خروجه يقين كالفجر (15 ترنيمة )

افتحوا أيها الملوك أبوابكم وارتفعي أيتها الأبواب الدهرية ليدخل ملك المجد
من هو هذا ملك المجد؟
الذي صعد إلى السماوات ونزل وجمع الرياح في حفلتيه
الذي صر المياه في ثوب وثبت جميع أطراف الأرض
الذي كال بكفه المياه وقاس السماوات بالشبر
وكان بالكيل تراب الأرض
ووزن الجبال بالقبان والآكام بالميزان
هذا هو ملك المجد (3)

القرار- عظيم إلهنا بنغني قدير إلهنا بنغني
مجيد إلهنا بنغني رافعين راياتنا تملي

1- قاس السماء بشبر إيديه كال المية في كفيه
جمع الريح في حفنتيه هللويا لعمل إيديه
2- بالقبان وزن الجبال بالميزان وزن الآكام
على صورته خلق الإنسان بذراعه جمع الحملان
3- نادى الموتى من القبور بدل الظلمة بالنور
أطلق الشعب المأسور سلطانه على كل الكون

1-افتحوا الأبواب لملكنا
يا كل ملوك الأرض يا جند السماء
افتحوا الأبواب لملكنا

القرار- ده راكب السحاب جاي لأرضنا
في حضوره الكل قائل: "مجداً يا ربنا"

2- صوت صارخ في البرية: "أعدوا طريق الرب"
املؤوا الأواني تسبيحاً وحمد
3- كل غطاء يرتفع كل جبال تنهار
أمام القدوس ملكنا يسوع البار

لا سلاطين ولا قوات تقدر تمنع التسبيحات
إنت العالي فوق السماوات إنت وحدك رب الأرباب
نهتف ونغني لينا البركات وفي أرضنا نعلن المجد عاد
وبسلطان نسحق حيات نصنع باسمك كل الآيات

القرار- يا نفسي سبحي مسيحك وافرحي
دا إلهك اعبدي أمامه انحني
1- خيمتك أوسعي أطنابك شددي
في محضره اهتفي علم حبه ارفعي
2- ثياب عزك البسي بجمالك افرحي
أزال عدوك ودمه مغطيكي
3- أقدام الإيل الرب أعطاكِ
على مرتفعات هو أقامكِ

القرار- ده علمه فوقي علم محبة وحبه ليَّ أعظم عطية

1-معروف حبيبي بين الجموع معروف بحبه معروف يسوع
سبى فؤادي ملا حياتي وليوم مجيئه أهتف وأنادي
2-هو حملني على منكبيه وجذبني حبه ورفعني ليه
أهتف وأنادي في كل وادي ده حبيبي ليَّ وأنا إليه
3- وصوت حبيبي صوت السلام بيملا قلبي فرح وأمان
بالحب يملك يملا الكيان وخوفي يهرب مالوش مكان

إليه بشكرك.. إليه بعظمك
علشان أنت النهار ده بتدعي كل نفس فينا من تاني
بتقولها وسعي مكان خيمتك وأطيلي أطنابك
شددي أوتادك لأنك هتمتدين إلى اليمين وإلى اليسار
وطلع كمان إنك ها تعمري مدن خاربة
وعدتها إنك مش ها تخزيها
قلت لها ما تخافيش لأنك بمراحم عظيمة ها تجمعها
وبإحسان أبدي ها ترحمها وها تنسيها كل القديم
لأنك صانع أمر جديد
هوا ده وعدك
علشان كده يا رب منجي قدامك من تاني
منخلع كل الثياب القديمة
ونلبس ثياب البر ثياب التواضع ثياب القداسة والمهابة
ورداء التسبيح والفرح عوضا عن أي روح يائسة
آمين

نفسي أسألك سؤال: هل بتشعر في الأيام دي كأنك في وسط بحر هايج؟
وإن سفينة حياتك في خطر والريح ضدك قوية؟
وبتسأل نفسك: هي السفينة رايحة على فين؟
وشايف إنه الليل جي وإن الضلمة بتسود عالموقف
وكأن ما فيش شعاع نور جاي يزيل المخاوف
يمكن يكون ده حقيقي وواقع الأحداث بيقول كده
لكنني عايز أقولك: دي مش النهاية
تعال نشوف الحقيقة في كلمة الرب بتقول إيه
سيخرجني إلى النور وسأنظر بره
عشان كده أتشدد وأتشجع
لا ترهب ولا ترتعب
عارف ليه؟ عشان جاي فجر جديد

القرار- خروجه يقين كالفجر وإحنا بنستناه
ماسكين في إيديه عابرين في البحر معاه

1- مهما كانت جبال عالية مهما علت أمواج
كلمة يسوع هي الأعلى فوق كل رياح
واللي ابتدى فينا هايكمل رغم أنف الأعداء
2- يدخل والأبواب مقفولة يعلن لينا سلام
يفتح إيده جروحه تعلن لينا كل ضمان
والإعلان اللي مالينا يسوع قام وإحنا معاه
3- وفي وسط الأتون تلاقيه وفي جب الأسود
وفي السجن ييجي بقوة ويفك القيود
والكل يشهد يعلن يسوع رب الوجود

1- طوبى لمن اتكل عليه طوبى لمنتظريه
هاتوسع خطواته من تحت رجليه

القرار- باسمك تُجرى آيات باسمك تُجرى عجائب
معروف في السماوات يسوع هو الغالب

2- مين يقدر يمنع فرحي مين ياخد سلامي
اسمك برج حصين فيه بلاقي ضماني
3- مين يعبر بالشعب النهر مين غيرك ينادي
بالحرية وفك الأسر والخلاص لبلادي

القرار- أنت مش بعيد علينا أنت ساكن وسطينا
بتحبك قلوبنا رافعين ليك إيدينا

1- تحت ظلك عايشين ولمجدك موجودين
ومافيش غيرك وحدك ترفع كل يمين
2- وفي وادي الموت عابرين ماشيين ومش خائفين
وعدك لينا يا إلهنا ها تفضل لينا معين

القرار- تسبيحي وترنيمي ليك إنت يا مليكي
1- ليك إنت يا إلهي ليك إنت يا خلاصي يا مسيحي
2- ليك إنت يا شفائي ليك إنت يا عزائي يا مسيحي
3- ليك إنت يا ضامنّي ليك إنت يا رافعني يا مسيحي
4- ليك إنت يا حبيبي ليك إنت يا عريسي يا مسيحي

الذاهب ذهاباً بالبكاء
مجيئاً يجيء بالترنم
حينئذ امتلأت أفواهنا ضحكاً وألسنتنا ترنماً
حينئذ قالو بين الأمم
إن الرب قد عظم العمل مع هؤلاء
زي ما في أوقات كثيرة في حياتنا
بتكون صعبة وبتسبب لينا ألم
وبنحس فيها إن ما فيش أمل
لكن أنا عايزة أقولكم خبر مفرح
إن الرب كمان يقدر يدينا أوقات للفرح والترنم
تعالوا نفرح بالرب
حتى لو كنا بنمر بأوقات صعبة
لأن فرحه هو قوتنا
وملكوته هو ملكوت الفرح
هللويا

أنا ملك ابن ملك ملك الملوك العظيم
ده تاجي صنعه بحبه وفداه الثمين
أنا كاهن أكهن وأخدم ربي وإلهي القدير
أسبح وأعلن اسمه للصغيّر والكبير
ويسوع إلهنا ملك الملوك بيقود حياتنا
وعلينا بيسود نمشي في طريقه نفرح ونقول

1- (يهوه نسي الرب راية لنا فيه كل الكفاية)2 هللويا
2- (يهوه صباؤوت رب الجنود في وسط شعبه هو بيسود)2 هللويا
3- (يهوه رفا هو شفائي أرسل ابنه لما إبراهيم)2 هللويا
4- (يهوه رعا هو راعيَّ حياتي معاه مجد وحرية)2 هللويا
5- (يهوه شالوم هو سلامي في وقت ضيقي هو أمامي)2 هللويا