فيَّ
حتى اللي مالوش قلب رق وحن عليَّ

1- الحربة في جنبي تبكي هم اللي طعنوني
مسامير في إيديَّ تشكي هم اللي سمروني
2- الشوك فوق راسي صارخ ما بيدي أبقى جارح
يا ريت تكون مسامح هم اللي كللوك
3- المر في حلقي نار بيبكي في خجل وعار
ما بيدي أكون مرار هم اللي بيسقوك
4- سامع أنة صليبي بيشاركني لهيبي
بيقولي غصب عني هم اللي بيصلبوك

1- (الإيد ممدودة ليك والعين دايماً عليك)2
ورعايتي بتحرسك وعنايتي بتشملك وأمر بكرة يراعيك

القرار - (وهاسيب لك الاختيار تدخل حضني براح
يا تتوه بين القفار بين دمع وبين جراح)2

2- (ليه هربان في السفن؟ ليه حلمك يندفن؟)2
هأمُر بحرك يجيبك وأمر موتك يسيبك وتدوس قبر وكفن

1- (قالي الشيطان خطاياك خلت يسوع ينساك)2
(لكني بنفسي سمعته بيقولي أنا وياك)2

القرار - صليبي كان بدالك وقبري ده كان مكانك
أنا بدمي فديتك وبموتي قد أحييتك
(تعال تعال تعال تعال إليَّ الآن)2

2- (قال لي يسوع تعال بلاش تنظر للحالة)2
(ده أنا أقدر أغيرك ما عندي حاجة محالة)2
3- (أنا بخطاياي أجيلك وتوبة قلبي أديلك)2
(ده إنت اللي حبيتني مين يغفـر ذنبي غيرك)2
4- (يا يسوع الحبيب فاديَّ وأغلى نصيب)2
(أديلك كل حياتي عند قدميك سكيب)2